جعفر ایکسپریس پر حملے کے واقعے کو انتہائی باریک بینی سے دیکھ رہے ہیں: چیٍنی قونصل جنرل
اشاعت کی تاریخ: 15th, March 2025 GMT
کراچی میں چین کے قونصل جنرل یانگ یوڈونگ نے بلوچستان میں جعفر ایکسپریس پرحملے کی مذمت کرتے ہوئے کہا ہے کہ ہم اس واقعے کو انتہائی باریک بینی سے دیکھ رہے ہیں۔
انہوں نے کہاکہ چین اس دہشت ناک حملے کی سخت مذمت کرتے ہوئے مرنے والوں کے لواحقین دے دلی ہمدردی کا اظہار کرتا ہے۔
یہ بھی پڑھیں سیکیورٹی کونسل کی جعفر ایکسپریس حملے کی مذمت، تمام ممالک سے پاکستان کیساتھ تعاون کرنے کی اپیل
چینی قونصل جنرل نے کہاکہ چین ہر طرح کی دہشتگردی کی مخالفت کرتا ہے، اور اس پر ہمارا مؤقف بالکل واضح ہے، ہم دہشگردوں سے لڑنے کیلئے پاکستان کی کوششوں کی بھی مکمل حمایت کرتے ہیں۔
انہوں نے کہاکہ ہم پُرامید ہیں کہ پاکستان اپنے عوام اور عالمی برادری کے تعاون سے دہشتگردی کے نیٹ ورک کا خاتمہ کر سکتا ہے۔
چینی قونصل جنرل نے کہاکہ سی پیک کی تعمیر کے لحاظ سے 2025 ایک اور اہم سال ہے، پچھلے چند عشروں میں حاصل کی گئی کامیابیوں کی بنیاد پر ہماری کوشش ہوگی کہ سی پیک منصوبوں کے لیے اعلیٰ ترین ماحول پرپیشرفت کریں۔
انہوں نے کہاکہ سی پیک کے نتیجے میں دونوں ملکوں کی کاروباری شخصیات میں تعاون فروغ پائےگا اور لوگوں کے درمیان رابطے بڑھیں گے۔
یہ بھی پڑھیں جعفر ایکسپریس حملہ، پاکستان میں دہشتگردی کا مرکزی اسپانسر بھارت ہے، ڈی جی آئی ایس پی آر
واضح رہے کہ کچھ روز دہشتگردوں نے کوئٹہ سے بلوچستان جانے والی جعفر ایکسپریس پر بولان کے علاقے میں حملہ کیا تھا، اور اس دوران 21 مسافروں کو شہید کردیا تھا۔ جبکہ دہشتگردوں کے خلاف آپریشن کے دوران بھی 4 جوان شہید ہوگئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان چین دہشتگرد دہشتگردی دوطرفہ تعاون سی پیک وی نیوز.ذریعہ: WE News
کلیدی لفظ: پاکستان چین دہشتگرد دہشتگردی دوطرفہ تعاون سی پیک وی نیوز جعفر ایکسپریس نے کہاکہ سی پیک
پڑھیں:
فیلڈ مارشل جنرل عاصم منیر کا دورہ چین، اعلیٰ قیادت سے ملاقاتیں، دفاعی تعاون پر اتفاق
پاکستان کے چیف آف آرمی اسٹاف فیلڈ مارشل سید عاصم منیر نے چین کا سرکاری دورہ کیا۔
دورے کے دوران انہوں نے بیجنگ میں چینی سیاسی اور عسکری قیادت سے اہم ملاقاتیں کیں جن میں پاکستان اور چین کے درمیان مضبوط شراکت داری کا اعادہ کیا گیا۔
یہ بھی پڑھیں:فیلڈ مارشل عاصم منیر سے انڈونیشین وزیر دفاع کی ملاقات، دفاعی تعاون بڑھانے پر اتفاق
آرمی چیف نے چین کے نائب صدر ہان ژینگ اور وزیر خارجہ وانگ یی سے ملاقات کی۔
ان ملاقاتوں میں علاقائی و عالمی سیاسی صورتحال، سی پیک کے تحت روابط اور مشترکہ چیلنجز سے نمٹنے کے لیے باہمی تعاون پر بات چیت ہوئی۔
دونوں ممالک نے باہمی تعلقات پر اطمینان کا اظہار کیا اور علاقائی استحکام کے لیے تعاون جاری رکھنے کے عزم کا اعادہ کیا۔
عسکری سطح پر آرمی چیف نے چینی فوج کے اعلیٰ افسران جنرل ژانگ یو شیاء، جنرل چن ہوئی اور لیفٹیننٹ جنرل کائی ژائی جون سے ملاقاتیں کیں۔ پی ایل اے ہیڈکوارٹر آمد پر انہیں گارڈ آف آنر پیش کیا گیا۔
ملاقاتوں میں دفاعی اور سیکیورٹی تعاون، انسداد دہشتگردی، مشترکہ تربیت، دفاعی ترقی اور ادارہ جاتی روابط پر تفصیلی گفتگو ہوئی۔ دونوں افواج کے درمیان تعاون کو مزید فروغ دینے پر زور دیا گیا۔
یہ بھی پڑھیں:بھارتی حمایت یافتہ دہشتگرد پراکسیز کے خلاف فیصلہ کن کارروائی ناگزیر، فیلڈ مارشل جنرل سید عاصم منیر
چینی قیادت نے پاکستان کی خطے میں امن کے لیے کوششوں کو سراہا، جبکہ آرمی چیف نے چین کی مسلسل حمایت پر شکریہ ادا کرتے ہوئے عسکری تعاون کو مزید بڑھانے کے عزم کا اظہار کیا۔
یہ دورہ دونوں ملکوں کے درمیان بڑھتے ہوئے سیاسی و عسکری تعلقات اور علاقائی سلامتی کے لیے مشترکہ کوششوں کی عکاسی کرتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جنرل عاصم منیر چین دفاع دورہ چین فیلڈمارشل
عدالت نے مسلم مخالف فلم اودے پور فائلز کی مکمل اسکریننگ کا حکم کیوں دیا؟