حیدرآباد:واٹڑ اینڈ سیوریج کے ملازمین تنخواہوں سے محروم
اشاعت کی تاریخ: 18th, February 2025 GMT
حیدرآباد(اسٹاف رپورٹر)مہران ورکرز یونین واٹر اینڈ سیوریج کارپوریشن حیدرآباد کی جانب سے ملازمین کو12ماہ کی تنخواہیں اور پنشنز کی عدم ادائیگی کے خلاف احتجاجی تحریک کے دوسرے مرحلہ میں پریس کلب کے سامنے بھوک ہڑتالی کیمپ قائم کرکے احتجاجی دھرنا دیا گیا،دھرنا میں واسا انتظامیہ کے راہ راست پر آنے کے لیے آیت کریمہ کا ورد بھی کیا گیا،دھرنا میں واسا کے حاضر سروس ملازمین ، ریٹائرڈ ملازمین اور فوتی ملازمین کے ورثا نے بڑی تعداد میں شرکت کی جبکہ دھرنا سے خطاب کرتے ہوئے یونین صدر آفتاب لاڑک اور جنرل سیکرٹری محمد اسلم عباسی نے سی بی اے مزدور یونین کی جانب سے مہران ورکرز یونین کی جاری احتجاجی تحریک کی حمایت کرنے پر ان کا شکریہ ادا کیا گیا۔انہوں نے مزید کہا کہ ادارے کی انتظامیہ کی بے حسی کی انتہا ہوگئی ہے، بارہ ماہ کی تنخواہ اور پنشنز سے محروم واسا ملازمین اور پنشنرز کے خاندان فاقہ کشی کی حالت میں کسمپرسی کی زندگیاں گزارنے پر مجبور ہیں اور اگلے انتہائی احتجاجی مرحلہ میں ہم شہر کا فراہمی و نکاسی کا نظام بند کرنے پر مجبور ہوںگے جس کے نتائج کی تمام تر ذمے دار ادارے کی انتظامیہ ہوگی۔دوسری طرف گورنمنٹ آف سندھ بھی اپنے اداروں کے ذمہ واسا کے فراہمی و نکاسی آب کی واجب الادا رقوم جاری کرنے میں تاخیری حربے استعمال کررہی ہے۔لہٰذاہم گورنمنٹ آف سندھ سے اپیل کرتے ہیں کہ وہ واسا کیلیے جولائی 2024ء سے مارچ 2025ء تک کی رقوم کا فوری اجرا کرے ۔ احتجاجی دھرنا سے چیئرمین ارشاد علی،ولیم نذیر، راجا خان پالاری،قاسم انصاری،رشید شیخ،عاشق قنبرانی ،خالد عثمانی،رفاق راجپوت،میر محمدملاح، ریحان علی اوررضوان راجپوت ودیگر نے بھی خطاب کیا۔
.ذریعہ: Jasarat News
پڑھیں:
اسپیشل افراد کو بااختیار بنانا ہوگا ، بینائی سے محروم افراد کیلئے اسکینرزاسٹک تیار کرا رہے ہیں،طحہٰ احمدفاروقی
data-id="863a0a8" data-element_type="widget" data-widget_type="theme-post-content.default">
251104-06-14
کراچی( کامرس رپورٹر)سیکریٹری ڈیپارٹمنٹ آف ایمپاورمنٹ آف پرسنز ودڈس ایبلٹیز(ڈی ای ایف ڈی)حکومت سندھ طحہٰ احمدفاروقی نے کہا ہے کہ ہمیں اسپیشل افراد کو بااختیار بنانا ہوگا کیونکہ ایسے افراد کے وی ٹی سی میں بہتر تربیت کے ذریعہ معاشرے میں ذہنیت کو تبدیل کررہے ہیں،حکومت سندھ نے اسپیشل افراد کیلئے ڈی ای ایف ڈی کا بجٹ 17ارب روپے رکھا ہے،سندھ میں 5.7ملین بچے اسپیشل ہیں،5700بچوں کو پک اینڈ ڈراپ،کھانا اورتین ہزار روپے فراہم کیا جاتا ہے جبکہ این ای ڈی کے بائیومیڈیکل ڈیپارٹمنٹ سے ہم بینائی سے محروم افراد کیلئے اسکینرزاسٹک تیار کرا رہے ہیں۔