کراچی تبلیغی اجتماع میں شرکا کی آمد جاری
اشاعت کی تاریخ: 13th, February 2025 GMT
کراچی: اورنگی ٹاؤن میں سالانہ تبلیغی اجتماع کا آغاز ہوگیا، جہاں ملک بھر سے شرکا کی آمد کا سلسلہ جاری ہے جب کہ اجتماع اتوار کی صبح اجتماعی دعا کے ساتھ ختم ہو جائے گا۔
اجتماع کا باضابطہ آغاز جمعرات کو بعد از نماز عصر ہوگیا، جس میں پہلے روز چودھری رفیق اور مولانا احمد بٹلہ نے بیانات دیے۔ علمائے کرام نے اپنے خطابات میں اسلام کی تعلیمات کو مضبوطی سے تھامنے پر زور دیا اور کہا کہ مسلمانوں کے تمام مسائل کا حل دین اسلام کی پیروی میں مضمر ہے۔
علما کا پیغام
علما نے حاضرین کو تلقین کی کہ وہ نبی اکرم ﷺ کی سنت پر عمل پیرا ہوں، دین کی دعوت کو عام کریں اور اپنی زندگی کا کچھ حصہ تبلیغ کے لیے وقف کریں۔ ان کا کہنا تھا کہ اللہ کی راہ میں کی جانے والی محنت نہ صرف دنیا میں کامیابی دلاتی ہے بلکہ آخرت میں بھی سرخروئی کا سبب بنتی ہے۔
بیانات کا شیڈول
جمعہ کے دن مختلف اوقات میں ممتاز علمائے کرام کے بیانات ہوں گے۔ شیڈول کے مطابق نماز فجر کے بعد مولانا نعیم شاہ، نماز جمعہ کے بعد مولانا حشمت، نماز عصر کے بعد ڈاکٹر سلیم، نماز مغرب کے بعد مولانا عباد اللہ کے بیانات ہوں گے۔
سہولیات اور سیکورٹی
اجتماع کے شرکا کے لیے خصوصی اسٹالز لگائے گئے ہیں، جہاں بنیادی ضروریات کی اشیا دستیاب ہوں گی۔ اس کے علاوہ، اجتماع میں دعوت و تبلیغ کے حلقے بھی قائم کیے گئے ہیں تاکہ شرکا کو اسلامی تعلیمات اور دین کی تبلیغ کے طریقے سکھائے جا سکیں۔
سیکورٹی انتظامات بھی سخت کر دیے گئے ہیں تاکہ اجتماع کے دوران کسی بھی ناخوشگوار واقعے سے بچا جا سکے۔ اجتماع کے منتظمین کے مطابق تمام شرکا کے لیے محفوظ اور پرسکون ماحول فراہم کیا گیا ہے۔
.ذریعہ: Jasarat News
کلیدی لفظ: کے بعد
پڑھیں:
اسداللہ بھٹو کے بھائی کی اہلیہ قضائے الٰہی سے انتقال کرگئیں
data-id="863a0a8" data-element_type="widget" data-widget_type="theme-post-content.default">
251105-08-16
کراچی ( اسٹاف رپورٹر)جماعت اسلامی کے بزرگ رہنما اسداللہ بھٹو کے بھائی حزب اللہ بھٹو کی اہلیہ منگل کی رات قضائے الٰہی سے انتقال کرگئیں ، مرحومہ کوچند دن پہلے اسٹروک ہوا تھا اوربیہوشی کے عالم میں سی ایم ایچ میں داخل کرایا گیا تھا، مرحومہ کی نماز جناز آج بروز بدھ بعد نماز ظہر 1:30بجے جامع مسجدفیلکن کمپلیکس ملیر کینٹ ادا کی جائے گی ۔ دریں اثنا امیر جماعت اسلامی سندھ کاشف سعید شیخ، جنرل سیکرٹری محمد یوسف ، سیکرٹری اطلاعات مجاہد چنا ، امیر جماعت اسلامی ضلع سائٹ غربی ڈاکٹر نورالحق، قیم ضلع راشد خان و دیگر ضلعی ذمے داران نے جماعت اسلامی کے بزرگ رہنما اسداللہ بھٹو کے بھائی حزب اللہ بھٹو کی اہلیہ کے انتقال پر گہرے رنج وغم کا اظہار کرتے ہوئے مرحومہ کی مغفرت، درجات کی بلندی اور تمام اہل خانہ کے لیے صبر جمیل کی دعا کی ہے۔
کراچی، نادرن بائی پاس پر پلاسٹک کے گودام میں آگ لگ گئی