وزیر اعلیٰ سندھ اور پی سی بی چیئرمین کا نیا ناظم آباد کرکٹ اسٹیڈیم کا دورہ
اشاعت کی تاریخ: 12th, February 2025 GMT
کراچی (نیوز ڈیسک)سید مراد علی شاہ، وزیر اعلیٰ سندھ، اور سید محسن نقوی، چیئرمین پاکستان کرکٹ بورڈ اور وفاقی وزیر داخلہ، نے نیا ناظم آباد کرکٹ اسٹیڈیم کا دورہ کیا۔
اس موقع پر عارف حبیب گروپ کے چیئرمین جناب عا رف حبیب اور دیگر ممتاز میزبانوں نے نیا ناظم آباد کرکٹ اسٹیڈیم میں ان کا استقبال کیا۔انھوں نے نیا ناظم آباد میں کھیلوں کی اور دوسری بہترین تفریحی سہولتوں کی تعریف کی،جنھوں نے اسے کمیونٹی اسپورٹس اور تفریح کا مقام بنا دیا ہے اور اسے فکر انگیز منصوبہ بندی کے ساتھ تیار کردہ شہری منظر نامے کے اندر پر سکون طریقے سے مربوط کر دیا ہے۔
جناب نقوی نے نیا ناظم آباد جمخانہ اور اس کے شاندار کرکٹ اسٹیڈیم کی بطور خاص تعریف کی،جو کھیلوں کی صلاحیتوں کے استحکام اور صحت مند طرز زندگی کو فروغ دینے کا مرکز بن چکا ہے۔انھوں نے اسپانسرز اور اسٹیک ہولڈرز کی کوششوں کو سراہا،جنھوں نے اسے کراچی کا ایک بہترین اسٹیڈیم بنانے،مقامی کرکٹ کی مدد اور کھیلوں کے بڑے ایونٹس کی میز بانی میں کردار ادا کیا ہے۔
اس موقع پر جناب عارف حبیب نے کہا کہ” نیا ناظم آباد محض ایک رہائشی پراجیکٹ سے بڑھ کر ہے؛ یہ فروغ پانے اور خود کو برقرار رکھنے والی کمیونٹی کی ایسی سوچ ہے جو اسپورٹس، صحت اور تفریح کو بہت زیادہ اہمیت دیتی ہے۔ہمیں جناب محسن کی میزبانی اور ان پر ایک بہتر کراچی کی تعمیر کا عزم ظاہر کرنے پر فخر ہے۔ہمارے کرکٹ اسٹیڈیم کی کامیابی اجتماعی کوششوں کی طاقت اور ہمارے عوام کے جوش و جذبے کا ثبوت ہے” ۔
وزیر اعلیٰ سید مراد علی شاہ نے اس اقدام کو سراہتے ہوئے کہا، ”نیا ناظم آباد جیسے ترقیاتی منصوبے کراچی کے مستقبل کی تشکیل میں اہم کردار ادا کرتے ہیں، جو نہ صرف جدید رہائش فراہم کرتے ہیں بلکہ عالمی معیار کی کھیلوں اور تفریحی سہولیات بھی مہیا کرتے ہیں، جو ایک صحت مند اور متحرک کمیونٹی کو فروغ دیتی ہیں۔”
تقریب میں کراچی کے میئر جناب مرتضیٰ وہاب اور صوبائی وزیر برائے مقامی حکومت جناب ناصر حسین شاہ کے ساتھ ساتھ ممتاز بینکاروں اور سرکردہ انٹر پرینیورز نے شرکت کی۔
اس شام کا اہم پہلو انٹر پرینیور الیون اور ایگزیکٹیوز الیون کے درمیان سنسنی خیز ڈے اینڈ نائٹ ٹی20 کرکٹ میچ تھا،جس سے کراچی کی کاروباری برادری میں کرکٹ کا جوش و جذبہ عیاں ہوا۔
.ذریعہ: Daily Ausaf
کلیدی لفظ: نے نیا ناظم ا باد کرکٹ اسٹیڈیم
پڑھیں:
چیئرمین جوائنٹ چیفس سے تاجکستان کے اعلیٰ فوجی عہدیدار کی ملاقات، دفاعی تعاون بڑھانے پراتفاق
آئی ایس پی آر کے مطابق تاجکستان کے میجر جنرل سیدزودا بابوجون عبدالقادر نے جنرل ساحر شمشاد مرزا سے ملاقات کی۔ دونوں ممالک نے خطے کی سیکیورٹی اور دفاعی تعلقات کو مضبوط کرنے پر اتفاق کیا۔پاک فوج کے شعبہ برائے تعلقاتِ عامہ (آئی ایس پی آر) کی جانب سے جاری بیان کے مطابق تاجکستان کی مسلح افواج کے چیف آف جنرل اسٹاف اور فرسٹ ڈپٹی وزیر دفاع، میجر جنرل سید زودا بابوجون عبدالقادر نے جوائنٹ اسٹاف ہیڈکوارٹرز راولپنڈی کا دورہ کیا، جہاں انہوں نے چیئرمین جوائنٹ چیفس آف اسٹاف کمیٹی جنرل ساحر شمشاد مرزا سے ملاقات کی۔آئی ایس پی آر کے مطابق اس ملاقات میں خطے کی بدلتی ہوئی سلامتی کی صورتحال اور باہمی اسٹریٹجک مفادات پر تفصیلی تبادلہ خیال کیا گیا۔ دونوں فوجی رہنماؤں نے پاکستان اور تاجکستان کے درمیان گہرے برادرانہ تعلقات کو سراہا اور دفاعی شعبے میں تعاون کو مزید فروغ دینے پر زور دیا۔ترجمان پاک فوج کے مطابق چیئرمین جوائنٹ چیفس آف اسٹاف کمیٹی نے معزز مہمان کا استقبال کیا جبکہ میجر جنرل سیدزودا نے پاکستان کی مسلح افواج کی پیشہ ورانہ مہارت اور دہشت گردی کے خلاف قربانیوں کو خراج تحسین پیش کیا۔ملاقات سے قبل مہمان کی آمد پر تینوں مسلح افواج کے چاک و چوبند دستے نے انہیں گارڈ آف آنر پیش کیا، جو دونوں ممالک کے قریبی اور مضبوط عسکری تعلقات کی عکاسی کرتا ہے۔
وزیر اعظم نے نیشنل ٹیرف کمیشن کی ہنگامی بنیادوں پر تنظیم نو کی ہدایت کردی