غلطیاں ٹھیک کریں ورنہ بھوٹان سے بھی ہار جائیں گے، راشد لطیف کی پی سی بی سربراہوں پر تنقید
اشاعت کی تاریخ: 24th, February 2025 GMT
پاکستان کے سابق کرکٹر اور قومی ٹیم کے کوچ راشد لطیف نے پاکستان کی بھارت کے ہاتھوں شکست کے بعد تنقید کرتے ہوئے کہا ہے کہ پاکستان کرکٹ تباہی کے دھانے پر ایسے ہی نہیں پہنچی اس میں حکومت، پی سی بی چیئرمینز اور سابق لیجینڈز کا اہم کردار رہا ہے۔
سماجی رابطے کے پلیٹ فارم ایکس پر پوسٹ کرتے ہوئے انہوں نے لکھا کہ نجم سیٹھی ہوں یا احسان مانی، زکا اشرف یا محسن نقوی، سب اپنا پنا سیاسی اثر و رسوخ استعمال کرتے آئے ہیں اور آتے ہی لیجینڈز کو اپنے قریب رکھا اور کرکٹ ان کے حوالے کر دی گئی جہاں سے ہماری کرکٹ کی تباہی شروع ہوئی۔
یہ بھی پڑھیے: ’پنگا نہیں لینے کا اپن سے‘، راشد لطیف نے یہ دھمکی کس کو دی؟
انہوں نے فرنچائز کرکٹ پر بھی تنقید کی اور کہا کہ جو لوگ اس پی ایس ایل چلا رہے ہیں وہ پیشہ ور نہیں،کھلاڑیوں کو پیسہ چاہیے، چاہے پیسہ کمینٹری سے آئے یا ٹی وی پر ایکسپرٹ، کوچ یا مینٹور بننے سے آئے۔
راشد لطیف نے لکھا کہ پاکستان کرکٹ بورڈ (پی سی بی)نے اپنی ساکھ بچانے کے لیے اپنے ہی کھلاڑی دوسرے چینلز میں بٹھا دیے، پی سی بی نے اپنے اپنے کھلاڑی الگ الگ چینلز پر بیٹھا دیا ہے تا کہ یہ دھندوں پر پردہ ڈال سکیں۔
پاکستان کرکٹ تباہی کے دھانے پر ایسے ہی نہیں پہنچی اس میں حکومت اور سابق لیجینڈز کا اہم کردار رہا ہے ۔ سب اپنا پنا سیاسی اثر و رسوخ استعمال کرتے آئے ہیں چاہے نجم سیٹھی ہوں یا احسان مانی ، زکا اشرف یا محسن نقوی ہوں ۔
تمام چیئرمین نے آتے ہی اپنی سوچ کے مطابق لیجینڈز کو اپنے قریب… pic.
— Rashid Latif | ???????? (@iRashidLatif68) February 24, 2025
انہوں نے کہا کہ یہ بنی ہوئی ٹھیک ٹھاک ٹیم تھی لیکن کپتانی کا لالچ دے کر سابق چیئرمین نے بُری روایت ڈال دی، نجم سیٹھی آئے انہوں نے شاداب کو کپتان بنایا، پھر زکا اشرف صاحب آئے اور شاہین آفریدی کو کپتان بنادیا، پھر محسن نقوی آئے انہوں نے بابر اعظم کو دوبارہ کپتان بنا دیا۔
سابق کوچ نے پاکستانی ٹیم کی تنزلی کا ذمہ دار ٹھہراتے ہوئے کہا کہ احسان مانی نے جب سرفراز احمد کو کپتانی سے ہٹوایا تھا اس دن سے پاکستانی کرکٹ ٹیم کی بربادی کے دن شروع ہو گئے تھے۔
یہ بھی پڑھیے: چیمپیئنز ٹرافی کے اہم میچ میں بھارت سے شکست کی وجہ کون؟ کپتان رضوان نے بتادیا
انہوں نے تجویز دی کہ حکومت بورڈ میں سیاسی بھرتیاں بند اور پی سی بی کے دستور میں تبدیلی کرے، چئیرمین کرکٹ بورڈ کیوں سلیکشن کمیٹی بناتا ہے اور کیوں چیئرمین کے پاس کپتان بنانے کی طاقت ہوتی ہے؟ ان کا کہنا تھا کہ یہ بنیادی غلطیاں ہیں جن کو جلد از جلد ٹھیک کرنا ہو گا ورنہ ہم بھوٹان سے بھی ہارنے لگیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان پی سی بی راشد لطیف کرکٹذریعہ: WE News
کلیدی لفظ: پاکستان پی سی بی راشد لطیف کرکٹ راشد لطیف انہوں نے پی سی بی
پڑھیں:
امریکا، برطانیہ اور نا ہی آسٹریلیا! دنیا کا سب سے مہنگا سیاحتی ویزا کس ملک کا ہے؟
data-id="863a0a8" data-element_type="widget" data-widget_type="theme-post-content.default">
اگر آپ کا خیال ہے کہ امریکا، برطانیہ، آسٹریلیا یا جاپان کا سیاحتی ویزا دنیا میں سب سے مہنگا ہے تو آپ غلط فہمی میں ہیں، کیونکہ ان میں سے کوئی بھی ملک اس فہرست میں شامل نہیں۔ دراصل، دنیا کا سب سے مہنگا سیاحتی ویزا رکھنے والا ملک بھوٹان ہے۔
بھوٹان میں آنے والے ہر غیر ملکی سیاح کو فی رات 100 امریکی ڈالر بطور ’’پائیدار ترقی فیس‘‘ (Sustainable Development Fee) ادا کرنا لازم ہے، جو ویزا فیس سے الگ ہے۔ اس رقم کا بڑا حصہ تعلیم، صحت، جنگلات کے تحفظ اور تاریخی عبادت گاہوں کی دیکھ بھال پر خرچ کیا جاتا ہے۔
چار دن کے مختصر دورے پر بھی ایک مسافر کو تقریباً 440 سے 840 ڈالر تک ادا کرنے پڑتے ہیں۔ بھوٹان کی حکومت کے مطابق اس پالیسی کا مقصد کم تعداد میں مگر ذمہ دار سیاحوں کو متوجہ کرنا ہے تاکہ قدرتی ماحول اور ثقافت کو نقصان نہ پہنچے۔
“گراس نیشنل ہیپی نیس” کے فلسفے پر چلنے والا یہ چھوٹا ہمالیائی ملک اپنی فطری خوبصورتی، پُرامن ماحول اور منفرد سیاحتی طرز کی وجہ سے دنیا بھر کے سیاحوں کی توجہ حاصل کر رہا ہے۔
یونیورسٹی روڈ کی خستہ حالت کے باعث پیدا ہونے والی گرد و غبار سے شہریوں کو روزانہ مشکلات کا سامنا کرنا پڑ رہا ہے