عافیہ صدیقی کی عدم رہائی میں حکمرانوں کا مجرمانہ کردار
اشاعت کی تاریخ: 18th, February 2025 GMT
ایک فوجی آمر نے چند ڈالروں کے عوض قوم کی بے گناہ اور بے قصور بیٹی کو امریکا کے حوالے کردیا لیکن اس کے بعد جو سول حکمران آئے وہ کہیں زیادہ بے غیرت اور بے حمیت ثابت ہوئے اور ڈاکٹر عافیہ صدیقی کے کیس کو اُلجھاتے چلے گئے۔ جنرل پرویز مشرف کے بعد پیپلز پارٹی کی حکومت آئی تو یہ کیس ابھی تازہ تازہ تھا۔ چنانچہ پارلیمنٹ میں پیپلز پارٹی سمیت تمام سیاسی جماعتوں نے ڈاکٹر عافیہ صدیقی کی رہائی کے لیے آواز اٹھائی اور امریکی عدالت میں یہ کیس لڑنے کا مطالبہ کیا جہاں سے عافیہ کو ایک انتہائی مضحکہ خیز مقدمے میں 80 سال قید سخت کی سزا ہوچکی تھی اور وہ جیل میں یہ سزا بھگت رہی تھیں۔ پاکستان میں پیپلز پارٹی برسر اقتدار تھی اور سید یوسف رضا گیلانی وزیراعظم تھے۔ انہوں نے ارکان پارلیمنٹ کے مطالبہ پر عافیہ کیس لڑنے کے لیے کروڑوں ڈالر فنڈ کی منظوری دے دی۔ یہ فنڈ امریکا میں پاکستان کے سفیر حسین حقانی کے حوالے کردیا گیا جس کے متعلق مشہور تھا کہ وہ ہے تو پاکستان کا سفیر لیکن امریکا میں بیٹھ کر پاکستان کے مفادات کے بجائے امریکا کے مفادات کی نگرانی کرتا ہے۔ عافیہ کے کیس میں بھی اس نے یہی کیا۔ اس نے عافیہ کی وکالت کے لیے جو امریکی وکیل ہائر کیا وہ مقدمے کی کارروائی کے دوران عافیہ کو بے قصور ثابت کرنے کے بجائے انہیں مجرم ثابت کرنے کی کوشش کرتا رہا۔ ڈاکٹر عافیہ صدیقی مقدمے کی سماعت کے موقع پر ملزمہ کی حیثیت سے عدالت میں موجود ہوتی تھیں انہوں نے وکیل صفائی کے دلائل سنے تو سر پیٹ لیا اور پاکستانی سفیر سے کہا کہ وہ اپنا وکیل واپس لے لیں۔ حسین حقانی بھی یہی چاہتے تھے انہوں نے معاملہ ختم کردیا۔ امریکی جاسوس ریمنڈ ڈیوس کی رہائی کے بعد سے ڈاکٹر عافیہ صدیقی کو چھڑانے کے معاملے میں بھی انہوں نے رکاوٹ ڈالی اور پیپلز پارٹی کی حکومت کو اس طرف آنے ہی نہیں دیا۔ یہ واقعہ بہت پرانا ہے اس لیے قارئین کے ذہن میں اس کی کوئی تفصیل موجود نہیں ہوگی، ہم یہاں مختصراً بیان کرتے ہیں۔ ایک امریکی جاسوس ریمنڈ ڈیوس نے اس شبہ میں کہ دو موٹر سائیکل سوار لاہور میں اس کی گاڑی کا تعاقب کررہے تھے پستول کے فائر کرکے انہیں قتل کردیا۔ واردات کے بعد اس نے فرار ہونے کی کوشش کی لیکن سڑک پر ایک ہجوم اکٹھا ہوگیا تھا جس نے اس کے فرار کی کوشش ناکام بنادی اور اسے پکڑ کر پولیس کے حوالے کردیا۔ امریکی سفارت خانے کو جونہی اس واقعے کا علم ہوا اس نے جاسوس کو چھڑانے کے لیے سفارتی سرگرمیاں شروع کردیں۔ امریکی سفیر نے دعویٰ کیا کہ ریمنڈ ڈیوس ہمارا سفارت کار ہے اور جنیوا کنونشن کے تحت سفارت کاروں کو سفارتی استثنا حاصل ہے اس لیے ریمنڈ ڈیوس کو گرفتار نہیں کیا جاسکتا۔ اسے ہمارے حوالے کیا جائے۔ چونکہ یہ دعویٰ جھوٹا تھا اور اس کا نام سفارت کاروں کی فہرست میں شامل نہ تھا اس لیے شاہ محمود قریشی نے جو اس وقت پاکستان کے وزیر خارجہ تھے اس دعوے کو تسلیم کرنے سے انکار کردیا۔ ان پر بہت دبائو ڈالا گیا۔ امریکی وزیر خارجہ جان کیری نے براہ راست انہیں فون کیا۔ آصف زرداری اس وقت صدر
تھے، انہوں نے صدارتی دبائو ڈالا۔ امریکا کے حامی بیوروکریٹس اور فوجی افسروں نے بھی ان سے رابطہ کیا لیکن شاہ محمود قریشی اپنے موقف پر ڈٹے رہے، انہوں نے استعفا دینا قبول کرلیا لیکن امریکی جاسوس کو سفارت کار قرار دینے کی کوشش ناکام بنادی اور قتل کا کیس عدالت میں چلا گیا۔ وکیل استغاثہ بیرسٹر اسد منظور بٹ نے کیس بڑی محنت سے لڑا اگر عدالتی فیصلے پر انحصار کیا جاتا تو امریکی جاسوس کو سزائے موت یقینی تھی لیکن امریکی عدالتی کارروائی سے ہٹ کر ملزم کو چھڑانے کی کوشش میں تھے ایسے میں بعض سیاستدانوں اور رائے عامہ کی طرف سے تجویز پیش کی گئی کہ ڈاکٹر عافیہ صدیقی کی رہائی کے بدلے ملزم چھوڑ دیا جائے مقتولین کے ورثا بھی اس پر راضی تھے۔ حسین حقانی کے علم میں جب یہ تجویز آئی تو وہ اس کے خلاف حرکت میں آگئے۔ انہوں نے اس کے مقابلے میں ورثا کو دیت دینے کی تجویز پیش کردی اور آصف زرداری کو اس پر قائل کرلیا۔ چنانچہ عافیہ صدیقی کو رہا کرانے کی تجویز ڈراپ کردی گئی حالانکہ امریکی اس پوزیشن میں تھے کہ وہ باآسانی اس تجویز کو مان سکتے تھے۔ رہا دیت کا معاملہ تو عافیہ صدیقی کی رہائی کے بعد حکومت خاموشی سے مقتولین کے ورثا کو دیت بھی ادا کرسکتی تھی۔ لیکن حسین حقانی نے زرداری کو عافیہ صدیقی کی رہائی کی طرف آنے ہی نہیں دیا۔ عدالتی کارروائی کا رخ بھی موڑ دیا گیا اور دیت کی ادائیگی پر ریمنڈ ڈیوس کو رہا کردیا گیا۔ حسین حقانی امریکی وزیر خارجہ کے ہمراہ پاکستان آئے اور امریکی جاسوس کو چھڑا کر لے گئے۔ بعد میں ریمنڈ ڈیوس نے ایک کتاب لکھی
جس میں اپنی رہائی میں حسین حقانی کے مرکزی کردار کی تعریف کی۔
ڈاکٹر عافیہ صدیقی کی عدم رہائی میں نواز شریف کا کردار بھی مجرمانہ رہا۔ انہوں نے بطور وزیراعظم دو امریکی صدور بل کلنٹن اور اوباما کا زمانہ دیکھا۔ وہ صدر اوباما سے ملاقات کے لیے گئے تو جیب سے پرچیاں نکال کر پاکستان کے مسائل پر بات کرتے رہے لیکن کسی پرچی پر عافیہ صدیقی کا نام نہ تھا، ان سے صدر اوباما کے نام خط لکھنے کی درخواست کی گئی لیکن وہ اس پر بھی آمادہ نہ ہوئے۔ میاں نواز شریف کے بعد 2018ء کے انتخابات کے نتیجے میں عمران خان وزیراعظم بنے تو عافیہ صدیقی کے معاملے میں ان کا رویہ بھی بے حسی پر مبنی تھا، حالانکہ انہیں یہ اعزاز حاصل تھا کہ انہوں نے سب سے پہلے پاکستانی اور عالمی پریس میں ڈاکٹر عافیہ صدیقی کے اغوا اور افغان جیل میں ان پر تشدد کا معاملہ اُٹھایا تھا اور اس سلسلے میں برطانوی خاتون صحافی کی خدمات حاصل کی تھیں لیکن جب وزیراعظم بنے تو عافیہ صدیقی کو بھول گئے۔ انہوں نے دو مرتبہ صدر ٹرمپ سے ملاقات کی، نہایت بے تکلفانہ ماحول میں بات چیت ہوئی لیکن خان صاحب کو اس بات چیت میں قوم کی بیٹی عافیہ صدیقی یاد نہیں آئی۔ اب شہباز شریف وزارت عظمیٰ کی دوسری ٹرم پوری کررہے ہیں ان کے دور میں یہ تو ہوا کہ انہوں نے امریکی صدر کو خط لکھنے کی جرأت کی لیکن اس خط کا سرگرمی سے تعاقب نہیں کیا گیا۔ امریکی صدر جو بائیڈن نے اپنی سبک دوشی کے موقع پر سیکڑوں مجرموں کو معافی دی لیکن عافیہ کی درخواست مسترد کردی۔ امریکی بھی جانتے ہیں کہ پاکستانی حکمران قومی حمیت سے خالی ہیں، وہ اس قسم کے کچوکے برداشت کرنے کی اہلیت رکھتے ہیں۔
.ذریعہ: Jasarat News
کلیدی لفظ: عافیہ صدیقی کی رہائی ڈاکٹر عافیہ صدیقی امریکی جاسوس پیپلز پارٹی کی رہائی کے ریمنڈ ڈیوس پاکستان کے جاسوس کو انہوں نے کی کوشش کے بعد کے لیے
پڑھیں:
پی ٹی آئی کے اندر منافق لوگ موجود ہیں، ایک دن بھی ایسا نہیں کہ بانی کی رہائی کیلئے کوشش نہ کی ہو،علی امین گنڈاپور
پی ٹی آئی کے اندر منافق لوگ موجود ہیں، ایک دن بھی ایسا نہیں کہ بانی کی رہائی کیلئے کوشش نہ کی ہو،علی امین گنڈاپور WhatsAppFacebookTwitter 0 16 September, 2025 سب نیوز
راولپنڈی (سب نیوز)وزیر اعلی کے پی علی امین گنڈاپور کا کہنا ہے کہ پی ٹی آئی کے اندر منافق لوگ موجود ہیں، ایک دن بھی ایسا نہیں کہ بانی کی رہائی کے لیے کوشش نہ کی ہو، پارٹی کی اندرونی تقسیم کی وجہ سے ملاقاتیں روکی جارہی ہیں، بیانیہ ساز لوگ جماعت کو کمزور کررہے ہیں، بار بار ملاقات کی درخواستیں دی تھیں مگر روکا گیا، جھوٹے الزامات، سیاسی پروپیگنڈا ہمارے نقصان کا سبب ہے، سینیٹ انتخابات میں نامزدگیاں اور تنازع جیسے پروپیگنڈا پارٹی میں برقرار ہے، بعض افراد ایجنڈا چلا رہے ہیں ان کو خبردار کررہا ہوں کہ آپ پارٹی کو نقصان پہنچا رہے ہیں۔
راولپنڈی میں داہگل ناکے پر میڈیا سے گفتگو کے دوران انہوں نے کہا کہ بانی پی ٹی آئی کو باہر لانے کے لیے جتنی کوشش میں نے کی کسی نے نہیں کی، ملکی تاریخ کے بڑے مارچ اور جلسے کیے ہیں، کیا ریاست سے کوئی لڑ سکتا ہے؟۔علی امین گنڈا پور نے کہا کہ بانی پی ٹی آئی نے کئی بار کہا کہ مذاکرات کے لے تیار ہوں تو بیٹھیں بات کریں، بات اسی سے ہو گی جس کے پاس اختیار ہے، ہماری حکومت کو گرایا گیا، کیا اس کے ذمے دار افغان مہاجرین تھے؟ ہم اپنے صوبے میں کوشش کر رہے ہیں کہ افغان مہاجرین کو عزت اور روایات کے ساتھ واپس بھیجیں۔
