مالٹا، وٹامن سے بھرپور پھل
اشاعت کی تاریخ: 27th, February 2025 GMT
ہر قسم کے مالٹے میں تقریباً سو فی صد آپ کی روزانہ کی ضرورت کے مطابق وٹامن سی ہوتا ہے۔
یہ کسی بھی دوسرے پھل سے زیادہ ہے۔ مالٹے میں وٹامن سی آپ کے جسم کو کئی طریقوں سے فائدہ پہنچاتا ہے۔آپ کے خلیات کو نقصان سے بچاتا ہے۔ آپ کے جسم کو کولیجن بنانے میں مدد دیتا ہے، جو ایک پروٹین ہے جو زخموں کو بھرنے اور جلد کو نرم بنانے میں معاون ہے۔آئرن کے جذب کرنے کو آسان بناتا ہے تاکہ انیمیا کا مقابلہ کیا جا سکے۔کینسر پیدا کرنے والے ریڈیکلز سے لڑنے میں مدد دیتا ہے۔ جب آپ اضطراب محسوس کرتے ہیں، وٹامن سی آپ کی اسٹریس ہارمون اور بلڈ پریشر کی سطح کو کم کرتا ہے۔ بعض کھانے آپ کے مدافعتی نظام کو خراب کرتے ہیں اس سے سوزش پیدا ہوتی ہے۔ جب سوزش طویل مدتی مسئلہ بن جاتی ہے، تو یہ ذیابیطس، دل کی بیماری، جوڑوں کا درد، کینسر، اور الزائمر کی بیماری کو متحرک کر سکتی ہے۔
مالٹے سے اس مدافعتی نظام کو بہتر بنانے میں مدد ملتی ہے۔ ایک درمیانے سائز کے مالٹے میں 3 گرام فائبر ہوتا ہے جو آپ کی آنتوں کو صحت مند رکھتا ہے، کولیسٹرول اور دل کی بیماری کے خطرے کو کم کرتا ہے، اور السر کو روکنے میں مدد دیتا ہے۔
مالٹے قدرتی طور پر فولیٹ کا بڑا ذریعہ ہیں۔ آپ کا جسم اسے خلیات کو تقسیم کرنے اور ڈی این اے بنانے کے لیے استعمال کرتا ہے۔ چونکہ یہ پیدائشی نقائص کو روکنے میں مدد دیتا ہے، اس لیے یہ حمل والی خواتین کے لیے خاص طور پر اہم وٹامن ہے۔ مالٹے میں 12 گرام شکر قدرتی ہوتی ہے۔
یہ اس قسم کی شکر سے مختلف ہے جو آپ کو ٹافی میں ملتی ہے۔ اس کے علاوہ مالٹے کے ساتھ آنے والے تمام فائبر، وٹامنز، اور اینٹی آکسیڈینٹس اسے آپ کے جسم کے لیے ایک بہتر انتخاب بناتے ہیں۔ جہاں تک مالٹے کے جوس یا رس کا تعلق ہے، آپ کچھ اضافی شکر حاصل کر سکتے ہیں اور فائبر بھی ضائع ہو سکتا ہے۔
بہت زیادہ پھلوں کا رس وزن میں اضافے کا باعث بن سکتا ہے، جو دل کی بیماری کے خطرے کو بڑھا سکتا ہے، خاص طور پر درمیانی عمر میں۔ لیکن مالٹے اور ان کا رس دونوں آپ کے لیے اچھے ہیں۔ گردوں میں پتھری ہونے کی شکایت میں مریض کو پوٹاشیم، سائیٹریٹ اور سٹرک ایسڈ کا استعمال کرنے کو کہا جاتا ہے اس کا استعمال گردوں میں پتھری بننے کے عمل کو روکتا ہے، خون کی کمی کو پورا کرتا ہے۔
اگر آپ خون کی کمی کا شکار ہیں تو مالٹے اور کینو کے استعمال سے خون کی کمی کو پورا کیا جا سکتا ہے۔ آئرن سے بھر پور غذائوں کے استعمال کے ساتھ اس پھل کا استعمال کیا جائے تو ہیموگلوبن کے بننے کے عمل میں تیزی آتی ہے۔ تحقیق کے مطابق بچوں کو مالٹے کے رس کا استعمال کرانا انہیں خون کے کینسر سے تحفظ دے سکتا ہے۔
ذریعہ: Express News
کلیدی لفظ: میں مدد دیتا ہے کا استعمال کی بیماری سکتا ہے کرتا ہے کے لیے
پڑھیں:
آئی فون 17 کی قیمت میں پاکستان میں کونسے منافع بخش کاروبار کیے جا سکتے ہیں؟
پاکستان میں آئی فون 17 کے نئے ماڈلز کی قیمتیں 6 سے 8 لاکھ روپے تک متوقع کی جا رہی ہیں۔ جو عام شہری کے لیے حیرت انگیز حقیقت ہے۔ ایک طرف یہ رقم صرف ایک موبائل فون پر خرچ ہو رہی ہے، تو دوسری جانب اسی رقم سے نہ صرف ایک قابلِ استعمال گاڑی خریدی جا سکتی ہے بلکہ ایک چھوٹا کاروبار بھی شروع کیا جا سکتا ہے۔
مارکیٹ میں دستیاب پرانی گاڑیوں جیسے سوزوکی مہران، دایہ تسو کورے، ہنڈا سٹی یا کلٹس کے پرانے ماڈلز 6 سے 8 لاکھ کے درمیان دستیاب ہیں، جو ذاتی سواری کے لیے کافی بہتر آپشن ہیں۔
ماہرین کے مطابق یہ قیمت اوسط تنخواہ لینے والے پاکستانی کی کئی برس کی جمع پونجی کے برابر ہے، اسی لیے یہ سوال شدت سے اٹھ رہا ہے کہ کیا واقعی ایک موبائل فون اتنی خطیر رقم کا مستحق ہے یا یہ پیسہ کسی زیادہ فائدہ مند مقصد کے لیے بھی کافی ہو سکتا ہے؟
مزید پڑھیں: آئی فون 17 لانچ کرتے ہی ایپل کو بڑا مالی نقصان، وجہ کیا بنی؟
اسی رقم سے اگر سیکنڈ ہینڈ رکشے خریدے جائیں تو مارکیٹ ریٹ کے حساب سے 8 لاکھ میں 2 سے 3 رکشے آرام سے لیے جا سکتے ہیں، جو روزانہ اوسطاً 2,500 سے 3,500 روپے تک کما سکتے ہیں۔ اس طرح ماہانہ آمدنی 1.5 لاکھ سے 2 لاکھ روپے تک پہنچ سکتی ہے۔ واضح رہے کہ یہ ایک رکشے کی آمدن ہے۔
اسی طرح اگر سیکنڈ ہینڈ 70 سی سی بائیکس خریدی جائیں تو اوسطاً 8 لاکھ میں تقریباً 8 بائیکس لی جا سکتی ہیں۔ ان کو اگر آن لائن بائیک رائیڈ سروسز جیسے بائیکیا یا ان ڈرائیور پر لگایا جائے تو ہر بائیک سے 30 سے 40 ہزار روپے تک ماہانہ کمائی ممکن ہے، جس کا مطلب ہے کہ مجموعی آمدنی 3 سے 4 لاکھ روپے ماہانہ تک ہو سکتی ہے۔ یہ وہ آمدنی ہے جو نہ صرف اصل سرمایہ چند مہینوں میں واپس دلا سکتی ہے بلکہ ایک مستحکم روزگار کا ذریعہ بھی بن سکتی ہے۔
کاروباری حلقوں کا کہنا ہے کہ یہی رقم چھوٹے پیمانے پر دیگر شعبوں میں بھی لگائی جا سکتی ہے، مثلاً ایک جنرل اسٹور کھولنے، فوڈ کارٹ یا فاسٹ فوڈ کا کاروبار کرنے، کار واش یا لانڈری سروس شروع کرنے یا پھر آن لائن بزنس کے لیے کمپیوٹر اور ٹیکنالوجی کا سیٹ اپ بنانے میں۔
مزید پڑھیں: ایپل کے آئی فون 17 سیریز لانچ پر سام سنگ کا طنزیہ وار
دیہی علاقوں میں یہی سرمایہ ڈیری فارمنگ، پولٹری یا زرعی مشینری میں لگایا جائے تو نہ صرف سرمایہ جلد واپس آ سکتا ہے بلکہ اضافی منافع بھی ممکن ہے۔
کراچی سے تعلق رکھنے والے بزنس مین علی رضا کے مطابق پاکستان میں 6 سے 8 لاکھ روپے میں کوئی بھی شخص اچھے اور منافع بخش کاروبار شروع کر سکتا ہے۔ اس رقم سے ایک چھوٹا جنرل اسٹور کھولا جا سکتا ہے، فوڈ کارٹ یا فاسٹ فوڈ کا کاروبار شروع کیا جا سکتا ہے، یا پھر کار واش اور بائیک رائیڈنگ سروس میں لگایا جا سکتا ہے۔
دیہی علاقوں میں یہی سرمایہ ڈیری فارمنگ یا پولٹری کے کام میں بھی لگایا جا سکتا ہے، جو جلد منافع دیتا ہے۔ میرے خیال میں یہ پیسہ اگر کاروبار میں لگایا جائے تو اس سے روزگار بھی پیدا ہوتا ہے اور مستقل آمدنی بھی ملتی ہے، جبکہ ایک موبائل فون پر خرچ کرنے سے صرف وقتی فائدہ ہوتا ہے۔ اور شوق ہی پورا کیا جا سکتا ہے۔
کہتے ہیں کہ خاص طور پر نوجوانوں کو چاہیے کہ آئی فون خریدنے کے بجائے کسی بزنس میں انوسٹمنٹ کریں۔ جس سے نہ صرف انہیں فائدہ ہوگا۔ بلکہ مستقبل میں کیا پتا وہ دوسرے نوجوانوں کے لیے روزگار کا ذریعہ بھی بن جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی فون 17 پاکستان منافع بخش کاروبار
دریائے چناب میں ملتان کے مقام پر سیلابی صورتحال برقرار، شہرکو بچانے کیلئے شیرشاہ بند کو توڑنے کا فیصلہ