یو اے ای گولڈن ویزا: طلبا کو کون سے بڑے فائدے مل سکتے ہیں؟
اشاعت کی تاریخ: 5th, March 2025 GMT
متحدہ عرب امارات (یو اے ای) کی جانب سے تعلیم کے شعبے میں 16 ہزار 456 افراد کو گولڈن ویزے جاری کیے گئے ہیں۔ اماراتی گولڈن ویزا حاصل کرنے والوں میں 10 ہزار 710 ہائی اسکول کے بہترین طلبہ بھی شامل ہیں جنہوں نے اپنے امتحانات میں 95 فیصد سے زیادہ نمبر حاصل کیے۔ اس کے علاوہ حکومت نے 5 ہزار 246 نمایاں یونیورسٹی گریجویٹس کو گولڈن ویزے جاری کیے ہیں جبکہ 337 تعلیمی ماہرین کو بھی گولڈن ویزا دیا گیا ہے۔ صرف یہی نہیں بلکہ عالمی سطح پر تسلیم شدہ یونیورسٹیوں کے 147 گریجویٹس اور 16 نمایاں سائنسدانوں کو بھی گولڈن ویزے دیے گئے ہیں۔
گولڈن ویزا زیادہ تر بزنس کمیونٹی کے پاس ہوتا ہے، جو یو اے ای میں سرمایہ کاری کرتے ہیں، لیکن حال ہی میں طلبہ کو بھی یہ ویزا دیا گیا ہے۔ گولڈن ویزا کیا ہے؟ اس کے کیا فائدے ہوتے ہیں؟ اور طلبہ کو اس کے بعد کس قسم کی سہولیات مل سکتی ہیں؟۔
یہ بھی پڑھیں صبور علی بھی دبئی کا گولڈن ویزا حاصل کرنے میں کامیاب
گولڈن ویزا کے مثبت اور منفی دونوں پہلو ہیں، عدنان پراچہوی نیوز سے بات کرتے ہوئے اوورسیز ایمپلائمنٹ پروموٹرز ایسوسی ایشن کے وائس چیئرمین محمد عدنان پراچہ کا کہنا تھا کہ گولڈن ویزا حاصل کرنے والے یہ 16 ہزار افراد مختلف ممالک کے ہیں، اور اس میں یقیناً پاکستانی بھی شامل ہوں گے، جو کہ پاکستان کے لیے فخر کا باعث ہے۔ یو اے ای کی جانب سے گزشتہ چند برسوں کے دوران اوورسیز کے لیے بہت سے مواقع فراہم کیے گئے ہیں۔
انہوں نے مزید کہاکہ اس کے منفی اور مثبت دونوں پہلو ہیں، گولڈن ویزا ہر شخص کے بس کی بات نہیں ہوتی کیونکہ گولڈن ویزا بزنس کمیونیٹی یا اس فرد کے پاس ہوتا ہے جو یو اے ای میں انویسٹمنٹ کرتا ہے۔
انہوں نے کہاکہ اب یو اے ای کی جانب سے تقریباً 16 ہزار تعلیمی شعبے سے تعلق رکھنے افراد کو گولڈن ویزے دیے گئے ہیں، اور گولڈن ویزے میں سب سے پہلی چیز یہ ہوتی ہے کہ آپ 10 برس تک وہاں رہ سکتے ہیں، اور اپنی فیملی کو بھی بلوا سکتے ہیں۔
عدنان پراچہ کے مطابق گولڈن ویزا حاصل کرنے والا شخص وہاں کسی بھی قسم کی نوکری کرنے کا اہل ہوتا ہے، اس کا ریزیڈینشئل اسٹیٹس وہاں کے مقامی افراد کے طرح ہی ہوتا ہے، وہ وہاں کوئی بھی کاروبار کرسکتا ہے۔ کوئی کمپنی کھول سکتا ہے، اس کے علاوہ بھی بے شمار فائدے ہوتے ہیں۔
اس بارے میں مزید بات کرتے ہوئے ان کا کہنا تھا کہ یو اے ای اچھے لوگوں کو زیادہ سے زیادہ مواقع فراہم کرکے برین ڈرین جیسی صورتحال پیدا کرسکتا ہے، اگر اسی گولڈن ویزا کی بات کی جائے تو جن طلبہ کو یہ جاری کیا گیا ہے، وہ جب 10 سال تک وہاں رہ سکتے ہیں، وہ بھی اتنی سہولیات کے ساتھ، تو وہ وہیں اپنی آگے کی پڑھائی کو بھی ترجیح دیں گے، اور پھر وہیں اپنی خدمات بھی فراہم کریں گے۔
انہوں نے کہاکہ 10 سال کے عرصے تک جب وہ وہیں رہ سکتے ہوں گے تو وہ یقیناً رہیں گے، اور اتنا لمبا عرصہ رہنے کے بعد وہ وہاں کے ماحول، وہاں کے کلچر میں رچ بس جائیں گے، جس کے بعد وہ خود ہی واپس نہیں آنا چاہیں گے، لیکن اگر وہ یہاں اپنے خاندان کی کفالت کرتے ہیں تو یہ فائدہ ہوگا، کہ پاکستان میں زرمبادلہ آتا رہے گا۔ اور ساتھ میں یو اے ای کی جانب سے یہ قدم دوسرے بچوں کو بھی موٹیویٹ کرے گا کہ وہ اپنے تعلیمی کیریئر میں اچھا پرفارم کریں، اور ملک کا نام روشن کریں۔
گولڈن ویزا ہولڈرز کو یو اے ای کے صحت کے نظام سے فائدہ حاصل ہو سکتا ہے، محمد جنیدٹریول ایجنٹ محمد جنید نے اس بارے میں بتایا کہ گولڈن ویزے کے بہت سے فوائد ہیں، جس میں 10 سال تک یو اے ای میں رہنے کی اجازت، اپنے گھر والوں کو یو اے ای میں بلانے کی اجازت، 6 ماہ سے زیادہ کا عرصہ بھی یو اے ای سے باہر گزاریں تو ان کا ویزا منسوخ نہیں ہوتا، اس کے علاوہ گولڈن ویزا آپ کو گھریلو مددگاروں کی کسی بھی تعداد کو اسپانسر کرنے کی بھی اجازت دیتا ہے۔
انہوں نے کہاکہ گولڈن ویزا ہولڈرز کو یو اے ای کے صحت کے نظام سے فائدہ حاصل ہو سکتا ہے، اس کے علاوہ اور بھی بے شمار فائدے حاصل ہوتے ہیں۔
یہ بھی پڑھیں پاکستانی اداکارہ عائزہ خان کو متحدہ عرب امارات کا گولڈن ویزا مل گیا
انہوں نے مزید کہاکہ طلبہ کے لیے بھی بے شمار فائدے ہوتے ہیں، جیسے یو اے ای میں گولڈن ویزا رکھنے والے طلبہ کو خصوصی اسکالرشپس، تحقیقاتی پروگرامز اور دیگر تعلیمی فائدے مل سکتے ہیں، جس کے باعث انہیں آگے جاکر ملازمت کے حصول میں مدد مل سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اوورسیز بزنس کمیونٹی طلبہ کو فائدہ گولڈن ویزا متحدہ عرب امارات وی نیوز یو اے ای.ذریعہ: WE News
کلیدی لفظ: اوورسیز بزنس کمیونٹی طلبہ کو فائدہ گولڈن ویزا متحدہ عرب امارات وی نیوز یو اے ای گولڈن ویزا حاصل کرنے یو اے ای میں اس کے علاوہ گولڈن ویزے کی جانب سے سکتے ہیں انہوں نے ہوتے ہیں ہوتا ہے گئے ہیں طلبہ کو کے لیے کو بھی
پڑھیں:
کامیابی پر فیلڈ مارشل، ائیر چیف کو مبارکباد، سب جانتے ہیں 9 اور 10 مئی میں کیا فرق: مریم نواز
لاہور (نوائے وقت رپورٹ+نیوز رپورٹر) وزیراعلیٰ مریم نواز نے لیہ میں لیپ ٹاپ اور ہونہار سکالر شپ کے چیک کی تقسیم کی تقریب میں اہم اعلانات کیے۔ لیہ میں میڈیکل کالج قائم کرنے اور کلاسز شروع کرنے، ڈیرہ غازی خان اور لیہ کی یونیورسٹیوں کے لئے تین ارب روپے کے تاریخی فنڈز، ڈیرہ غازی خان اور لیہ میں نوازشریف سینٹرآف ایکسی لینس برائے ’’ارلی چائلڈ ہوڈ ایجوکیشن‘‘ بنانے کا اعلان کیا۔ وزیراعلیٰ مریم نوازشریف نے 110ارب روپے کے خطیر فنڈ سے پنجاب کے تمام سکولوں میں کلاس روم، ٹائلٹ اور دیگر بنیادی سہولتوں کی فراہمی کو ایک سال میں مکمل کرنے کا اعلان بھی کیا۔ وزیراعلیٰ نے کہا کہ اب پنجاب کا کو ئی سکول ضروری سہولتوں سے محروم نہیں رہے گا۔ مریم نواز نے آپریشن بنیان مرصوص میں کامیابی پر آرمی چیف فیلڈ مارشل سید عاصم منیر کو مبارکباد دی اور طلبہ کی طرف سے ایئر چیف ظہیر احمد بابر سندھو کوبھی مبارکباد پیش کی اور تمام طلبہ کی طرف سے پاک فوج کے افسروں اور جوانوں اور دیگر اداروں کو خراج تحسین پیش کیا۔ وزیراعلیٰ نے تقریب سے خطاب میں کہا کہ نوجوان سیسہ پلائی دیوار بن جائیں تو دنیا کی کوئی طاقت پاکستان کو ہرا نہیں سکتی۔ آبادی اور وسائل کے لحاظ سے چھوٹا ملک ہونے کے باوجود جذبے سے کئی گنا بڑے ملک کو شکست دی۔ جو کہتے تھے رافیل کوئی نہیں گرا سکتا، ہم نے جے ایف تھنڈر سے مار گرایا۔ نوجوان اپنی طاقت پہچانیں، اپنی قوم کے لئے خود بنیان مرصوص بنیں۔ وزیراعلیٰ نے کہا کہ 28مئی 1998ء کو نوازشریف نے ملک کو ایٹمی طاقت بنایا، اب دشمن میں حملے کی جرأت نہیں۔ جو بڑی طاقتوں سے نہیں ڈرتا وہی سچا لیڈر ہوتا ہے۔ وسائل نہ ہونے کے باوجود پڑھنے والے بچے قابل تحسین ہیں۔ حکومت کے سارے وسائل اپنے بچوں کے سامنے رکھنا چاہتی ہوں۔ والدین کے پاس وسائل نہ ہوں تو ریاست کو ماں بن کر سوچنا چاہیے۔ محنت کرکے اچھا رزلٹ لینے والے ہر بچے کے پاس ریاست خود پہنچے گی۔ طلبہ میرا شکریہ ادا نہ کریں میں تو صرف ان کا حق ان تک پہنچا رہی ہوں۔ والدین کی دعائیں اور آپ کے خواب پورے کرنے کے لئے میں ہوں۔ ابھی پہلا سال گزرا ہے، جیسے جیسے وقت گزرے گا طلبہ کے لئے مزید بہتری لائیں گے۔ 6 ماہ میں پاکستان کا پہلا تاریخی ارلی چائلڈ ہوڈ ایجوکیشن سنٹر بنایا۔ دن رات عوام کے لئے سوچتی ہوں اور رات 12 بجے تک کام کرتی رہتی ہوں۔ جو آپ کی روٹی، سبزی اور بجلی بل کی فکر کرے، وہی اصل ہمدرد ہے۔ دن رات کام کرکے عوام کے حالات میں بہتری لانا چاہتی ہوں۔ خواتین کمشنر ز اور ڈپٹی کمشنرز بہت اچھا کام کررہی ہیں۔ بچوں سے کہتی ہوں بڑے خواب دیکھو اور بڑی سوچ رکھو۔ قوم کو میزائل نہیں فتنے تباہ کرتے ہیں۔ نوجوانوں کو غلط راستے پر ڈالنے والے ان کو تباہ کرتے ہیں۔شہداء کی قبریں روندنے والے تاریخ کے کچرا دانوں میں جاتے ہیں۔ اپنے اداروں کی عزت کرنے والے سر اٹھا کر جیتے ہیں۔ وردی پہننے والے ملک کی حفاظت پر قربان ہوگئے ہیں۔ وردی جلانے والوں نے دراصل ملک و قوم کے وقار پر ناپاک حملہ کیا۔ نوجوانوں کو کہتی ہوں کہ ملک اور قوم کے خلاف کبھی نہیں جانا۔ ادارے آپ کے اپنے ہیں، یادگاریں آپ کی ہیں اور میٹرو بس بھی ہم سب کی ہے۔ فتنہ فساد پھیلانے والوں کی باتوں میں کبھی نہیں آنا، جو ان کی باتوں میں آگئے وہ جیلوں میں پڑے ہیں۔ اپنے بچے باہر اور دوسرے کے بچوں کو فتنہ فساد پر لگا دیا ہے۔ 10,9اور 28 مئی نے بتایا دیا کون ڈویلپمنٹ اور ڈیفنس کے ساتھ ہے اور کون ڈسٹرکشن کے ساتھ کھڑا ہے۔ سب جانتے ہیں کہ 9 مئی کو کیا گیا اور10 مئی کو کیا گیا، دونوں میں کیا فرق تھا۔ علاوہ ازیں مریم نوازشریف نے لیہ سپورٹس سٹیڈیم میں ڈیرہ غازی خان ڈویژن کیلئے ہونہار سکالر شپ فیز ٹو اور لیپ ٹاپ سکیم کا خود چیک تقسیم کرکے باقاعدہ آغاز کردیا ہے۔ مریم نواز شریف کا طالبات نے تقریب میں پہنچنے پر پرتپاک خیرمقدم کیا۔ یونیورسٹی آف لیہ کی طالبہ حنا محمود نے اشعار کے ذریعے مریم نواز کو منظوم خراج تحسین پیش کیا۔ طلبہ نے خیر مقدمی نعرے لگائے اور پنڈال دیر تک پرجوش تالیوں سے گونجتا رہا۔ وزیراعلیٰ نے طالبات کو گلے سے لگا یا اور بچوں کے ساتھ خود سیلفیاں بنائیں۔ نشستوں پر جاکر ارکان اسمبلی اور ٹکٹ ہولڈرز سے ملاقات کی۔ مریم نواز کو روایتی شال بھی پہنائی گئی۔ ’’پنجاب دی پگ…… پنجاب دی دھی رانی دے سنگ‘‘ طالبہ نے پنسل سکچ پر کیپشن لکھا۔ درجنوں طلبہ نے وزیر اعلیٰ پنسل سکچ اور پورٹریٹ پیش کئے۔ وزیراعلیٰ مریم نواز شریف نے تلاوت قرآن پاک اور نعت رسول مقبول کی سعادت حاصل کرنے والے طلبہ کو تحائف پیش کئے۔ سٹوڈنٹ میوزک سوسائٹی لیہ اور ڈی جی خان کے طلبہ نے ملی نغمہ ’’اے میرے نوجواں، تم ہی بنیان مرصوص بن کر رہو‘‘ پیش کیا۔ وزیراعلیٰ مریم نواز شریف نے شاباش دی اور طالبات کو گلے لگا لیا، تصویر بھی بنوائی۔ دوسری جانب مریم نواز سے سبکدوش ہونے والے ورلڈ بنک کے کنٹری ڈائریکٹر ناجے بن حسین نے ملاقات کی۔ وزیراعلیٰ نے ورلڈ بنک کنٹری ڈائریکٹر ناجے بن حسین کا پرتپاک خیر مقدم کیا اور 2020ء سے اب تک کی پاکستان میں نمایاں خدمات پر خراج تحسین پیش کیا۔ ورلڈ بنک اور حکومت پنجاب کی شراکت داری کو مزید مضبوط بنانے پر اتفاق کیا گیا۔
چین کے وزیر اعظم اور انڈونیشیا کے صدر کی چائنا- انڈونیشیا بزنس عشایئے میں شرکت