ان کا کہنا ہے کہ ہم دہشت گردی کے خلاف جنگ لڑ رہے ہیں، بانی پی ٹی آئی کے دور میں دہشت گردی ختم ہو گئی تھی، دہشت گردی کے واقعات میں حالیہ اضافہ تشویش ناک ہے۔وزیرِ اعلی خیبر پختون خوا علی امین گنڈا پور نے کہا کہ بجٹ سے پہلے سیاسی دباو کے باعث بانی پی ٹی آئی کی واضح ہدایات درکار تھیں، پارٹی میں بعض افراد ایجنڈا چلا رہے ہیں، انہیں خبردار کر رہا ہوں کہ آپ پارٹی کو نقصان پہنچا رہے ہیں، متحد ہو کر ملک و آئین کا تحفظ ہمارا اولین مقصد ہے۔
اس موقع پر ایک صحافی نے سوال کیا کہ علی امین صاحب آپ فوجی شہدا کے جنازے میں شریک کیوں نہیں ہوتے؟،جس کے جواب میں وزیرِ اعلی خیبر پختون خوا علی امین گنڈا پور نے کہا کہ سیاست میں یہ حالت آ گئی ہے کہ اب جنازوں پرسیاست ہو رہی ہے، میں یہاں پر نہیں تھا، کئی جنازے ہوں گے جن پر وزیرِ اعظم نہیں آئے ہوں گے، اب میں یہ بات کروں کہ وزیرِ اعظم کیوں نہیں آئے، اس بات کا دلی دکھ ہے، سب ہمارے بھائی ہیں جو ہمارے لیے جنگ لڑ رہے ہیں۔انہوں نے کہا کہ اصل چیز ہے کہ مسئلے کے حل کے لیے ہمیں کیا پالیسی بنانی ہے اور اقدامات کرنے ہیں، بار بار کہہ رہے ہیں کہ ہمارے ساتھ مل کر بیٹھیں۔
وزیرِ اعلی خیبر پختون خوا نے کہا کہ میں شہید میجر عدنان کے گھر جاوں گا، میں خود آرمی فیملی سے ہوں، میرے والد اور بھائی بھی آرمی سے ہیں، میرے بھائی نے کارگل جنگ لڑی، وہ رات کو محاذ پر جاتا تو میری ماں روتی تھی۔علی امین گنڈا پور کا کہنا ہے کہ وفاقی وزرا کی جانب سے جنازوں پر بیانات دیے گئے، سمجھتا ہوں اس معاملے پر سیاست نہیں کرنی چاہیے، یہ بہت گھٹیا حرکت ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروزیر اعظم شہباز شریف اور سعودی ولی عہد کے درمیان انتہائی اہم ملاقات طے وزیر اعظم شہباز شریف اور سعودی ولی عہد کے درمیان انتہائی اہم ملاقات طے پاک بھارت ٹاکرے میں میچ ریفری کا تنازع، قومی ٹیم نے دبئی میں شیڈول پریس کانفرنس ملتوی کر دی حیدر آباد، بحریہ ٹاون کی 893ایکڑ زمین کو غیر قانونی قرار،خالی کروانے کا حکم ملالہ یوسفزئی کا سیلاب متاثرین کیلئے 2لاکھ 30ہزار ڈالر امداد کا اعلان سیلاب سے نقصانات کا تخمینہ لگانے کیلئے عالمی اداروں کو شامل کرنے کا فیصلہ چیئرمین سی ڈی اے محمد علی رندھاوا کا ٹی چوک فلائی اوور منصوبے کا دورہ،تعمیراتی کاموں کا معائنہCopyright © 2025, All Rights Reserved
رابطہ کریں ہماری ٹیم
سیلاب سے سینکڑوں بستیاں زیر آب، لاکھوں افراد بے گھر، ملتان کیلئے دو دن انتہائی اہم