خیبرپختونخوا میں سیکیورٹی فورسز کی 5 کامیاب کارروائیاں، 13 خوارج ہلاک
اشاعت کی تاریخ: 13th, February 2025 GMT
راولپنڈی: سیکیورٹی فورسز نے خیبرپختونخوا کے مختلف علاقوں میں دہشت گردوں کے خلاف بڑی کارروائیاں کرتے ہوئے 13 خوارج کو ہلاک کر دیا۔
پاک فوج کے شعبہ تعلقات عامہ (آئی ایس پی آر) کے مطابق یہ انٹیلیجنس بنیاد پر 12 اور 13 فروری کی درمیانی شب پانچ مختلف مقامات پر آپریشن کیے گئے، جن میں مطلوب دہشت گردوں کو نشانہ بنایا گیا۔
پاک فوج کے شعبہ تعلقات عامہ (آئی ایس پی آر) کے مطابق ڈی آئی خان کے علاقے کولاچی میں سیکیورٹی فورسز نے ایک اہم کارروائی کی، جہاں دو طرفہ فائرنگ کے تبادلے میں شاہ گل نامی دہشت گرد سمیت 5 خوارج مارے گئے۔ سیکیورٹی ذرائع کے مطابق یہ دہشت گرد متعدد تخریبی کارروائیوں میں ملوث تھے۔
آئی ایس پی آر کے مطابق شمالی وزیرستان کے علاقوں دوسالی اور تاپی میں دو الگ الگ کارروائیوں کے دوران شدید فائرنگ کے تبادلے میں 5 دہشت گرد ہلاک ہوئے۔ ان دہشت گردوں سے بھاری مقدار میں اسلحہ اور دھماکا خیز مواد بھی برآمد ہوا، جو وہ ملک میں دہشت گردی کے منصوبے بنانے کے لیے استعمال کرنا چاہتے تھے۔
آئی ایس پی آر کا کہنا تھا کہ سیکیورٹی فورسز نے خیبرپختونخوا کے ضلع لکی مروت میں بھی ایک کامیاب آپریشن کیا، جس میں دو خطرناک دہشت گردوں کو ہلاک کر دیا گیا۔
سیکیورٹی فورسز کی کامیابی، قوم کا خراج تحسین
خیبرپختونخوا میں ان کامیاب کارروائیوں پر عوام اور سیکیورٹی ماہرین کی جانب سے پاک فوج اور دیگر سیکیورٹی اداروں کو خراج تحسین پیش کیا جا رہا ہے، ان کارروائیوں سے خطے میں امن و امان کی بحالی میں مدد ملے گی اور دہشت گردوں کے نیٹ ورک کو مزید کمزور کیا جا سکے گا۔
پاکستان کی سیکیورٹی فورسز ملک میں امن کے دشمنوں کے خلاف برسرِپیکار ہیں اور دہشت گردی کے خاتمے کے لیے ہر ممکن اقدامات کر رہی ہیں۔
.ذریعہ: Jasarat News
کلیدی لفظ: سیکیورٹی فورسز آئی ایس پی آر کے مطابق
پڑھیں:
اردنی فورسز نے اسرائیل کی سمت آنے والا ڈرون تباہ کر دیا
data-id="863a0a8" data-element_type="widget" data-widget_type="theme-post-content.default">
عقبہ: اردن کی فضائیہ نے اسرائیل کی جانب پرواز کرنے والے ایرانی ڈرون کو عقبہ ریجن میں کامیابی سے مار گرایا، یہ کارروائی اردنی فضائی حدود کی خلاف ورزی روکنے کے لیے کی گئی۔
عرب میڈیا کے مطابق اردنی حکام نے تصدیق کی ہے کہ ایران سے اسرائیل کی جانب لانچ کیے گئے ڈرونز میں سے ایک ڈرون اردن کی فضائی حدود میں داخل ہوا، جس پر ائیر ڈیفنس سسٹم کو فوری طور پر فعال کر کے کارروائی کی گئی اور ڈرون کو مار گرایا گیا۔ اردنی مسلح افواج کے مطابق یہ اقدام شہری علاقوں میں کسی بھی ممکنہ جانی نقصان سے بچنے کے لیے کیا گیا۔
بیان میں کہا گیا کہ اردن کی افواج ملک کی زمینی، فضائی اور سمندری سرحدوں کے دفاع کے لیے مکمل الرٹ ہیں اور کسی بھی حالت میں اپنی فضائی حدود کی خلاف ورزی کی اجازت نہیں دی جائے گی۔
واضح رہے کہ گزشتہ روز بھی اردن کی فوج نے متعدد میزائلوں اور ڈرونز کو اپنی فضائی حدود میں داخل ہونے سے پہلے ہی تباہ کر دیا تھا۔ ادھر امریکی میڈیا نے دعویٰ کیا ہے کہ مشرق وسطیٰ کے کئی ممالک نے اسرائیل پر ایرانی حملے کو روکنے میں اس کی خفیہ معاونت کی ہے، جس میں اردن بھی پیش پیش رہا۔
تمام قبائل کو ریاست سے متحد ہوکر بات کرنی ہوگی، فیصل کریم کنڈی