غزہ میں شدید سردی کے سبب چھ شیر خوار بچوں کی اموات
اشاعت کی تاریخ: 25th, February 2025 GMT
اسلام آباد (اُردو پوائنٹ ۔ DW اردو۔ 25 فروری 2025ء) غزہ کی پٹی میں طبی ماہرین کے مطابق گزشتہ دو ہفتوں میں ہائپو تھرمیا یعنی شدید سردی کے باعث کم ازکم چھ شیر خوار بچوں کی اموات ہو چکی ہیں۔ اسرائیل اور فلسطینی عسکریت پسند تنظیم حماس کے مابین گزشتہ ماہ ہونے والی جنگ بندی کی وجہ سے غزہ میں پندرہ ماہ سے جاری جنگ تو ابھی رکی ہوئی ہے، تاہم سینکڑوں ہزاروں لوگ اب بھی بمباری سے متاثرہ عمارتوں یا عارضی خیموں میں رہائش پزیر ہیں۔
حالیہ دنوں میں غزہ کی پٹی میں درجہ حرارت میں کمی دیکھنے میں آئی ہے۔ غزہ پٹی کے جنوب میں خان یونس شہر میں واقع ناصر ہسپتال کے شعبہ اطفال کے سربراہ ڈاکٹر احمد الفرح نے امریکی خبر رساں ادارے ایسوسی ایٹڈ پریس کو بتایا کہ انہیں آج بروز منگل ایک دو ماہ کی بچی کی لاش موصول ہوئی ہے۔
(جاری ہے)
انہوں نے کہا کہ مزید دو شیر خوار بچوں کو فراسٹ بائٹ ( برف کی وجہ سے جسم کےمتاثرہ حصے) کا علاج فراہم کیا گیا۔
غزہ شہر میں واقع پیشنٹ فرینڈز ہسپتال کے سعید صالح نے بتایا کہ گزشتہ دو ہفتوں کے دوران ایک ماہ یا اس سے کم عمر کے پانچ شیر خوار بچے سردی کی وجہ سے ہلاک ہو چکے ہیں۔ غزہ میں حماس کے زیر انتظام وزارت صحت کے شعبہ ریکارڈ کےسربراہ ظہیر الوحیدی نے کہا کہ اس موسم سرما میں ہائپوتھرمیا سے 15 اموات ریکارڈ کی گئی ہیں۔
بحیرہ روم کے ساحل پر واقع ہونے کی وجہ سے غزہ کے علاقوں کو سخت اور نمی والی سردیوں کا سامنا کرنا پڑتا ہے، رات کے وقت درجہ حرارت 10 ڈگری سیلسیس (50 ڈگری فارن ہائیٹ) سے نیچے گر جاتا ہے۔
غزہ کے لیے لاکھوں ڈالرز کے فنڈز منجمدٹرمپ انتظامیہ کی جانب سے ڈبلیو ایچ او کے لیے فنڈز کی معطلی کے بعد غزہ کے لیے 46 ملین ڈالر کی امدادی رقم منجمد ہو گئی ہے۔ یہ بات خطے میں ڈبلیو ایچ او کے ایک اعلیٰ اہلکار نے آج بروز منگل کہی۔
مقبوضہ فلسطینی علاقوں کے لیے ڈبلیو ایچ او کے نمائندے ڈاکٹر ریک پیپرکورن نے کہا کہ امدادی رقم ''منجمد‘‘ کیے جانے سے چھ شعبے متاثر ہوں گے ان میں صحت کی سہولیات کی بحالی، شراکت دار تنظیموں کے ساتھ ہم آہنگی، اور طبی انخلاء کے آپریشن شامل ہیں۔
جنیوا میں اقوام متحدہ کی بریفنگ میں غزہ سے نامہ نگاروں سے بات کرتے ہوئے پیپرکورن نے کہا کہ اس طرح کے آپریشنز کے لیے رقم ڈبلیو ایچ او کی فنڈنگ پائپ لائن میں موجود ہے اور ''ہم ابھی بھی پوری طرح سے آگے بڑھ رہے ہیں۔‘‘ ڈبلیو ایچ او کے ترجمان، طارق جساریوچ نے کہا کہ ان کے پاس اس بارے میں اعداد و شمار نہیں ہیں کہ امریکی فنڈنگ میں کٹوتیوں نے دنیا بھر میں اس کے تمام آپریشنز کو کس حد تک متاثر کیا ہے۔ش ر⁄ ک م، ر ب (اے پی)
.ذریعہ: UrduPoint
کلیدی لفظ: تلاش کیجئے ڈبلیو ایچ او کے کی وجہ سے نے کہا کہ شیر خوار کے لیے
پڑھیں:
ریسلنگ کی دنیا کے بے تاج بادشاہ ہلک ہوگن اچانک چلے بسے
ریسلنگ کی دنیا کے بے تاج بادشاہ ہلک ہوگن اچانک چلے بسے WhatsAppFacebookTwitter 0 24 July, 2025 سب نیوز
واشنگٹن (سب نیوز)ریسلنگ لیجنڈ ہلک ہوگن ہارٹ اٹیک کے باعث 71سال کی عمر میں چل بسے، ہوگن کو 2005 میں ڈبلیو ڈبلیو ای ہال آف فیم میں شامل کیا گیا ریسلنگ کیرئیر کے دوران ہوگن کی متعدد سرجریز ہوئی تھیں۔
عالمی میڈیا رپورٹس کے مطابق، ٹی ایم زیڈ نے اپنی رپورٹ میں بتایا ہے کہ کلیئر واٹر، فلوریڈا میں ایمرجنسی خدمات کو دل کا دورہ پڑنے کی اطلاع موصول ہوئی، جس کے بعد میڈیکل ٹیم فوری طور پر موقع پر پہنچی۔ہلک ہاگن بے ہوش حالت میں پائے گئے، جنہیں موقع پر سی پی آر دینے کے بعد اسپتال منتقل کیا گیا، مگر وہ جانبر نہ ہو سکے۔اسپتال میں ان کی شناخت ٹری جین بولیا کے نام سے کی گئی، جو دنیا بھر میں ہلک ہاگن کے نام سے مشہور تھے۔ وہ نہ صرف ایک کامیاب ریسلر تھے بلکہ ریسلنگ کی دنیا میں ایک کلچر کا نام بن چکے تھے۔
انہوں نے اپنے شاندار کیریئر میں متعدد چیمپئن شپ ٹائٹلز جیتے اور ڈبلیو ڈبلیو ای کو بین الاقوامی سطح پر مقبول بنانے میں بنیادی کردار ادا کیا۔ ہلک ہاگن 1980 اور 1990 کی دہائی میں ڈبلیو ڈبلیو ای کے سب سے بڑے اسٹارز میں شمار ہوتے تھے، اور ان کی شخصیت نے ریسلنگ انڈسٹری کو ایک نئی شناخت دی۔ ان کی وفات پر دنیا بھر کے ریسلنگ شائقین اور ساتھی ریسلرز نے گہرے دکھ اور افسوس کا اظہار کیا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروزیراعظم ہاوس میں جرگہ، میڈیکل کالجز اور انجینئرنگ یونیورسٹیوں میں ضم شدہ اضلاع کا کوٹا بحال وزیراعظم ہاوس میں جرگہ، میڈیکل کالجز اور انجینئرنگ یونیورسٹیوں میں ضم شدہ اضلاع کا کوٹا بحال چھبیس نومبر احتجاج، حکومت پنجاب کا 20ملزمان کی ضمانتیں منسوخ کرانے کیلئے سپریم کورٹ سے رجوع کا فیصلہ صوبائی عہدیدار ڈی آئی خان میں طالبان کو کتنے پیسے دیتا ہے؟، محسن نقوی کا علی امین گنڈا پور پر طنز این اے 175ضمنی انتخاب،دانیہ شاہ کے شوہر 2بیویوں کے ہمراہ کاغذات نامزدگی جمع کروانے پہنچ گئے تیسرے ٹی 20میں شاہینوں کا پلٹ کا وار، بنگلادیش کو شکست دے کر پاکستان وائٹ واش سے بچ گیا وزیرِ اعظم نے سول سروسز اسٹرکچر کو جدید خطوط پر استوار کرنے کیلئے کمیٹی قائم کردیCopyright © 2025, All Rights Reserved
رابطہ کریں ہمارے بارے ہماری ٹیم
ایک ارب ڈالر کی فنانسنگ فراہم کرینگے، دبئی اسلامی بنک، عالمی اداروں کا پاکستان پر اعتماد: وزیر خزانہ