ہنی ٹریپ کے ذریعے بلیک میل کرنے والا ملزم گرفتار
اشاعت کی تاریخ: 13th, February 2025 GMT
ایف آئی اے سائبر کرائم سرکل کوئٹہ نے ہنی ٹریپ کے ذریعے بلیک میلنگ اور بھتہ خوری میں ملوث ملزم گرفتار کرلیا۔
یہ بھی پڑھیں: ایف آئی اے کی کارروائی، سنار سے کروڑوں روپے کی امریکی کرنسی برآمد
ترجمان ایف آئی اے کے مطابق منظم ہنی ٹریپ کے ذریعے شہری کو بلیک میل کرنے پر گرفتار کیے گئے ملزم کی شناخت محمد بلال کے نام سے ہوئی۔ ملزم نے خود کو خاتون ظاہر کر کے متاثرہ شہری کو اپنے جال میں پھنسایا تھا۔
ایف آئی اے ترجمان نے بتایا کہ ملزم نے خاتون کے نام سے فیس بک اکاؤنٹ کے ذریعے متاثرہ شہری سے رابطہ کیا اور اس کو ملاقات کے بہانے گھر بلا کر زبردستی نازیبا ویڈیو ریکارڈ کی۔
ترجمان نے بتایا کہ ملزم نازیبا ویڈیوز کے حوالے سے متاثرہ شہری کو بلیک میل کر رہا تھا اور اس نے ویڈیو وائرل کرنے کی دھمکی دے کر 15 لاکھ روپے کا مطالبہ کیا تھا۔
مزید پڑھیے: ایف آئی اے کو سائبر کرائمز کی کتنے لاکھ درخواستیں موصول ہوئیں؟
ایف آئی اے نے جدید ٹیکنالوجی کو بروئے کار لاتے ہوئے ملزم کو کوئٹہ سے گرفتار کیا گیا۔ ملزم کے زیر استعمال ڈیجیٹل ڈیوائسز قبضے میں لے لی گئیں۔
ترجمان نے بتایا کہ ملزم کے قبضے سے قابل اعتراض مواد اور بلیک میلنگ کے شواہد بھی برآمد کیے گئے۔ ملزم کو گرفتار کر کے تفتیش کا اغاز کر دیا گیا ہے اور اس کے نیٹ ورک میں ممکنہ طور پر ملوث دیگر ملزمان اور مزید متاثرین کی جانچ پڑتال جاری ہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایف آئی اے بلیک میلنگ سائبر کرائم سرکل فیس بک ٹھگی.ذریعہ: WE News
کلیدی لفظ: ایف ا ئی اے بلیک میلنگ سائبر کرائم سرکل ایف ا ئی اے کے ذریعے
پڑھیں:
تفتان: انسانی اسمگلنگ اور سرحد پار کرنے کی کوششوں کے خلاف کارروائی، 4 ملزمان گرفتار
وفاقی تحقیقاتی ادارے (ایف آئی اے) کے اینٹی ہیومن ٹریفکنگ سرکل نے انسانی اسمگلنگ اور غیر قانونی طور پر سرحد پار کرنے کی کوششوں کے خلاف بڑی کارروائیاں کرتے ہوئے 4 ملزمان کو گرفتار کرلیا۔
یہ بھی پڑھیں: ایف آئی اے کی کراچی ایئرپورٹ پر کارروائیاں، 3 ملزمان گرفتار
ترجمان ایف آئی اے کے مطابق گرفتار افراد میں عمید، گل احمد، عبدالرحیم اور برہان خان شامل ہیں۔ کارروائی کے دوران گرفتار ہونے والا ملزم عمید غیر قانونی طور پر ایران جانے کی کوشش کر رہا تھا، جو تفتان بارڈر عبور کرتے ہوئے پکڑا گیا۔ ابتدائی تفتیش میں انکشاف ہوا کہ ملزم عمید کا تعلق افغانستان سے ہے۔
ملزم عمید کی نشاندہی پر انسانی اسمگلنگ کے نیٹ ورک سے وابستہ 2 دیگر افراد، گل احمد اور عبدالرحیم کو بھی گرفتار کر لیا گیا۔
ترجمان نے بتایا کہ اس کے علاوہ ایک اور ملزم بھی گرفتار ہوا جس کی شناخت برہان خان کے نام سے ہوئی اور اس کے پاسپورٹ پر امیگریشن کی جعلی اسٹمپ پائی گئی، جبکہ ریکارڈ سے معلوم ہوا کہ وہ ماضی میں ترکیہ سے ڈی پورٹ بھی ہو چکا ہے۔
یہ بھی پڑھیں: ایف آئی اے کی کارروائی، جعلی ویزے پر بیرون ملک جانے والا ملزم گرفتار
ایف آئی اے نے تمام گرفتار ملزمان کے خلاف تحقیقات کا آغاز کردیا ہے، اور مزید گرفتاریاں متوقع ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews افغان شہری انسانی اسمگلنگ ایف آئی اے کارروائی تفتان غیرقانونی سرحد عبور ملزمان گرفتار وی نیوز
پاکستان اسٹاک ایکسچینج میں تیزی، 100 انڈیکس ریکارڈ سطح پر، ڈالر سستا ہوگیا