چیمپئنز ٹرافی، دفاعی چیمپئن پاکستان کو پہلے میچ میں نیوزی لینڈسے شکست
اشاعت کی تاریخ: 19th, February 2025 GMT
کراچی: آئی سی سی چیمپئنز ٹرافی 2025 کے افتتاحی میچ میں نیوزی لینڈ نے پاکستان کو 60 رنز سے شکست دے دی۔
نیشنل سٹیڈیم میں کھیلے جانے والے میچ میں پاکستان کی پوری ٹیم 48 ویں اوور کی دوسری گیند پر 260 رنز بنا کر ڈھیر ہو گئی۔
پاکستان کی جانب سے بابر اعظم 64، خوشدل شاہ نے 69، فخر زمان نے 24 اور سلمان علی آغا نے 42 رنز بنائے۔
اس سے پہلے نیوزی لینڈ نے مقررہ اوورز میں پانچ وکٹوں کے نقصان 320 رنز بنائے تھے۔
نیوزی لینڈ کی جانب سے ٹام لیتھم 118، ویل ینگ 107 اور گلین فلپس 61 رنز کے ساتھ نمایاں رہے۔
نیوزی لینڈ کے بیٹرز کے سامنے پاکستانی بولرز بے بس دکھائی دیے، آخری آٹھ اوورز میں نیوزی لینڈ نے 105 رنز بنائے۔
میچ کے ابتدائی اوور میں پاکستان ٹیم کے اوپننگ بیٹر فخر زمان فیلڈنگ کے دوران بظاہر معمولی زخمی ہو کر گراؤنڈ سے باہر چلے گئے تھے، تاہم اب وہ کھیل کا حصہ ہیں۔
پاکستان نے 321 رنز کے تعاقب کا مایوس کُن آغاز کیا۔ پاکستان کی پہلی وکٹ اوپنر سعود شکیل کی صورت میں چوتھے اوور کی چوتھی گیند پر اس وقت گری جب ٹیم کے مجموعی سکور صرف آٹھ رنز تھے، وہ چھ رنز بنا کرآؤٹ ہوئے۔
ون ڈاؤن آنے والے کپتان محمد رضوان بھی کوئی خاص کارکردگی دکھانے میں ناکام رہے، وہ 14 گیندوں پر صرف تین رنز بنا کر آؤٹ ہوئے۔
فخر زمان کریز پر اترے اور ٹیم کے سکور بڑھانے کی کوشش کی، انہوں نے مسلسل شارٹس کھیلی لیکن قسمت نے ان کا ساتھ نہیں۔ دو مرتبہ کیچ ڈراپ ہونے کے بعد بل آخر وہ کلین بولڈ ہوئے۔
فخر زمان نے چار چوکوں کی مدد سے 50 رنز بنائے۔ اس کے بعد سلمان علی آغا 42 اور طیب طاہر ایک رن بنا کر آؤٹ ہو گئے۔
اننگز کی اوپننگ کرنے والے بابر اعظم طویل دیر تک وکٹ پر موجود رہے۔ سست بیٹنگ کا مظاہرہ کرتے ہوئے وہ 90 گیندوں پر 64 رنز بنا کر آؤت ہوئے۔
نیوزی لینڈ نے پاکستان کی دعوت پر بیٹنگ کا آغاز کیا تو وِل ینگ اور ڈیوون کونوے کریز پر اترے۔ پہلے آٹھ اوورز تک دونوں بیٹرز نے بغیر کسی نقصان کے 39 رنز بنائے۔
ٹیم نیوزی لینڈ کو پہلا نقصان اس وقت ہوا جب آٹھویں اوور کی تیسری گیند پر ڈیوون کونوے 10 رنز بنا کر ابرار احمد کا شکار بنے۔
ون ڈاؤن آنے والے کین ولیمسن بھی کوئی خاص کارکردگی دکھانے میں ناکام رہے۔ وہ صرف ایک رن بنا کر نسیم شاہ کی گیند پر وکٹ کیپر محمد رضوان کو کیچ تھما بیٹھے۔
نیوزی لینڈ کی تیسری وکٹ 17ویں اوور کی دوسری گیند پر ڈیرل مچل کی صورت میں اس وقت گری جب ٹیم کے مجموعی سکور 73 تھے۔
ایونٹ کی پہلی سینچری سکور کرنے والے اوپننگ بیٹر وِل ینگ 113 گیندوں پر ایک چھکے اور 11 چوکوں کی مدد سے 107 رنز بنا کر آؤٹ ہوئے۔
میچ کے آخری اوورز میں نیوزی لینڈ کے بیٹرز نے پاکستانی بولرز کو آڑے ہاتھوں لیا، آخری آٹھ اوورز میں نیوزی لینڈ نے 105 رنز بنائے۔
گلین فلپس نے عمدہ کارکردگی کا مظاہرہ کرتے ہوئے چار چھکوں اور تین چوکوں کی مدد سے 61 رنز کی اننگز کھیلی، وہ حارث رؤف کی گیند پر فخر زمان کو کیچ تھما کر آؤٹ ہوئے۔
نیوزی لینڈ کی جانب سے ٹام لیتھم تین چھکوں اور 10 چوکوں کی مدد سے 118 رنز بنا کر آؤٹ ہوئے جبکہ مائیکل بریسویل بغیر کوئی رنز بنائے پویلین لوٹے۔
پاکستان کی جانب سے نسیم شاہ اور حاررث رؤف نے دو، دو جبکہ ابرار احمد نے ایک وکٹ حاصل کی۔
ذریعہ: Daily Mumtaz
کلیدی لفظ: میں نیوزی لینڈ نیوزی لینڈ نے کر ا و ٹ ہوئے نے پاکستان پاکستان کی کی جانب سے اوورز میں نے والے اوور کی گیند پر ٹیم کے
پڑھیں:
جنگی شکست کا بدلہ بھارت کرکٹ کے میدان میں لینے کا سنگین اور اخلاقی جرم کر رہا ہے، ڈاکٹر عشرت العباد
اپنے بیان میں سربراہ ایم پی پی نے کہا کہ ہم ملک میں نئی سوچ کے ساتھ نا امیدی اور ملک کو عظیم مملکت بنانے کے لئے بھرپور کردار ادا کر رہے ہیں، جو ہماری جدوجہد کا حصہ ہے کل پاکستان کی سب سے بڑی طاقت ہوگا، ہم افواج پاکستان اور عوام کے درمیان پل ہیں، فوج ہے تو پاکستان ہے اور پاکستان ہے تو فوج ہے۔ اسلام ٹائمز۔ سابق گورنر سندھ روح رواں ایم پی پی ڈاکٹر عشرت العباد خان نے کہا ہے کہ جنگی شکست کا بدلہ بھارت کرکٹ کے میدان میں لینے کا سنگین اور اخلاقی جرم کر رہا ہے، بھارت فتنہ بازی سے باز آجائے ہماری فورسز روزانہ فتنہ الخوارج ہندوستان کا قلع قمع کر رہی ہے۔ انہوں نے کہا کہ سیاست دان قومی سلامتی کو فوقیت دیں، ملک میں سیلاب نے تباہی مچادی، اولین ترجیح سیلاب زدگان کی مشکلات دور کرنا نصب العین ہونا چاہیئے، گڈ گورننس کے بغیر مشکلات کا سامنا نہیں کیا جا سکتا، روایت چل پڑی ہے کہ تنقید کرو اور جواب میں ایک دوسرے کی عزت اچھالو، بھارت کا مکروہ چہرہ سامنے آگیا، آئی سی سی نے پاکستان کا مطالبہ نہ مانا تو کھیل بھی سیاست اور ہندو توا نظریات کا حامل ہوجائے گا، دوحہ اجلاس اسلامی ممالک کی اچھی کاوش ہے۔
ان کا کہنا تھا کہ پاکستان میں منفی سیاست اور سوشل میڈیا مہم سازی ختم کرنے کے لئے قومی یکجہتی کی ضرورت ہے، کراچی کے میئر کو عوام کی خدمت پر توجہ دینی چاہیئے، اپنی کوتاہیوں کو منافقت اور گفتگو کے جال میں پھنسانے کے بجائے کراچی کے سچے بیٹے بنیں، وفاق، صوبہ اور لوکل گورنمنٹ ملکر کام کریں، گورنر کی حیثیت سے یہ کام اگر میں کرسکتا ہوں تو اب کیوں نہیں؟ ناکام بلدیاتی قیادت ابھی تک تھڈو ڈیم، گلشن اقبال، لٹھ ڈیم، جمال پل سے صفورا تک، سماما، شہر کے بیشتر علاقے گھٹنوں گھٹنوں پانی کی زد میں ہیں۔ ڈاکٹر عشرت العباد نے کہا کہ سیاست کو خدمت سمجھ کر کیا جائے، میرے ساتھی کھڈے بھر کر نا ہموار راستوں کو قابل استعمال بنا رہے ہیں، میئر روزانہ پریس کانفرنس کرتے ہیں۔
عشرت العباد خان نے کہا کہ اپر سندھ اور دادو گاج سمیت مورو، گڈو بیراج، کوٹری بیراج بھی سخت خطرات ہیں، تمام سیاسی جماعتوں کو ملکر مشکل حالات سے نکالنا ہے، میری پہچان پاکستان ایک تحریک ہے اور ہم ملک میں نئی سوچ کے ساتھ نا امیدی اور ملک کو عظیم مملکت بنانے کے لئے بھرپور کردار ادا کر رہے ہیں، جو ہماری جدوجہد کا حصہ ہے کل پاکستان کی سب سے بڑی طاقت ہوگا، ہم افواج پاکستان اور عوام کے درمیان پل ہیں، فوج ہے تو پاکستان ہے اور پاکستان ہے تو فوج ہے، بھارت کے ہر عزم کو ناکام بنائیں گے، پاکستان کی سیاسی تاریخ میں ہم ایک نیا ریکارڈ قائم کریں گے، امن اور محبت ہمارا نصب العین ہے، تمام ساتھی تیار رہیں، میری پہچان پاکستان ملک میں انقلاب کی آواز بنے گی۔
کیکو شاردا نے دی کپل شرما شو چھوڑنے کی خبروں کی تردید کردی