مصطفٰی عامر قتل کیس: ملزم ارمغان کے والد کو شامل تفتیش کیا جائے، اسپیشل پراسیکیوٹر
اشاعت کی تاریخ: 10th, March 2025 GMT
مصطفی عامر قتل کیس میں اسپیشل پراسیکیوٹر ذوالفقار آرائیں نے ڈی آئی جی سی آئی اے، ایس ایس پی اور تفتیشی افسر کے نام خط لکھ کر گائیڈ لائنز جاری کردیں۔
اسپیشل پراسیکیوٹر کی جانب سے لکھے گئے خط میں کہا گیا ہے کہ ملزم ارمغان کے والد اور مقتول مصطفی عامر کی والدہ کو شامل تفتیش کیا جائے، ملزم ارمغان اور اس کے ساتھیوں کا تعلق دہشتگردی یا دہشتگردوں کی مالی معاونت کرنے والوں میں ہوسکتا ہے۔
خط کے مطابق ملزم ارمغان منی لانڈرنگ میں بھی ملوث ہوسکتا ہے۔ ملزم ارمغان کا تعلق ملک دشمن عناصر سے ہوسکتا ہے۔ سچائی جاننےکیلئے پیرا ملٹری فورس اور حساس اداروں سے مدد لی جائے۔ ملزم ارمغان کا تعلق منشیات کے بین الاقوامی ڈیلرز سے بھی ہوسکتا ہے۔ ملزم اور مقتول کے دوستوں کو بھی شامل تفتیش کیا جائے۔ دونوں کے دوستوں میں مرد و خواتین، لڑکے اور لڑکیاں شامل ہیں۔ ان سب سے پوچھ گچھ کی جائے، جن کا ملزم یا مقتول سے تعلق رہا ہے۔
ملزم ارمغان کی جائیداد، بزنس، بینک اکاؤنٹس اور ٹریول ہسٹری بھی حاصل کی جائے۔ مقتول مصطفی عامر کے بزنس اور جائیداد اور ٹریول ہسٹری حاصل کی جائے۔ جس موبائل فون سے تاوان کیلئےکال کی گئی اور جس موبائل پر کال ریسیو ہوئی دونوں کا فرانزک کرایا جائے۔
ملزم کے گھر سے برآمد ہونے والا اسلحہ 6/7 رائفلز، سنائپر گن، گولیوں سے بھرے سوٹ کیسز کو کیس پراپرٹی بنایا جائے۔ برآمد ہونے والے 64 لیپ ٹاپس، 3 واکی ٹاکی سیٹ، ڈیجیٹل لاکرز، 2 شناختی کارڈ کو بھی کیس پراپرٹی میں شامل کیا جائے۔ برآمد ہونے والی تمام اشیاء کا فرانزک کرایا جائے۔ یہ اسلحہ ملزم نے کہاں سے خریدا؟ کس سے خریدا معلومات حاصل کی جائیں۔ ڈی ایچ اے کے سیکیورٹی انچارج اور مقامی انٹیلیجنس اداروں کے اہلکاروں کی مدد لی جائے۔
مقامی پولیس سے پوچھا جائے کہ اتنا عرصہ کیوں آنکھیں بند رکھی۔ ملزم کے گھر اور اردگرد کی سی سی ٹی وی فوٹیج کا فرانزک کرایا جائے۔ مقدمے کے بارے میں سوشل میڈیا، پرنٹ اور الیکٹرونک میڈیا کے مواد کو کیس پراپرٹی بنایا جائے۔
مصطفی کا ارمغان کے گھر آنا، پھر گاڑی کا بلوچستان جانا، جائے وقوعہ سمیت تمام جگہوں کے فوٹوگرافس لئے جائیں۔ ملزم کے مالک مکان سے بھی پوچھ گچھ کی جائے۔ کرائے کا ایگریمنٹ دیکھا جائے کس مد میں بنگلہ کرائے پر دیا گیا۔ رہائشی علاقے میں کمرشل سرگرمیاں کیوں ہوتی رہیں۔
ایکسپریس سے بات کرتے ہوئے ذولفقار علی آرائیں نے کہا کہ تفتیش میں پراسیکیوشن سے مشاورت جاری ہے، ریمانڈ ختم ہونے پر آج ملزم ارمغان کو پیش کیا جائیگا، جبکہ ملزم شیراز کو جیل حکام پیش کرینگے۔
.ذریعہ: Express News
کلیدی لفظ: ہوسکتا ہے کیا جائے کی جائے
پڑھیں:
عاشر وجاہت نے ہانیہ عامر سے دُوری کیوں اختیار کی؟
گلوکار و اداکار عاشر وجاہت نے بین الاقوامی شہرت یافتہ اداکارہ ہانیہ عامر سے دوری اختیار کرنے کے حوالے سے بات کرتے ہوئے کہا کہ مجھے ایک مشہور اداکار نے کہا تھا کہ جب تک تم مشہور لوگوں کے ساتھ نظر آؤ گے تب تک تمہاری انفرادی پہچان نہیں بنے گی۔
عاشر وجاہت نے حال ہی میں ایک پوڈ کاسٹ میں شرکت کی جہاں انہوں نے اپنے کیرئیر اور ہانیہ عامر کے ساتھ تعلقات پر بات کی۔ ایک سوال کے جواب میں ان کا کہنا تھا کہ مجھے ایک اداکار نے مشورہ دیا تھا کہ کام کرو تاکہ لوگ تمہیں کام کی وجہ سے جانیں ورنہ لوگ سمجھیں گے کہ یہ مشہور لوگوں کے ساتھ تھا اور تمہاری شناخت نہیں بن پائے گی۔
اداکار نے مزید کہا کہ اس کے بعد مجھے احساس ہوا کہ میں تو میوزک بھی کر رہا ہوں اور اداکاری بھی لیکن جب بھی میرے بارے میں بات ہو تو یہ کیوں کہا جاتا ہے کہ یہ مشہور شخصیات کے ساتھ گھومتا ہے اور اس کا یہ فرینڈ گروپ ہے تب مجھے احساس ہوا کہ میں اپنی یہ پہچان نہیں بنانا چاہتا جس میں دوسروں کی وجہ سے مجھے پہچانا جائے۔
یہ بھی پڑھیں: ہانیہ عامر اور عاصم اظہر کی پھر سے قربتیں؟ قیاس آرائیاں بڑھنے لگیں
عاشر وجاہت کا کہنا تھا کہ میں، ہانیہ عامر اور شوبز کے دوسرے لوگ ابھی بھی اچھے دوست ہیں لیکن میں ان کے ساتھ ملاقات کو سوشل میڈیا پر پوسٹ نہیں کرتا، ہر چیز ریکارڈ کر کے سوشل میڈیا پر نہیں ڈالنا چاہیے۔
واضح رہے کہ عاشر وجاہت اور ہانیہ عامر کی ایک ویڈیو سوشل میڈیا پر وائرل ہوئی تھی، جس کے بعد وہ ٹاپ ٹرینڈ پر آگئے تھے۔ وائرل ہونے والی مختصر ویڈیو میں ہانیہ عامر کو گلوکار عاشر وجاہت کے ساتھ ایک کمرے پر بستر پر مذاق کرتے ہوئے دیکھا گیا جس پر اداکارہ کو تنقید کا نشانہ بنایا گیا۔
View this post on Instagram
A post shared by ApniISP.Com (@apniisp)
ہانیہ عامر نے خود پر ہونے والی تنقید کو پدرشاہانہ سماج کی سوچ قرار دیا تھا اور کہا تھا کہ اگر کوئی مرد ایسی ویڈیو یا تصویر شیئر کرتا تو اس کی تعریفیں کی جاتیں مگر ایک خاتون کا کردار خراب کیا جا رہا ہے جبکہ عاشر وجاہت نے لوگوں کے رویوں پر افسوس کا اظہار کرتے ہوئے کہا تھا کہ بحیثیت ایک قوم ہم لاکھوں بے گناہ فلسطینیوں کے قتل کو بھلا کر بہن اور بھائی کی کمرے میں تفریح پر پریشان ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی اداکارہ عاشر وجاہت ہانیہ عامر ہانیہ عامر ویڈیو
اسحاق ڈار کی آسٹریلیا کی وزیرِ خارجہ سے ملاقات, اعلیٰ سطحی سیاسی روابط بڑھانے پر اتفاق