وزیراعظم شہباز شریف 24 اور 25 فروری کو آذربائیجان کا سرکاری دورہ کریں گے
اشاعت کی تاریخ: 23rd, February 2025 GMT
اسلام آباد(ڈیلی پاکستان آن لائن)وزیراعظم شہباز شریف کل سے آذربائیجان کا دو روزہ سرکاری دورہ کریں گے۔ دونوں ممالک کے درمیان متعدد شعبوں میں مفاہمت کی یاداشتوں اور معاہدوں پر دستخط متوقع ہیں۔
ترجمان دفتر خارجہ کے مطابق وزیراعظم شہباز شریف کو دورے کی دعوت آذربائیجان کے صدر الہام علیوف نے دی تھی۔ نائب وزیراعظم اسحاق ڈار اور کابینہ کے دیگر ارکان بھی وزیراعظم کے ساتھ ہوں گے۔
دورے کے دوران دونوں ممالک کے درمیان مختلف شعبوں میں تعاون کے فروغ پر بات ہوگی۔ متعدد شعبوں میں مفاہمت کی یاداشتوں اور معاہدوں پر دستخط متوقع ہیں۔ توانائی، تجارت، دفاع، تعلیم اور موسمیاتی تبدلی کے شعبوں میں تعاون مزید مضبوط ہوگا۔
عیسائیوں کے مذہبی پیشوا پوپ فرانسس کی طبیعت پھربگڑ گئی
وزیراعظم آذربائیجان میں بزنس فورم سے کلیدی خطاب بھی کریں گے۔ جبکہ ان کا میزبان صدر کے ساتھ کاراباخ کا خصوصی دورہ بھی شیڈول میں شامل ہے۔ عہدہ سنبھالنے کے بعد سے وزیراعظم شہباز شریف کا آذربائیجان کا یہ دوسرا دورہ ہے۔
مزید :.ذریعہ: Daily Pakistan
کلیدی لفظ: وزیراعظم شہباز شریف
پڑھیں:
تیراہ میں خوارج کی فائرنگ سے پُرامن شہریوں کی شہادت قابل مذمت ہے، وزیراعظم شہباز شریف
وزیراعظم پاکستان شہباز شریف نے خیبرپختونخوا کے ضلع خیبر کی تحصیل تیراہ کے علاقے باغ میدان میں خوارج کی فائرنگ سے پرامن شہریوں کی شہادت پر گہرے دکھ اور افسوس کا اظہار کیا ہے۔
وزیراعظم نے زخمیوں کو فوری طبی امداد فراہم کرنے کی ہدایت جاری کرتے ہوئے دہشت گردی کے اس واقعے کی شدید مذمت کی۔
یہ بھی پڑھیں: تیراہ واقعہ: وزیراعلیٰ کے پی کا جاں بحق افراد اور زخمیوں کے لیے مالی امداد کا اعلان
انہوں نے کہاکہ دہشتگردوں کے مکروہ عزائم ہمارے قومی عزم کو متزلزل نہیں کر سکتے۔ ہم دہشتگردوں اور دہشتگردی کو منطقی انجام تک پہنچا کر دم لیں گے۔
دوسری جانب وزیراعلیٰ خیبرپختونخوا علی امین گنڈاپور نے بھی واقعے پر افسوس کا اظہار کرتے ہوئے کہاکہ جاں بحق اور زخمی ہونے والوں کے ساتھ مکمل ہمدردی ہے۔ وزیراعلیٰ نے واقعے کے تناظر میں قبائلی مشران اور عوامی نمائندوں کا جرگہ پشاور طلب کرلیا ہے۔
انہوں نے کہاکہ جرگے کا مقصد مقامی عوام کے تحفظات اور جذبات کو سننا ہے، جبکہ ضلعی انتظامیہ اور متعلقہ اداروں کو نظم و ضبط برقرار رکھنے کی ہدایت کی گئی ہے۔
وزیراعلیٰ نے جاں بحق افراد کے لیے ایک، ایک کروڑ روپے اور زخمیوں کے لیے 25، 25 لاکھ روپے مالی امداد کا اعلان بھی کیا۔
انہوں نے کہا کہ خیبرپختونخوا حکومت پائیدار امن، عوامی تحفظ اور باہمی احترام کے فروغ کے لیے پرعزم ہے۔
یہ بھی پڑھیں: خیبر پختونخوا: دہشتگردوں کے مقابلے میں پولیس کی اینٹی ڈرون جیمنگ ٹیکنالوجی کیسے کام کرے گی؟
وزیراعلیٰ کے مطابق حالیہ آل پارٹیز کانفرنس میں انہی معاملات پر سنجیدہ غور کیا گیا اور اب عمائدین و مشران کے ساتھ جرگوں کا سلسلہ ڈویژنل اور پھر صوبائی سطح پر اگلے ہفتے سے شروع ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اظہار افسوس تیراہ شہباز شریف علی امین گنڈاپور فائرنگ قابل مذمت وزیراعظم پاکستان وزیراعلیٰ خیبرپختونخوا وی نیوز
گوئٹے مالا؛ زلزلے سے تباہ گھروں میں چوری کے الزام میں 5 افراد کو زندہ جلادیا گیا