ماضی کی وہ معروف اداکارہ جس نے ماں کی خواہش پر بالی ووڈ چھوڑ دیا
اشاعت کی تاریخ: 23rd, February 2025 GMT
بالی ووڈ کی ماضی کی معروف اداکارہ اور ’بگ باس 18‘ کی سابقہ امیدوار شلپا شیروڈکر نے انکشاف کیا ہے کہ انہوں نے اپنی والدہ کی خواہش پر فلم انڈسٹری کو چھوڑ کر شادی کا فیصلہ کیا تھا۔
ایک انٹرویو میں شلپا نے بتایا کہ بالی ووڈ کو انہوں نے اپنی والدہ کے مشورے پر خیرباد کہہ کر شادی کر لی تھی اور انہیں اس پر کوئی پچھتاوا نہیں ہے۔
اداکارہ نے بتایا کہ ان کی والدہ ہمیشہ کہتی تھیں کہ ہر کام کا وقت ہوتا ہے، اور جو کام وقت پر نہ ہو وہ بعد میں صرف پچھتاوے کا باعث بنتا ہے۔ شلپا نے کہا کہ ان کی والدہ کے مطابق وہ ان کی شادی کی عمر تھی اور وہ ہی شادی کیلئے بہترین وقت تھا۔
A post common by BollywoodShaadis.
شلپا نے بتایا کہ ’میں نے 2000 میں شادی کی اور میری والدہ کا ماننا تھا کہ ہر چیز کا صحیح وقت ہوتا ہے، اس لیے بالی ووڈ میں نام کمانے کے بعد میری زندگی کا اگلا قدم شادی تھی۔ 26-27 سال کی عمر میں شادی کرنا ضروری تھا، اور میں نے خوشی سے فلم انڈسٹری چھوڑ دی۔‘
شلپا نے مزید کہا کہ وہ ہمیشہ اپنی والدہ کے فیصلوں پر یقین رکھتی ہیں اور انہیں کبھی بھی والدہ کے کیے فیصلوں پر عمل کر کے افسوس نہیں ہوا۔ شلپا نے یہ بھی کہا کہ وہ کبھی بھارت چھوڑنا نہیں چاہتی تھیں، لیکن تقدیر میں یہی لکھا تھا۔ شادی کے بعد ملک سے باہر چلی گئیں اور مکمل طور پر ایک گھریلو خاتون بن گئیں جس پر وہ خود بھی خوش اور مطمئین ہیں۔
TagsShowbiz News Urdu
ذریعہ: Al Qamar Online
پڑھیں:
معروف ریسلر ہلک ہوگن 71 سال کی عمر میں انتقال کر گئے
دنیا کے معروف پروفیشنل ریسلر اور ڈبلیو ڈبلیو ای کے لیجنڈ، ہلک ہوگن جمعرات کے روز 71 سال کی عمر میں انتقال کر گئے۔
ان کی وفات کی تصدیق ورلڈ ریسلنگ انٹرٹینمنٹ (ڈبلیو ڈبلیو ای) نے اپنے سوشل میڈیا پلیٹ فارم ایکس پر کی۔
فلوریڈا پولیس کے مطابق ہلک ہوگن کے گھر میں دل کا دورہ پڑنے کی اطلاع پر پولیس اور ریسکیو اہلکار موقع پر پہنچے، جہاں انہیں فوری طبی امداد دی گئی اور پھر ہسپتال منتقل کیا گیا۔ تاہم وہ جانبر نہ ہو سکے اور مورٹن پلانٹ ہسپتال میں ان کے انتقال کی تصدیق کی گئی۔
یہ بھی پڑھیے: ریسلنگ لیجنڈ بل گولڈ برگ نے 27 سالہ کیریئر کے بعد ریٹائرمنٹ کا اعلان کر دیا
ہلک ہوگن کا اصل نام ٹیری بولیا تھا اور وہ 1980 کی دہائی میں ڈبلیو ڈبلیو ای کے بڑے ستارے بن کر ابھرے۔ ان کے مشہور جملے “say your prayers and eat your vitamins” اور ان کی شخصیت نے ریسلنگ کو عالمی شہرت دلائی۔
ان کی زندگی تنازعات سے بھی خالی نہ رہی۔ 2015 میں ایک ویڈیو میں ان کے نسل پرستانہ بیانات نے ان کی شہرت کو دھچکہ پہنچایا تاہم انہوں نے بعد میں معذرت بھی کی۔
یہ بھی پڑھیے: بیچ ریسلنگ ورلڈ سیریز: انعام بٹ نے کوارٹر فائنل کے لیے کوالیفائی کر لیا
ہلک ہوگن اپنے آخری دنوں میں نئی ریسلنگ کمپنی ‘ریئل امریکن فری اسٹائل’ کے تحت ایک نیا آغاز کرنے والے تھے جس کا پہلا ایونٹ 30 اگست کو ہونا تھا۔
ڈبلیو ڈبلیو ای اور مداحوں نے ان کی موت پر گہرے دکھ اور افسوس کا اظہار کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ہائی ویزڈپارٹمنٹ انتظامیہ نے ملازمین کے مسائل حل کرنے کی قسم کھالی