26 نومبر احتجاج: پی ٹی آئی رہنما شہریار آفریدی کی ضمانتوں میں توسیع
اشاعت کی تاریخ: 15th, February 2025 GMT
اسلام آباد:
انسداد دہشت گردی عدالت نے پی ٹی آئی رہنما شہریار آفریدی کی تمام مقدمات میں عبوری ضمانتوں میں توسیع کردی۔
انسداد دہشت گردی عدالت میں شہریار آفریدی کیخلاف 26 نومبر کے احتجاج پر درج مقدمات میں ضمانت قبل از گرفتاری کی درخواستوں پر سماعت ہوئی، شہریار آفریدی اپنے وکیل سردار مصروف ایڈووکیٹ کے ہمراہ عدالت میں پیش ہوئے۔
پی ٹی آئی رہنما کیخلاف اسلام آباد کے تھانہ سیکریٹریٹ، ترنول، مارگلہ، اور آبپارہ میں مختلف مقدمات درج ہیں، عدالت نے تمام مقدمات میں شہریار آفریدی کی عبوری ضمانتوں میں توسیع کر دی۔ تھانہ آبپارہ اور سیکریٹریٹ کے مقدمات کی سماعت 24 مارچ تک ملتوی کردی گئی۔
تھانہ مارگلہ کے مقدمے کی سماعت 8 اپریل تک اور تھانہ ترنول و دیگر مقدمات کی سماعت 28 مارچ تک ملتوی کردی گئی۔ عدالت نے فیصلہ کیا کہ تمام ضمانتوں کو دیگر ملزمان کی ضمانتوں کے ساتھ اکٹھا سنا جائے گا۔
جوڈیشل کمپلیکس کے باہر میڈیا سے گفتگو کرتے ہوئے شہریار آفریدی نے کہا کہ آئین اور قانون کی بالادستی کا علم میرے لیڈر نے اٹھایا ہوا ہے، ہم عدالتوں میں رہ کر تمام جھوٹے مقدمات کا مقابلہ کریں گے۔ انہوں نے مزید کہا کہ اس ملک میں کسی کو حق گوئی پر ذلیل نہیں کیا جانا چاہیے۔
شہریار آفریدی نے حکومت پر تنقید کرتے ہوئے کہا کہ ن لیگ کی حکومت چور دروازے سے اقتدار میں آئی ہے اور پنجاب میں دفعہ 144 لگا کر پی ٹی آئی کے کارکنان کی زندگی اجیرن بنا رکھی ہے۔
انہوں نے یہ بھی کہا کہ تمام سیاسی جماعتوں کو بنیادی حقوق کے تحفظ کے لیے آواز اٹھانی چاہیے اور وقت کی ضرورت ہے کہ ملک کی بنیادوں کو ٹھیک کیا جائے۔
.ذریعہ: Express News
کلیدی لفظ: شہریار آفریدی کہا کہ
پڑھیں:
ٹیکس گوشوارے جمع نہ کرانے والوں کے لئے 15نومبر تک توسیع
data-id="863a0a8" data-element_type="widget" data-widget_type="theme-post-content.default">
اسلام آباد: فیڈرل بورڈ آف ریونیو (ایف بی آر) نے اعلان کیا ہے کہ مقررہ تاریخ پر گوشوارے جمع نہ کراسکنے والے 15 نومبر تک آن لائن توسیع کی درخواست دے سکتے ہیں۔
ایف بی آر اعلامیے کے مطابق ٹیکس دہندگان کی حیثیت کا تعین 2024ء میں جمع کرائےگوشواروں کی بنیاد پر کیا جائے گا۔ مقررہ وقت کے اندر توسیع کی درخواست کرنے والوں کو ایکٹیو ٹیکس دہندگان کی فہرست سے نہیں نکالا گیا ہے۔
اعلامیے کے مطابق ایکٹیوٹیکس دہندگان کی فہرست میں 15 نومبر 2025ء تک تمام نئے فائلرز بھی شامل کیے جائیں گے۔
ایف بی آر اعلامیے کے مطابق حالیہ ترامیم کے بعد گوشواروں کو دستی طور پر جمع کرانے کا سلسلہ ختم کر دیا گیا ہے، مقررہ تاریخ تک گوشوارے جمع نہ کرا سکنے والے 15 نومبر تک آن لائن توسیع کی درخواست دے سکتے ہیں۔
اسرائیلی حملوں سے "غزہ میں جنگبندی" کی خلاف ورزی نہیں ہوتی، ٹرمپ کا دعوی