وزیراعظم کا عثمان ججہ کو گرفتار کرنے والی ٹیم کیلئے انعام کا اعلان
اشاعت کی تاریخ: 11th, March 2025 GMT
وزیراعظم شہباز شریف نے انسانی اسمگلر عثمان ججہ کو گرفتار کرنے والی ٹیم کےلیے 10، 10 لاکھ روپے انعام اور شیلڈ کا اعلان کیا ہے۔
وزیراعظم نے عثمان ججہ کو گرفتار کرنے والی ایف آئی اے ٹیم کو پرائم منسٹر آفس بلایا اور انہیں شاباش دی۔
وفاقی تحقیقاتی ادارے ( ایف آئی اے) کو انسانی اسمگلر عثمان ججہ کا 6 روز کا جسمانی ریمانڈ مل گیا۔
اسسٹنٹ ڈائریکٹر شاہد مجید سمیت 3 رکنی ٹیم نے وزیراعظم سے ملاقات کی، ٹیم کو 10، 10 لاکھ روپے انعام اور شیلڈ کا اعلان کیا۔
شہباز شریف نے ڈائریکٹر آئی بی ملک آصف کو بھی 10 لاکھ روپے انعام دیا اور انسانی اسمگلنگ کے خلاف کارروائی پر اُن کی تعریف کی۔
وزیراعظم نے کہا کہ انسانی اسمگلنگ کے واقعات پاکستان کی بدنامی کا باعث بن رہے ہیں، انسانی اسمگلنگ کو جڑ سے اکھاڑنا ہے۔
شہباز شریف نے مزید کہا کہ انسانی اسمگلنگ کے خلاف پہلے ایسا آپریشن ہوتا تو جرم ایسے نہ پنپتا، غریبوں کے پیسے لوٹنے والے اسمگلرز کو انجام تک پہنچائیں گے۔
.ذریعہ: Jang News
کلیدی لفظ: انسانی اسمگلنگ
پڑھیں:
وزیراعظم محمد شہباز شریف نے پی ٹی وی کے انگریزی چینل ’پاکستان ٹی وی ڈیجیٹل‘ کا افتتاح کردیا
وزیراعظم شہباز شریف نے پی ٹی وی کے انگریزی چینل ‘پاکستان ٹی وی ڈیجیٹل’ کا افتتاح کیا جس کے بعد چینل کی باقاعدہ نشریات کے آغاز ہوا۔
اس موقع پر وفاقی وزیراطلاعات و نشریات عطاللہ تارڑ اور وفاقی سیکرٹری اطلاعات و نشریات عنبرین جان سمیت اعلی ٰحکام بھی موجود تھے۔
پرائم منسٹر ہاؤس کی جانب سے جاری بیان کے مطابق وزیر اعظم نے نئے قائم کردہ ٹی وی چینل کے مختلف شعبوں کا دورہ کرکے کام کرنے والے اسٹاف سے ملاقات کی۔
یہ بھی پڑھیے: حکومت نے پی ٹی وی کے لیے 11 ارب روپے کی سبسڈی منظور کر لی
اس موقع پر وزیر اعظم کا کہنا تھا کہ بیرونی بیانیے کی جنگ میں ا ن کا کردار انتہائی اہم ہے، ڈیجیٹل چینل کے آغاز کا مقصد حقیقی خبریں فراہم کرتے ہوئے پاکستان کے بارے میں ہونے والے پروپیگنڈے کا موثر جواب دینا ہے۔
اپنے دورے کے دوران وزیراعظم نے پاکستان ٹی وی ڈیجیٹل کی نشریات کے لیے اپنا پہلا انٹرویو بھی ریکارڈ کرایا، ان کا کہنا تھا کہ ہم امن اور خوشحالی چاہتے ہیں۔ آج سے ایک دہائی بعد میں پاکستان کو معاشی طور پر خوشحال دیکھنا چاہتا ہوں۔
اس موقع پر وفاقی وزیر اطلاعات و نشریات عطااللہ تارڑ نے وزیر اعظم کو پاکستان ٹی وی ڈیجیٹل کے بارے میں بریفنگ دیتے ہوئے بتایا کہ یہ چینل عالمی ناظرین کو پاکستان کے لیے ایک فعال اور مستند آواز فراہم کرنے، معلومات کے تضاد کو ختم کرنے اور عوامی سفارت کاری کے لیے انگریزی زبان کے ایک پلیٹ فارم کے طور پر کام کرے گا۔
یہ بھی پڑھیے: پی ٹی وی میں نام کی تختی بحال کرنے پر فواد چوہدری عطاتارڑ کے شکرگزار
انہوں نے کہا کہ اس پلیٹ فارم کا اسٹریٹجک مقصد پاکستان کی جانب سے دنیا تک سب سے پہلے اپنی خبر اور نکتہ نظر پہنچانا ہے، یہ چینل اندرون ملک رپورٹنگ کو مربوط جبکہ فری لانسرز کے ایک عالمی نیٹ ورک کے ساتھ شراکت داری کرتے ہوئے بروقت ، تصدیق شدہ اور اعلیٰ معیار کی کوریج کو یقینی بنائے گا۔
واضح رہے کہ پاکستان ڈیجیٹل سیٹیلائٹ اور ڈیجیٹل پلیٹ فارمز پر 24 گھنٹے نشریات پیش کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ٹی وی ڈیجیٹل پاکستان ٹیلی وژن پی ٹی وی
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام