شہری کو غیر قانونی حراست میں رکھنے پر پولیس افسران کے خلاف مقدمہ درج کرنے کا حکم
اشاعت کی تاریخ: 3rd, March 2025 GMT
شہری کو غیر قانونی حراست میں رکھنے پر پولیس افسران کے خلاف مقدمہ درج کرنے کا حکم WhatsAppFacebookTwitter 0 3 March, 2025 سب نیوز
اسلام آباد ( سب نیوز):اسلام آباد ہائی کورٹ نے شہری علی محمد کو غیر قانونی حراست میں رکھنے پر ایس پی سی ٹی ڈی، ایس ایچ او اور دیگر ملزمان کے خلاف مقدمہ درج کرنے کا حکم دے دیا۔
تفصیلات کے مطابق جسٹس محسن اختر کیانی نے علی محمد کے والد کی درخواست پر سماعت کے دوران پولیس کی کارروائی پر سخت برہمی کا اظہار کیا۔
دوران سماعت عدالت کو آگاہ کیا گیا کہ علی محمد کے سیکشن 164 کے بیان کی کاپی تاحال فراہم نہیں کی گئی۔ ڈی ایس پی لیگل نے عدالت کو بتایا کہ یہ کاپی انہیں موصول نہیں ہوئی۔ جس پر جسٹس محسن اختر کیانی نے ریمارکس دیے کہ آئی جی صاحب کو بتائیں کہ جیسے ہی یہ کاپی موصول ہو، پولیس افسران کے خلاف مقدمہ درج کیا جائے۔
ڈی ایس پی لیگل نے عدالت سے استدعا کی کہ اس معاملے پر مشترکہ تحقیقاتی ٹیم (جے آئی ٹی) بنا دی جائے۔ تاہم عدالت نے یہ درخواست مسترد کرتے ہوئے کہا کہ ’کوئی جے آئی ٹی نہیں، ایک بندہ اگر معاملہ سمجھ سکتا ہے تو تین کی ضرورت نہیں۔‘
عدالت نے حکم دیا کہ آئندہ سماعت تک ایف آئی آر درج ہو جانی چاہیے، اس کے بعد دیکھا جائے گا کہ تفتیش کس سمت میں جاتی ہے۔ جسٹس محسن اختر کیانی نے مزید کہا کہ اگر ملزمان بے گناہ ہوں گے تو تفتیش میں سب سامنے آ جائے گا۔
انہوں نے استفسار کیا کہ ’کیا کبھی ایسا ہوا ہے کہ ایف آئی آر درج ہوئے بغیر تفتیش کی گئی ہو؟‘ عدالت نے آئی جی اسلام آباد کو آئندہ سماعت پر رپورٹ پیش کرنے کی ہدایت کی کہ اب تک کیا کارروائی کی گئی ہے۔
درخواست گزار کے وکیل شیر افضل نے عدالت کے سامنے مؤقف اختیار کیا کہ پولیس افسران اہم عہدوں پر بیٹھے ہیں اور تفتیش بھی انہیں نے ہی کرنی ہے، تو پھر انصاف کیسے ہوگا؟ اس پر عدالت نے ریمارکس دیے کہ ’آئندہ سماعت پر آئی جی کو بلائیں گے، پھر دیکھیں گے کہ تفتیش کس نے کرنی ہے۔‘
عدالت نے کیس کی مزید سماعت 11 مارچ تک ملتوی کر دی۔
.ذریعہ: Daily Sub News
کلیدی لفظ: کے خلاف مقدمہ درج پولیس افسران
پڑھیں:
ایس بی سی اے کی ملی بھگت سے سندھی مسلم سوسائٹی میں غیر قانونی تعمیرات کی بھرمار
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) سندھی مسلم سوسائٹی کے علاقے میں غیر قانونی تعمیرات کا سلسلہ کھلے عام جاری ہے اور سندھ بلڈنگ کنٹرول اتھارٹی (SBCA) کے افسران مبینہ طور پر اس گھناؤنے کھیل میں شریک ہیں۔ ذرائع کے مطابق پلاٹ نمبر 88 بلاک A، اسٹریٹ نمبر 4 پر بیسمنٹ، گراؤنڈ اور 2 منزلہ کمرشل فلیٹ و پورشنز کی تعمیرات تیزی سے جاری ہیں۔ ذرائع کے مطابق یہ تعمیرات کسی بھی قسم کی باضابطہ اپروول کے بغیر ہو رہی ہیں اور ایس بی سی اے کے متعلقہ افسران نے مبینہ طور پر کروڑوں روپے رشوت لے کر اس غیر قانونی منصوبے کو آگے بڑھنے دیا ہے۔ ذرائع کا کہنا ہے کہ پورے ڈسٹرکٹ ایسٹ میں غیر قانونی تعمیرات کا ایک منظم سسٹم بنا دیا گیا ہے، جہاں پوسٹنگ کے ذریعے من پسند افسران تعینات کرکے بھاری نذرانے کے عوض تعمیرات کی اجازت دی جارہی ہے۔ اہم بات یہ ہے کہ بارہا شکایات کے باوجود ڈی جی ایس بی سی اے شاہ میر بھٹو کی جانب سے کوئی واضح کارروائی سامنے نہیں آئی۔ شہریوں نے وزیر اعلیٰ سندھ مراد علی شاہ، وزیر بلدیات سعید غنی، کمشنر کراچی اور ڈپٹی کمشنر ایسٹ سے مطالبہ کیا ہے کہ اس سنگین کرپشن اور غیر قانونی تعمیرات کے خلاف فوری ایکشن لیا جائے۔ شہری حلقوں کا کہنا ہے کہ اگر اس مافیا کو نہ روکا گیا تو نہ صرف علاقے کا انفرا اسٹرکچر تباہ ہوگا بلکہ کراچی میں تعمیراتی قوانین کا مذاق اڑتا رہے گا۔
سیلاب سے سینکڑوں بستیاں زیر آب، لاکھوں افراد بے گھر، ملتان کیلئے دو دن انتہائی اہم