یوٹیوبر رحیم پردیسی نے فیروز خان کو لہولہان کردیا
اشاعت کی تاریخ: 17th, February 2025 GMT
پاکستان شوبز کے اداکار فیروز خان کو یوٹیوبر رحیم پردیسی نے اپنے مکوں کے وار سے لہولہان کردیا۔
لاہور کے ایکسپو سینٹر میں منعقد ہونے والے ایک تھرلر باکسنگ میچ میں یوٹیوبر رحیم پردیسی نے معروف اداکار فیروز خان کو شکست دے دی۔ یہ مقابلہ سوشل میڈیا پر دونوں کے درمیان ہونے والی گرم بحث کے بعد طے پایا تھا، جس میں رحیم نے فیروز کو 5 ویں راؤنڈز کے بعد ناک آؤٹ کردیا۔
رحیم پردیسی اور فیروز خان کے درمیان یہ باکسنگ میچ سوشل میڈیا پر ہونے والی ایک گرما گرم بحث کا نتیجہ تھا۔ دونوں نے زبانی جھگڑے کے بجائے باکسنگ رنگ میں معاملات طے کرنے کا فیصلہ کیا۔ فیروز خان نے رحیم کے چیلنج کو قبول کیا، اور 15 فروری کو یہ مقابلہ لاہور میں منعقد ہوا۔
A post common by Zůüû ???????????? (@zaha_shah.
مقابلے سے پہلے مشہور میوزک بینڈ ینگ اسٹنرز نے اپنی پرفارمنس سے حاضرین کے دلوں کو گرمایا۔ فیروز خان کی اہلیہ ڈاکٹر زینب، بہن حمائمہ ملک، اور بیٹا سلطان بھی ان کی سپورٹ کےلیے موجود تھے۔
مقابلے کے دوران رحیم پردیسی نے اپنی مہارت اور جوش کا مظاہرہ کیا، جبکہ فیروز خان ہانپتے ہوئے اور توجہ کھوتے ہوئے نظر آئے۔ پانچویں راؤنڈ میں رحیم نے فیروز کو ناک آؤٹ کردیا، اور میچ 1 کے مقابلے میں 4 پوائنٹس سے جیت لیا۔ فیروز کے چہرے پر زخم بھی آئے، لیکن دونوں نے ایک دوسرے کے لیے احترام کا مظاہرہ کیا۔
مقابلے کے بعد دونوں نے رنگ میں گلے ملے اور ایک دوسرے کی کارکردگی کی تعریف کی۔ رحیم نے فیروز کی ہمت کو سراہا، جبکہ فیروز نے رحیم کی مہارت کو تسلیم کیا۔
فیروز کی بہن حمائمہ ملک نے انسٹاگرام اسٹوری پر اپنے بھائی کی تصویر شیئر کرتے ہوئے لکھا، ’’آپ میرے لیے زندگی بھر کے فاتح ہو، شاباش بھائی۔‘‘ انہوں نے فیروز کی ہمت اور لگن کی تعریف کی۔
فیروز کی اہلیہ ڈاکٹر زینب نے انسٹاگرام پر ایک پوسٹ شیئر کرتے ہوئے لکھا، ’’مجھے اپنے شوہر فیروز خان پر بے حد فخر ہوں۔ پہلی بار رنگ میں اترے، ایک مشکل مخالف کا سامنا کیا، اور دوسرے ہی راؤنڈ میں خون بہنے کے باوجود پانچویں راؤنڈ تک لڑتے رہے۔ یہ ایک اصل جنگجو کا جذبہ ہے۔‘‘
زینب نے مزید کہا، ’’فتح صرف اسکورز سے نہیں ہوتی۔ نتیجے سے کچھ نہیں ہوتا، جو اصل چیز ہے وہ ہمت، لگن، اور وہ جذبہ ہے جو آپ نے دکھایا۔ آپ میری نظر میں ہمیشہ ایک چیمپئن ہو۔‘‘
زینب کی پوسٹ پر فیروز نے کمنٹ کرتے ہوئے اپنی اہلیہ کے لیے محبت بھرا پیغام دیا۔ ان کی بہنیں دعا ملک اور حمائمہ ملک بھی پیار اور تعریف کے جذبات کا اظہار کرتی نظر آئیں۔
TagsShowbiz News Urdu
ذریعہ: Al Qamar Online
کلیدی لفظ: فیروز خان نے فیروز فیروز کی
پڑھیں:
پاکستان اسپورٹس بورڈ نے نیٹ بال فیڈریشن کو شوکاز نوٹس جاری کردیا
اسلام آباد:پاکستان اسپورٹس بورڈ (پی ایس بی) نے ایشین یوتھ نیٹ بال چیمپئن شپ 2025 کے نتائج کے بارے میں گمراہ کن دعوے کا 72 گھنٹوں میں جواب نہ دینے پرپاکستان نیٹ بال فیڈریشن کو شوکاز نوٹس جاری کردیا۔
