کراچی سے لاہور جانے والے پی آئی اے کے طیارے کی ایک ٹائر کے بغیر لینڈنگ کا انکشاف
اشاعت کی تاریخ: 13th, March 2025 GMT
کراچی سے لاہور کی پرواز 308 کے طیارے کی رات 10 بجے ایک ٹائر کے بغیر لینڈنگ کا انکشاف ہوا ہے۔
رپورٹ کے مطابق پی کے 306 کی لینڈنگ کے بعد پچھلے ٹائروں میں سے ایک ٹائر کی عدم موجودگی کا انکشاف ہوا، ذرائع نے کہا کہ لاہور اے ٹی سی او کی جانب سے اطلاع پر کراچی ایئرپورٹ پر ٹائر شافٹ کا حصہ ملا،14 گھنٹوں سے زائد کا وقت گزر گیا،کراچی یا لاہور ائیرپورٹ پر گمشدہ ٹائر نہ مل سکا۔
رپورٹ کے مطابق کراچی سے ٹیک آف کے وقت ٹائر موجود تھے، طیارے نے لاہور ائیرپورٹ پر نارمل لینڈنگ، ٹیکسی کی۔
ترجمان سول ایوی ایشن کی جانب سے جاری بیان کے مطابق ابتدائی مشاہدے کے مطابق کراچی رن وے پر ممکنہ بیرونی چیز کے ٹکرانے سے واقعہ پیش آیا۔
ترجمان پی آئی اے کی جانب سے جاری بیان میں کہا گیا کہ گزشتہ رات کراچی سے روانہ ہونے والی پرواز پی کے 306 پر لاہور لینڈنگ کے بعد ایک پہیہ کم ملا تھا، فضائی ضوابط کے مطابق پی ائی اے فلائیٹ سیفٹی ڈیپارٹمنٹ اور سول ایوایشن نے معاملے کی تحقیقات شروع کردی تھیں۔
بیان میں کہا گیا کہ حتمی رپورٹ آنے پر اصل وجہ سامنے آئے گی مگر ابتدائی مشاہدے کے مطابق کراچی رن وے پر ممکنہ فاڈ یا کسی اور بیرونی عمل سے پہیہ متاثر ہوا، جہاز نے لاہور بحفاظت اور انتہائی ہموار لینڈنگ کی، جہاز کے ڈیزائن میں اس عمل کیلئے گنجائش رکھی جاتی ہے جس سے فضائی حفاظت کو خطرہ لاحق نا ہو۔
.ذریعہ: Express News
پڑھیں:
امریکہ کی جانب سے وینزویلا کے صدر کو اغوا کرنے کی سازش کا انکشاف
معاملے سے آگاہ ذرائع نے اے پی کو بتایا کہ بات چیت کے اختتام پر، لوپیز نے اپنا پرپوزل پیش کیا کہ پائلٹ وینزویلا کے صدر مادورو کو خفیہ طور پر امریکہ پہنچانے کے بدلے میں بہت امیر ہو جائے گا۔ اسلام ٹائمز۔ امریکہ کی جانب سے وینزویلا کے صدر نکولس مادورو کو اغوا کرنے کی سازش کا انکشاف ہوا ہے۔ امریکی خبر ایجنسی ایسوسی ایٹڈ پریس ( اے پی) کی ایک رپورٹ میں انکشاف کیا گیا ہے کہ امریکی ایجنٹوں نے مادورو کے ذاتی پائلٹ کو خریدنے کی بھرپور کوشش کی لیکن وہ ناکام رہے۔ رپورٹ کے مطابق ایک امریکی ایجنٹ نے خفیہ طور پر وینزویلا کے صدر نکولس مادورو کے ذاتی پائلٹ کو وینزویلا کے رہنما کی گرفتاری اور اسے امریکی عہدیداروں کے حوالے کرنے کی سازش میں شامل ہونے کے لیے راضی کرنے کی کوشش کی۔ ایسوسی ایٹڈ پریس کے مطابق، وفاقی ایجنٹ نے نکولس مادورو کے ایک سینئر پائلٹ سے درخواست کی کہ وہ وینزویلا کے صدر کے طیارے کو خفیہ طور پر کسی دوسری جگہ لے جائے جہاں امریکی عہدیدار اسے گرفتار کر سکیں۔ بدلے میں، اس ایجنٹ نے ایک خفیہ میٹنگ میں پائلٹ سے کہا کہ وہ اسے بہت امیر آدمی بنا دے گا۔
رپورٹ کے مطابق اس سازش کی تفصیلات موجودہ اور سابق تین امریکی عہدیداروں اور مادورو کے ایک مخالف کے انٹرویوز سے جمع کی گئی ہیں۔ ان سب نے نام ظاہر نہ کرنے کی شرط پر اے پی سے بات کی۔ امریکہ کی محکمہ ہوم لینڈ سکیورٹی کے سابق ایجنٹ ایڈون لوپیز اور دیگر ایجنٹوں نے ایک دن ہینگر میں ایک چھوٹے سے کانفرنس روم میں کئی وینزویلا کے پائلٹوں سے الگ الگ بات کرنے کی درخواست کی۔ ایجنٹوں نے یہ دکھاوا کیا کہ وہ نہیں جانتے کہ یہ پائلٹ مادورو کی پروازیں چلاتے ہیں اور وہ سینئر اہلکار ہیں۔ انہوں نے ہر پائلٹ سے تقریباً ایک گھنٹہ بات کی، اور آخر میں اپنے بنیادی ہدف ولگاس (مادورو کے ذاتی پائلٹ) سے بات کی۔ ایجنٹوں نے پایا کہ یہ شخص عام طور پر مادورو کا پائلٹ تھا۔ بٹنر ولگاس صدارتی گارڈ کا رکن اور وینزویلا کے ایئر فورس میں کرنل تھا۔ معاملے سے آگاہ ذرائع نے اے پی کو بتایا کہ بات چیت کے اختتام پر، لوپیز نے اپنا پرپوزل پیش کیا کہ پائلٹ وینزویلا کے صدر مادورو کو خفیہ طور پر امریکہ پہنچانے کے بدلے میں بہت امیر ہو جائے گا۔
ولگاس نے اپنا فیصلہ ظاہر نہیں کیا۔ تاہم جانے سے پہلے اس نے لوپیز کو اپنا موبائل فون نمبر دیا۔ لوپیز نے ولگاس کو بھرتی کرنے کی کوشش جاری رکھی۔ دونوں نے واٹس ایپ اور ٹیلی گرام پر تقریباً 12 بار بات چیت کی، لیکن بات چیت کسی نتیجے پر نہیں پہنچی۔ ٹرمپ کے مادورو کی گرفتاری پر انعام 50 ملین ڈالر کرنے کے بعد، لوپیز نے لکھا، "میں اب بھی آپ کے جواب کا انتظار کر رہا ہوں،" اور انہوں نے یہ پیغام جسٹس ڈپارٹمنٹ کے اعلان کے لنک کے ساتھ بھیجا۔ لیکن انہیں کوئی جواب نہیں ملا۔ انہوں نے پائلٹ کو ایک اور پیغام بھیجا، جواب میں ولگاس نے امریکی ایجنٹ کو جواب دیتے ہوئے کہا: "ہم وینزویلا میں مختلف مٹی سے بنے ہیں۔ ہم سب سے آخر میں غدار ہیں"۔ لوپیز نے آگے بڑھ کر اسے ہینگر میں گزشتہ سال پائلٹ کے ساتھ اپنی تصویر بھیجی (شاید اسے ڈرانے کے لیے) اور یہاں تک کہ اس کے تین بچوں کا ذکر کیا، اسے ان کے بہتر مستقبل کے بارے میں سوچنے کو کہا۔ آخر کار، وینزویلا کے پائلٹ نے اس کا فون نمبر بلاک کر دیا۔ اس واقعے کے کچھ عرصہ بعد تک پائلٹ نظر نہیں آیا لیکن آخر کار وہ وہ وینزویلا کے وزیر داخلہ کے ساتھ ایک ٹی وی شو میں نمودار ہوا، جہاں وزیر نے ولگاس کی وفاداری کی تعریف کی۔
کورکمانڈر پشاور کی سہیل آفریدی سے ون آن ون ملاقات