انہوں نے ان خیالات کا اظہارہفتے کو کراچی ووکیشنل ٹریننگ سینٹر(کے وی ٹی سی)میں آذربائیجان کے شہر باکو میں منعقد ہونے والے اوپن ورلڈ بودو مارشل آرٹس کپ میں پاکستان کی نمائندگی کرنے والے اور گولڈ میڈل وسلورمیڈ ل جیتنے والے اسپیشل بچوں کے اعزازمیں دی گئی تقریب سے خطاب میں کہی۔اس موقع پر کے وی ٹی سی کے چیئرمین سینیٹر عبدالحسیب خان،معروف صنعتکارندیم خان،محمدقیصر عالم،ٹیم مینجر اورکوالیفائیڈ کوچ عامر شہاب بھی موجود تھے۔سیکریٹری حکومت سندھ طحہٰ احمدفاروقی نے کہا کہ معاشرے میں چند لوگ ایسے بھی ہیں جو اسپیشل بچوں کی فلاحی اورکھیلوں کی سرگرمیوں میں رکاوٹ ۲ ۲ہیں۔انہوں نے کہا کہ کے وی ٹی سی کے بچوں کا ہر میڈل جیتنا ایک طاقتور پیغام رکھتا ہے کہ قابلیت کئی شکلوں میں آتی ہے اور ان سب کو احترام اورپہچان ملنی چاہیئے،وزیراعلیٰ سندھ اسپیشل بچوں کی نگہداشت کیلئے قائم اداروں پر خصوصی توجہ دے رہے ہیں جبکہ انکا اپنا بھی فلاحی ادارہ ڈیفنس میں تکمیل کے آخری مراحل میں ہے۔چیئرمین کے وی ٹی سی سینیٹر عبدالحسیب خان نے کہا کہ فلاحی کاموں میںپرائیویٹ پبلک پارٹنر شپ انتہائی ضروری ہے،حکومت اپنا کام کررہی ہے جبکہ نجی شعبہ فلاحی کاموں میں نمایاں کام کررہا ہے،کے وی ٹی سی نے ووکیشنل ٹریننگ میں منفرد مقام بنایا ہے اور پاکستان میں سندھ وہ واحد صوبہ ہے جہاں اسپیشل بچوں کی بہترین تعلیم وتربیتاورووکیشنل ٹریننگ میں کے وی ٹی سی نے قابل قدر مقام بنایا ہے،کے وی ٹی سی اب ایک اسکول نہیں بلکہ ایک برانڈ بن چکا ہے جس کی بازگشت اب بیرون ممالک بھی سنائی دے رہی ہے۔ عبدالحسیب خان نے کہا کہ آذربائیجان میں اوپن ورلڈ بودو مارشل آرٹس کپ میں گولڈ میڈل وسلورمیڈل جیتنے والے کے وی ٹی سی کے بچوں کی فتح صرف میڈلز کیلئے نہی بلکہ یہ دقیانوسی سوچ پر قابلیت کی کامیابی ہے،ہم حکومت سندھ اور بالخصوص وزیراعلیٰ سندھ سید مراد علی شاہ کا شکریہ ادا کرتے ہیں جنہوں نے ہماری بے مثال معاونت کی۔تقریب میں گولڈ میڈلز جیتنے والے صالح محمد،تجمل حسین،مبشر شاکر،فارز خان،حارش عبدالصمداورسلور میڈلز جیتنے والے حسیب آصف اورشجاعت مختار کا تعارف کرایا گیا۔
اسرائیلی حملوں سے "غزہ میں جنگبندی" کی خلاف ورزی نہیں ہوتی، ٹرمپ کا دعوی