ترجمان پی ایس بی خرم شہزاد کے مطابق پاکستان اسپورٹس بورڈ نے 13 جولائی 2025 کو پاکستان نیٹ بال فیڈریشن کو ایشین یوتھ نیٹ بال چیمپئن شپ 2025 میں پاکستان یوتھ گرلز ٹیم کی "پہلی پوزیشن" کے دعوے پر شدید تحفظات کا اظہار کرتے ہوئے پاکستان نیٹ بال فیڈریشن (پی این ایف) سے تین روز میں وضاحتی جواب طلب کیا تھا۔ تاہم مقررہ وقت تک فیڈریشن کی جانب سے کوئی جواب موصول نہیں ہوا۔
جمعہ کو پی ایس بی کی جانب سے مذکورہ فیڈریشن کے خلاف کارروائی کو مزید آگے بڑھاتے ہوئے شوکاز نوٹس جاری کردیا گیا ہے۔
شوکاز نوٹس میں کہا گیا ہے کہ مقررہ وقت گزرنے کے باوجود آپ کی جانب سے کوئی وضاحت موصول نہیں ہوئی جو نہ صرف سرکاری مراسلت اور جوابدہی سے دانستہ چشم پوشی کو ظاہر کرتا ہے بلکہ اس خاموشی کو اعتراف سمجھا جاسکتا ہے۔
شوکاز نوٹس میں اس امر پر تشویش کا اظہار کیا گیا کہ 9 جولائی کو نیٹ فیڈریشن کی جانب سے پی ایس بی کو بھجوائے گئے خط میں غلط طور پر یہ دعویٰ کیا گیا کہ پاکستان یوتھ گرلز نیٹ بال ٹیم نے جنوبی کوریا کے شہر جیونجو میں منعقدہ ایشین یوتھ نیٹ بال چیمپئن شپ 2025 میں پہلی پوزیشن حاصل کی حالانکہ سرکاری نتائج کے مطابق پاکستان نے چھٹی پوزیشن حاصل کی تھی۔
شوکاز میں کہا گیا کہ نیٹ بال فیڈریشن بخوبی آگاہ تھی کہ نقد انعامات کی پالیسی صرف تمغہ جیتنے والی ٹیموں تک محدود ہے، فیڈریشن نے اس پالیسی کے تحت نقد انعام کا باقاعدہ مطالبہ کیا۔ یہ غلط بیانی ٹیلی ویژن انٹرویوز اور عوامی بیانات کے ذریعے بھی پھیلائی گئی، جن میں پاکستان نیٹ بال فیڈریشن کے چیئرمین، مدثر رزاق آرائیں نے عوامی طور پر گولڈ میڈل جیتنے کا دعویٰ کیا اور عوام و متعلقہ فریقین کو دانستہ گمراہ کیا۔
شوکاز نوٹس میں کہا گیا کہ نیٹ بال فیڈریشن کے یہ اقدامات پی ایس بی کے آئین کے قاعدہ 21(1)(vi) اورپاکستان کوڈ آف ایتھکس اینڈ گورننس اِن اسپورٹس کے کلاز 5(1)(vi) کی صریحاً خلاف ورزیوں کے زمرے میں آتے ہیں جو کہ فیڈریشنز کو درست اور بروقت معلومات کی فراہمی کا پابند اور اختیار کے ناجائز استعمال کو ممنوع قرار دیتا ہے۔
شوکاز نوٹس میں کہا گیا کہ اس غلط بیانی کے ذریعے نقد انعام اور سرکاری سطح پر اعتراف کا دعویٰ کیا گیا جو نہ صرف اخلاقی اقدار کی خلاف ورزی ہے بلکہ آپ کی فیڈریشن پر کیے گئے اعتماد کی بھی خلاف ورزی ہے۔
شوکاز نوٹس میں ہدایت دی گئی کہ اس نوٹس کے اجرا کی تاریخ سے سات (07) دن کے اندر تحریری طور پر وضاحت پیش کریں کہ کیوں نہ پاکستان نیٹ بال فیڈریشن پر اس سنگین خلاف ورزی کے باعث ایک (01) ملین روپے ( دس لاکھ روپے) جرمانہ عائد کیا جائے۔
مقررہ مدت میں جواب نہ دینے کی صورت میں یک طرفہ کارروائی کی جائے گی اور معاملہ پاکستان اسپورٹس بورڈ کے آئین اور پاکستان کوڈ آف ایتھکس اینڈ گورننس اِن اسپورٹس کے تحت مزید تادیبی اور مالی اقدامات کے لیے بورڈ کے روبرو پیش کیا جائے گا۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست