یونیسف کو کانگو میں بچوں کی صورتحال پر گہری تشویش
اشاعت کی تاریخ: 14th, February 2025 GMT
اسلام آباد (اُردو پوائنٹ ۔ UN اردو۔ 14 فروری 2025ء) اقوام متحدہ کے ادارہ برائے اطفال (یونیسف) نے متنبہ کیا ہےکہ جمہوری کانگو (ڈی آر سی) میں بڑھتے ہوئے تشدد کے باعث جنسی تشدد، زیادتی اور بچوں کی ہلاکتوں میں خطرناک شرح سے اضافہ ہو رہا ہے۔
ادارے کی ایگزیکٹو ڈائریکٹر کیتھرین رسل نے بچوں پر اس تنازع کے تباہ کن اثرات کی بابت گہری تشویش کا اظہار کرتے ہوئے کہا ہے کہ صوبہ شمالی اور جنوبی کیوو میں متحارب فریقین کی جانب سے بچوں کے حقوق کی سنگین پامالی ہو رہی ہے جس کی حالیہ برسوں میں کوئی مثال نہیں ملتی۔
بین الاقوامی غیرسرکاری ادارے 'سیو دی چلڈرن' کے مطابق، صوبہ اتوری میں سوموار کو 52 افراد کی ہلاکت ہوئی جن میں کم از کم 28 بچے بھی شامل ہیں۔ یہ ہلاکتیں تیز دھار اسلحے اور بندوقوں کی فائرنگ سے ہوئیں۔
(جاری ہے)
مسلح افراد نے بہت سے لوگوں کے گھروں کو بھی نذر آتش کر دیا جبکہ ایسے واقعات میں لوگوں کے زندہ جلنے کی اطلاعات بھی موصول ہوئی ہیں۔
جنسی تشدد اور زیادتیادارے نے بتایا ہے کہ بچوں کے اغوا اور ان کے ساتھ جنسی تشدد کے واقعات میں تیزی سے اضافہ ہو رہا ہے۔
27 جنوری سے 2 فروری کے درمیانی ایام میں یونیسف کے 42 طبی مراکز میں آنے والی ایسی خواتین اور لڑکیوں کی تعداد میں پانچ گنا اضافہ دیکھا گیا جنہیں جنسی زیادتی کا نشانہ بنایا گیا تھا اور ان میں 30 فیصد تعداد نوعمر لڑکیوں کی تھی۔کیتھرین رسل نے کہا ہے کہ متاثرین کی حقیقی تعداد اس سے کہیں زیادہ ہو سکتی ہے کیونکہ بہت سی خواتین خوف کے مارے سامنے نہیں آنا چاہتیں جبکہ امدادی اداروں کے پاس انہیں ایچ آئی وی انفیکشن سے بچانے کے لیے درکار ادویات کی قلت کے باعث سبھی کو طبی سہولیات کی فراہمی آسان نہیں رہی۔
جنگ میں بہت سے بچے اپنے خاندانوں سے بچھڑ گئے ہیں جنہیں بدسلوکی اور استحصال کا نشانہ بنائے جانے کا خطرہ ہے۔ دو ہفتوں کے دوران شمالی اور جنوبی کیوو میں ایسے 1,100 بچوں کی نشاندہی ہوئی جبکہ یہ تعداد متواتر بڑھ رہی ہے۔
بچہ سپاہیوں کی بھرتی
ایگزیکٹو ڈائریکٹر نے کہا ہے کہ ملک کے جنگ زدہ علاقوں میں مسلح گروہوں کی جانب سے کم از کم 4,006 بچوں کو جنگی مقاصد کے لیے بھرتی کیے جانے کی اطلاعات موصول ہوئی ہیں جن میں 12 سال تک عمر کے بچے بھی شامل ہیں۔
لڑائی میں شدت آنے کے بعد اس تعداد میں مزید اضافے کا خدشہ ہے۔انہوں نے متحارب فریقین پر زور دیا ہے کہ وہ بچوں کے حقوق کی اس سنگین پامالی کو روکیں اور شہریوں کو تحفظ دینے کے لیے بین الاقوامی قانون کی مطابقت سے ٹھوس اقدامات کریں۔
حاملہ خواتین کے مصائبجنسی و تولیدی صحت کے لیے اقوام متحدہ کے ادارے (یو این ایف پی اے) نے کہا ہے کہ لڑائی اور تشدد سے حاملہ خواتین بھی ہولناک طور سے متاثر ہو رہی ہیں۔
ایسی بہت سی خواتین کو پناہ کی تلاش میں کئی مرتبہ نقل مکانی کرنا پڑی ہے اور وہ ایسے گنجان آباد کیمپوں میں رہنے پر مجبور ہیں جہاں طبی سہولیات تک رسائی بہت محدود ہے۔حالیہ بحران سے پہلے ہی ملک میں حاملہ خواتین کے لیے طبی سہولیات بہت کم تھیں جن میں اب بہت بڑے پیمانے پر اضافہ ہو گیا ہے۔ جنگ زدہ صوبوں میں ایک تہائی ہسپتال اور 20 فیصد بنیادی طبی مراکز ہی فعال رہ گئے ہیں۔
ان حالات میں بہت سی خواتین کے لیے 'یو این ایف پی اے' کے متحرک کلینک ہی طبی مدد کے حصول کا واحد ذریعہ ہیں۔ادارے نے بتایا ہے کہ شمالی اور جنوبی کیوو میں حاملہ خواتین کی تعداد تقریباً 220,000 ہے جن میں 12 ہزار سے زیادہ بے گھر ہیں جنہیں کسی طرح کی کوئی طبی مدد میسر نہیں۔ 88 ہزار سے زیادہ خواتین اور لڑکیوں کو صنفی بنیاد پر تشدد کا خدشہ لاحق ہے جبکہ طبی خدمات کی فراہمی بند ہو جانے سے ان چاہے حمل میں بھی اضافہ متوقع ہے۔
.
ذریعہ
ذریعہ: UrduPoint
کلیدی لفظ: تلاش کیجئے حاملہ خواتین سی خواتین کہا ہے کہ کے لیے ہیں جن
پڑھیں:
خیبرپختونخوا میں بارشوں اور سیلاب سے 28 افراد جاں بحق، 29 زخمی
19 جولائی سے خیبرپختونخوا میں ہونے والی شدید بارشوں اور فلیش فلڈ کے نتیجے میں مختلف حادثات میں اب تک 28 افراد جاں بحق جبکہ 29 افراد زخمی ہو چکے ہیں۔
صوبائی ڈیزاسٹر مینجمنٹ اتھارٹی یعنی پی ڈی ایم اے کے مطابق جاں بحق ہونے والوں میں 10 مرد، 3 خواتین اور 15 بچے شامل ہیں، جبکہ زخمیوں میں 13 مرد، 9 خواتین اور 7 بچے شامل ہیں۔
یہ بھی پڑھیں: خیبرپختونخوا میں 19 سے 23 جولائی تک شدید بارشوں کا الرٹ، سیلاب، لینڈ سلائیڈنگ اور اربن فلڈنگ کا خدشہ
زیادہ تر حادثات گھروں کی چھتیں اور دیواریں گرنے یا سیلابی ریلوں میں بہہ جانے کے باعث پیش آئے۔
ترجمان پی ڈی ایم اے کے مطابق شدید بارشوں اور فیلش فلڈ سے مجموعی طور پر 47 گھروں کو نقصان پہنچا، جن میں 37 گھروں کو جزوی جبکہ 10 گھر مکمل طور پر منہدم ہو گئے۔
Heavy monsoon rains triggered dangerous flash floods in Khyber District, KP, sweeping away a vehicle. Thanks to the quick action of local residents, the driver was rescued safely.#FlashFlood #Khyber #Pakistan #Monsoon2026 #ClimateAction #StaySafe pic.twitter.com/QoeeY8x1if
— MH ClimateActions (@mhclimateaction) July 23, 2026
یہ حادثات پشاور، نوشہرہ، خیبر، مردان، بونیر، باجوڑ، شانگلہ، صوابی، اپر و لوئر چترال، اپر و لوئر دیر، ایبٹ آباد، مانسہرہ، ہری پور، اپر کوہستان، ٹانک، تورغر، کرم، شمالی وزیرستان اور جنوبی وزیرستان سمیت مختلف اضلاع میں پیش آئے۔
ترجمان کے مطابق پی ڈی ایم اے، ریسکیو 1122، ضلعی انتظامیہ اور دیگر متعلقہ ادارے باہمی رابطے میں ہیں اور متاثرہ علاقوں میں امدادی سرگرمیاں جاری ہیں۔
مزید پڑھیں: خیبر پختونخوا میں موسلادھار بارشوں سے تباہی، 12 افراد جاں بحق، 18 زخمی
پی ڈی ایم اے نے متاثرہ اضلاع کی انتظامیہ کو متاثرین تک امدادی سامان کی فوری فراہمی اور امدادی کارروائیاں مزید تیز کرنے کی ہدایت بھی جاری کی ہے۔
ڈائریکٹر جنرل پی ڈی ایم اے نے شہریوں سے اپیل کی ہے کہ وہ غیر ضروری سفر سے گریز کریں، حساس سیاحتی مقامات کا رخ نہ کریں اور موسمی صورتحال کے حوالے سے جاری سرکاری الرٹس اور ایڈوائزریز پر سختی سے عمل کریں۔
پی ڈی ایم اے کے مطابق ادارے کا ایمرجنسی آپریشن سینٹر مکمل طور پر فعال ہے۔ عوام کسی بھی ناخوشگوار واقعے کی اطلاع، موسمی صورتحال سے آگاہی یا دیگر معلومات کے لیے فری ہیلپ لائن 1700 پر رابطہ کر سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایمرجنسی آپریشن سینٹر بارش پی ڈی ایم اے حساس خیبر پختونخوا ریسکیو 1122 سیاحتی مقامات سیلاب سیلابی ریلوں فعال فیلش فلڈ موسمی صورتحال
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم