کراچی تبلیغی اجتماع کا آغاز، شرکا کی آمد کا سلسلہ جاری
اشاعت کی تاریخ: 13th, February 2025 GMT
کراچی:
کراچی تبلیغی جماعت کا اجتماع جمعرات کو اورنگی ٹاؤن میں شروع ہو گیا۔ تبلیغی اجتماع اتوار کو صبح دعا کے ساتھ اختتام پذیر ہوگا۔اجتماع میں شرکاء کی آمد کا سلسلہ جاری ہے۔
تبلیغی اجتماع کا باقاعدہ آغاز جمعرات کو بعد نماز عصر ہوا۔ جمعرات کو بعد نماز عصر چوہدری رفیق اور بعد نماز مغرب مولانا احمد بٹلہ کے بیانات ہوئے۔ علمائے کرام نے کہا کہ مسلمانوں کے مسائل کا حل دین اسلام نے دیا ہے۔
علمائےکرام نے مزید کہا کہ اللہ کی رسی کو مضبوطی سے تھامے رہیں، نبی کریم ﷺ کے بتائے ہوئے راستے پر چلیں،یہی دنیا اور آخرت میں کامیابی ہے،دعوت تبلیغ کے کام کو پھیلائیں، اپنے وقت کو دین کے لیے وقف کریں، اللہ ہمارے مسائل اور مشکلات کو حل فرمائیں گے۔
جمعہ کو بعدنماز فجر نعیم شاہ، بعد نماز جمعہ مولانا حشمت، بعد نماز عصر ڈاکٹر سلیم اور بعد نماز مغرب مولانا عباد اللہ کے بیانات ہوں گے۔ اجتماع میں تمام ضروریات کے خصوصی اسٹالز لگانے کے ساتھ تمام انتظامات کیے گئے ہیں۔
اجتماع میں بیانات کے علاوہ دعوت تبلیغ دی جائے گی، شرکاء کو اسلامی تعلیمات سے آگاہ کیا جائے گا،اجتماع کے لیے سیکیورٹی کے خصوصی انتظامات کیے گئے ہیں۔
.ذریعہ: Express News
پڑھیں:
کراچی کے تمام 25 ٹاؤنز میں پارکنگ فیس ختم، نوٹیفکیشن جاری
کراچی:سندھ حکومت نے عوام کو بڑا ریلیف دیتے ہوئے کراچی کے 25 ٹاؤنز میں شہری سڑکوں سے پارکنگ فیس کا مکمل خاتمہ کر دیا۔
صوبائی حکومت نے جاری پارکنگ فیس مکمل ختم کرنے کا نوٹیفکیشن جاری کر دیا ہے، جس میں شہر کی تمام سڑکوں پر چارجڈ پارکنگ فیس لینے پر مکمل طور پر پابندی عائد کر دی گئی۔
پارکنگ فیس اب صرف پلازہ، پلاٹس یا مخصوص کونسلز کے مخصوص علاقوں میں لی جائے گی۔
تمام ٹاؤن میونسپل کارپوریشنز کو فیس ختم کرنے اور فوری عمل درآمد کی ہدایات جاری کر دی گئی۔ محکمہ بلدیات کی ہدایت پر پارکنگ فیس ختم کرنے کی باضابطہ مہم کا آغاز ہو چکا ہے۔
غیر قانونی طور پر شہریوں سے پارکنگ فیس لینے والوں کے خلاف کارروائی کی جائے گی۔
شہریوں کو مفت پارکنگ سہولت دینا ترجیح ہے اور کے ایم سی اب مالی طور پر مستحکم ہے۔ شہر کی مرکزی 46 سڑکوں پر پارکنگ مفت کر دی گئی اور بقیہ علاقوں میں بھی عمل جاری ہے۔
فرسودہ نظام سے ترقی ممکن نہیں، وزیراعظم کی ماہرین پر مشتمل ماڈل اپنانے کی ہدایت