الحمرا آرٹ کونسل میں فیض فیسٹیول کا آج آخری روز
اشاعت کی تاریخ: 16th, February 2025 GMT
لاہور الحمرا آرٹ کونسل میں جاری تین روزہ فیض فیسٹیول کا آج تیسرا اور آخری روز ہے۔تیسرے روز علمی، ادبی اور ثقافتی سرگرمیوں کا سلسلہ بھرپور انداز میں جاری ہے، فیسٹیول کے آخری روز20سے زائد سیشن منعقد ہوئے،معروف ادباء،شعراء ، دانشور اور فنکار وں نےشرکت کی۔منٹو، فلسطین، سیکولرازم، خواتین و ماحولیات، ورثہ و سیاحت، سوشل میڈیا اور سیاست کا تعلق، فلمی تحریر کے موضوعات پر بھی گفتگو کی گئی،فیسٹیول میں ادبی شخصیات، فنون لطیفہ سے وابستہ افراد اور عام شہری بڑی تعداد میں شریک ہو رہے ہیں، فیسٹیول میں عوام کی تفریح کے لیے فوڈ سٹالز بھی لگائے گئےہیں۔
.ذریعہ: Nawaiwaqt
پڑھیں:
بھارتی اقدامات کے بعد قومی سلامتی کونسل کا اجلاس کل طلب کرلیا، خواجہ آصف
وفاقی وزیر دفاع کا کہنا تھا کہ قومی سلامتی کونسل اجلاس میں بھارت کی جانب سے اٹھائے گئے اقدامات کا بھرپور جواب دیا جائے گا۔ دوسری جانب نائب وزیراعظم نے بھی قومی سلامتی کونسل کے اجلاس کی تصدیق کرتے ہوئے کہا ہے کہ اجلاس میں بھارت کی جانب سے اٹھائے گئے اقدامات کے مختلف پہلوؤں کا جائزہ لینے کے بعد بھر پور جواب دیا جائے گا۔ اسلام ٹائمز۔ وفاقی وزیر دفاع خواجہ آصف نے کہا کہ بھارتی اقدامات کے بعد قومی سلامتی کونسل کا اجلاس کل طلب کرلیا۔ اجلاس کی صدارت وزیراعظم محمد شہباز شریف کریں گے، اعلیٰ و عسکری قیادت اجلاس میں شرکت کرے گی۔ خواجہ آصف کا کہنا تھا کہ قومی سلامتی کونسل اجلاس میں بھارت کی جانب سے اٹھائے گئے اقدامات کا بھرپور جواب دیا جائے گا۔ دوسری جانب نائب وزیراعظم اسحاق ڈار نے بھی قومی سلامتی کونسل کے اجلاس کی تصدیق کرتے ہوئے کہا ہے کہ اجلاس میں بھارت کی جانب سے اٹھائے گئے اقدامات کے مختلف پہلوؤں کا جائزہ لینے کے بعد بھر پور جواب دیا جائے گا۔
خیال رہے کہ بھارت نے مقبوضہ کشمیر کے علاقے پہلگام میں ہونے والے حملے کو بہانہ بنا کر پاکستان سے سندھ طاس معاہدہ معطل کرنے اور اٹاری چیک پوسٹ بند کرنے کا اعلان کیا ہے۔ علاوہ ازیں بھارتی وزیراعظم نریندر مودی کی زیر صدارت کابینہ اجلاس کے بعد بھارت نے پاکستانیوں کو سارک کے تحت ویزے بند کرنے کا بھی فیصلہ کیا ہے۔
محکمہ اسکول ایجوکیشن نے یکم جون سے چھٹیاں دینے کی سمری وزیراعلیٰ کو بھجوا دی