چیمپئنز ٹرافی: شاہی قلعہ میں رنگا رنگ افتتاحی تقریب، فنکاروں کی شاندار پرفارمنس
اشاعت کی تاریخ: 17th, February 2025 GMT
لاہور (سپورٹس رپورٹر) آئی سی سی چیمپئنز ٹرافی کی افتتاحی تقریب شاہی قلعہ کے دیوان عام میں سجائی گئی۔ لیزر لائٹ شو کا شاندار مظاہرہ کیا گیا۔ کھلاڑیوں کے نام بھی لیزر لائٹ کی مدد سے لکھے گئے۔ تقریب میں چیئرمین پاکستان کرکٹ بورڈ محسن نقوی‘ سابق کپتان سرفراز احمد، جنید خان، حسن علی، اظہر علی، محمد عامر، وہاب ریاض، شاداب خان، عماد وسیم اور حارث سہیل بھی شریک ہوئے۔ صوبائی وزیر کھیل ملک فیصل ایوب کھوکھر، چیئرمین پی سی بی کے معاون خصوصی عامر میر‘ سابق سی ای او آئی سی سی جیف ایلرڈائس اور ایونٹ ہیڈ سارہ ایڈگر‘ سپیکر پنجاب اسمبلی ملک احمد خان‘ سابق ٹیسٹ کرکٹر اور نگران صوبائی وزیر کھیل وہاب ریاض‘ سابق صوبائی نگران وزیر ابراہیم مراد‘ پی سی بی ڈائریکٹر ڈومیسٹک عبداللہ خرم نیازی‘ لاہور قلندرز کے سی ای او عاطف رانا‘ سابق جنوبی افریقن بیٹر جے پی ڈومنی اور نیوزی لینڈ کے فاسٹ باؤلر ٹم ساؤتھی بھی تقریب میں شریک ہوئے۔ افتتاحی تقریب سے خطاب میں چیئرمین پی سی بی محسن نقوی نے کہا کہ چیمپئنز ٹرافی 2017ء کی ونرز پاکستان ٹیم کو خاص طور پر خوش آمدید کہتا ہوں‘ قذافی سٹیڈیم کو آئی سی سی چیمپئنز ٹرافی کیلئے مکمل کیا۔ پاکستان میں آئی سی سی چیمپئنز ٹرافی کا ہونا تاریخی موقع ہے۔ ایک نسل اس طرح کے عالمی ایونٹس سے محروم رہی ہے۔ چار ٹیمیں پاکستان آچکی ہیں، آسٹریلیا اور انگلینڈ کی ٹیمیں 48 گھنٹوں میں پہنچ جائیں گی۔ انٹرنیشنل کرکٹ کونسل کے چیف ایگزیکٹو آفیسر جیف ایلرڈائس نے 117 روز میں قذافی اور نیشنل سٹیڈیم کی جدید انداز سے تعمیر اور تکمیل کو بڑا کارنامہ قرار دے دیا۔ آئی سی سی کے چیف ایگزیکٹو جیف ایلرڈائس نے لاہور کے شاہی قلعہ میں منعقدہ چیمپئنز ٹرافی کی افتتاحی تقریب سے خطاب کرتے ہوئے کہا ہے کہا اگلے دو ہفتوں تک شائقین کو بہترین کرکٹ دیکھنے کو ملے گی۔ آئی سی سی چیمپئنز ٹرافی میں پاکستان کے پاس کرکٹ سے اپنے جنون کو دکھانے کا سنہری موقع ہے۔ میں نے اوول میں پاکستان ٹیم کو چیمپئنز ٹرافی جیتتے دیکھا ہے۔ قذافی سٹیڈیم اور نیشنل سٹیڈیم کراچی کو جدید صورت میں دیکھ کر خوشی ہوئی۔ قذافی سٹیڈیم کی 117 روز میں تکمیل ایک بڑا کارنامہ ہے۔ معروف گلوکار عاطف اسلم و دیگر نے چیمپئنز ٹرافی کا آفیشل ترانہ گایا۔ فنکاروں نے شاندار پرفارمنس کا مظاہرہ کیا جس پر حاضرین نے خوب حوصلہ افزائی کی۔ سابق کپتان سرفراز احمد نے کہا کہ جیت ہمارے لیے بڑی اہمیت رکھتی ہے۔ اس چیمپئنز ٹرافی میں بھی پاکستان ٹیم اچھا کھیلے گی۔ بھارت کے خلاف فائنل کبھی نہیں بھول سکتے۔ جیت کو الفاظ میں بیان نہیں کر سکتا۔ ہزاروں لوگوں نے ہر شہر میں ہمارا استقبال کیا۔ پاکستان ٹیم اعزاز کا دفاع کرے گی لوگ انجوائے کریں گے، پاکستان کبھی بہت اچھا کھیلتی ہے کبھی ڈائون ہو جاتی ہے۔ نیوزی لینڈ کے کرکٹر ٹم سائوتھی نے کہا کہ میزبان پاکستان کے خلاف نیوزی لینڈ کا پہلا میچ ہے۔ چیمپئز ٹرافی کا فارمیٹ ہے ہر میچ بڑا اہم ہوتا ہے۔ مختصر ٹورنامنٹ کے ہر میچ کی بڑی اہمیت ہے۔ آسٹریلیا کے سابق کرکٹر شین واٹسن کا ویڈیو پیغام سنایا گیا‘ انہوں نے کہا کہ چیمپئنز ٹرافی کو فینز بہت پسند کرتے ہیں۔ چیمپنز ٹرافی کے ہر میچ کی اہمیت ہوتی ہے۔ چیمپینز ٹرافی میں صرف 8ٹیمیں ہوتی ہیں یہ منی ورلڈ کپ ہوتا ہے ۔ اس ایونٹ میں آپ کو پہلے میچ سے فوکس ہونا پڑتا ہے۔ جنوبی افریقہ کے سابق کرکٹر جے پی ڈومینی نے کہا کہ یہ ہماری ٹیم کیلئے اچھا موقع ہے۔ ہم نے پہلی چیمپئنز ٹرافی جیتی‘ ہمیں کئی مواقع ملے‘ اب ہمارے پاس اچھا موقع ہے، کنڈیشنز میں اچھا کھیل سکتے ہیں۔ بائولرز بھی اچھے ہیں اور پاور ہائوس بیٹنگ بھی ہے۔ ان کنڈیشنز میں جنوبی افریقہ کو فائدہ ہو سکتا ہے۔ یہ کنڈیشنز سوٹ کرتی ہیں۔ شیکھر دھون ایمبیسیڈر کا بھی ویڈیو پیغام سنایا گیا ‘انہوں نے کہا کہ 2013ء چیمپئینز ٹرافی میرا یادگار ایونٹ تھا۔ میں نے کم بیک کیا تھا اور مشکل کنڈیشنز تھیں۔ مجھے سائوتھ افریقہ کے خلاف سنچری یاد رہے گی۔2017ء میں جلد وکٹیں گر گئیں اور ہم پر دباؤ پڑ گیا۔ اس ٹورنامنٹ میں ہم اچھا کھیلے لیکن فائنل میں جلد وکٹیں گر گئیں۔ پاکستان بھارت میچ کے احساسات کچھ خاص ہوتے ہیں۔ ہر کوئی پاکستان ‘بھارت میچ کی بات کر رہا ہوتا ہے۔ یہ ایک سپیشل ڈے ہوتا ہے اور دونوں ٹیمیں خاص تیاری کرتی ہیں۔
.ذریعہ: Nawaiwaqt
کلیدی لفظ: ا ئی سی سی چیمپئنز ٹرافی افتتاحی تقریب پاکستان ٹیم نے کہا کہ ہوتا ہے موقع ہے
پڑھیں:
نیوکاسل یونائیٹڈ کے سابق اسٹار ’نولبرٹو سولانو‘ پاکستان فٹبال ٹیم کے ہیڈ کوچ مقرر
نیوکاسل یونائیٹڈ کے سابق اسٹار نولبرٹو سولانو اگست 2025 میں پاکستان کی سینیئر اور انڈر 23 فٹبال ٹیموں کے ہیڈ کوچ کا عہدہ سنبھالیں گے۔ اگرچہ ان کا حالیہ کوچنگ کیریئر زیادہ کامیاب نہیں رہا، لیکن وہ پاکستان میں نئے سرے سے اپنی پیشہ ورانہ ساکھ بہتر بنانے کی کوشش کریں گے۔
یہ تقرری حال ہی میں منتخب ہونے والی پاکستان فٹبال فیڈریشن (پی ایف ایف) کی نئی قیادت کی جانب سے پہلا بڑا قدم ہے۔ پی ایف ایف کے صدر محسن گیلانی نے توقع ظاہر کی کہ پیرو کے سابق ونگر سولانو قومی ٹیم میں نئی توانائی اور جوش لے کر آئیں گے۔ سولانو کا تجربہ خاص طور پراس وقت قیمتی ثابت ہوگا، جب وہ پیرو کی قومی ٹیم میں بطور اسسٹنٹ کوچ خدمات انجام دے چکے ہیں۔
سولانو نے کوچ ریکارڈو گاریسا کے ساتھ 7 سال تک کام کیا، اس دوران پیرو نے 2018 میں 36 سال بعد پہلی بار فیفا ورلڈ کپ میں کوالیفائی کیا۔ وہ انڈر 23 ٹیم کے کوچ بھی رہے اور 2022 تک اس کردار میں موجود رہے، جب پیرو قطر ورلڈ کپ کے پلے آف میں آسٹریلیا سے ہار گیا۔
مزید پڑھیں: محسن نقوی کی فیفا صدر سے ملاقات، فٹبال کے فروغ اور دورہ پاکستان پر گفتگو
بعد ازاں انہوں نے سوئیڈن کے دوسرے درجے کے کلب اے ایف سی ایسکل اسٹونا اور انگلینڈ کے ساتویں درجے کے کلب بلیتھ اسپارٹنز کی کوچنگ کی، تاہم دونوں تجربات کامیاب ثابت نہیں ہوئے۔ بلیتھ اسپارٹنز میں وہ محض 6 میچوں کے بعد برطرف کر دیے گئے۔
Under President Mohsen Gilani’s leadership, PFF proudly welcomes Nolberto Solano ???????? as Head Coach of Pakistan U23 with a pathway to the senior team! ????⚽️
A true legend with EPL, World Cup & Copa América pedigree it’s a new era for Pakistan football. #WelcomeSolano pic.twitter.com/JdQUtPuVbd
— Pakistan Football Federation (@TheRealPFF) July 21, 2025
پاکستان کی کوچنگ ذمہ داری سولانو کے لیے ایک نیا موقع ہوگی۔ ان کا پہلا چیلنج ستمبر میں ہونے والا 2026 اے ایف سی انڈر 23 ایشین کپ کوالیفائرز ہوگا، جہاں پاکستان کو گروپ ‘جی’ میں کمبوڈیا، عراق اور عمان کا سامنا کرنا ہے۔
سولانو سینئر ٹیم میں اسٹیفن کونسٹنٹائن کی جگہ لیں گے اور 2027 اے ایف سی ایشین کپ کوالیفائرز کے باقی میچوں کی نگرانی کریں گے۔ ان میچوں کا آغاز اکتوبر میں افغانستان کے خلاف 2 مقابلوں سے ہوگا۔
یاد رہے کہ اسٹیفن کونسٹنٹائن نے اکتوبر 2023 میں پاکستان کو فیفا ورلڈ کپ کوالیفائرز میں پہلی تاریخی فتح دلائی تھی۔ ان کا معاہدہ نومبر میں ختم ہوا، جس کے بعد وہ میچ بہ میچ بنیاد پر ٹیم کے ساتھ منسلک رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان فٹبال پاکستان فٹبال فیڈریشن پی ایف ایف نولبرٹو سولانو نیوکاسل یونائیٹڈ
جسٹس محسن کا اسلام آباد ہائی کورٹ کے ججز کی سنیارٹی کو چیلنج کرنے کا فیصلہ