قومی سطح پر جو کردار نوازشریف کے ذمے ہوگا وہ ادا کریں گے، رانا ثنا اللّٰہ
اشاعت کی تاریخ: 17th, March 2025 GMT
فائل فوٹو۔
مسلم لیگ ن کے مرکزی رہنما اور وزیراعظم کے مشیر برائے سیاسی امور رانا ثنا اللّٰہ نے کہا ہے کہ قومی سطح پر جو کردار نواز شریف کے ذمے ہوگا وہ ادا کریں گے۔
انہوں نے کہا کہ کل کے اجلاس میں عسکری قیادت موجودہ سیکیورٹی صورتحال پر حکمت عملی سے آگاہ کریں گے، اجلاس میں سیاسی قیادت کی مشاورت اور رہنمائی بھی عسکری قیادت کو میسر آئے گی۔
رانا ثنا اللّٰہ نے کہا کہ اجلاس میں اگر کوئی چیز سامنے آتی ہے کہ نواز شریف کو کردار ادا کرنا ہے تو بالکل حاضر ہیں، مولانا فضل الرحمان 2018 کے الیکشن کے بعد بھی سسٹم سے باہر رہ کر جدوجہد کرنا چاہتے تھے۔
انہوں نے کہا کہ اب بھی ہمارا موقف ہے کہ سسٹم میں رہتے ہوئے درست کیا جانا چاہیے، مولانا فضل الرحمان کو ہم اپنے موقف پر قائل کریں گے۔
انہوں نے کہا کہ پی ٹی آئی کی خام خیالی ہے ان کو سمجھ آجانی چاہیے جتنا جلدی سمجھ آجائے بہتر ہے، یہ سمجھتے ہیں کہ بانی پی ٹی آئی کے بغیر ملک آگے نہیں بڑھ سکتا۔
وزیر اعظم کے مشیر نے کہا کہ پاکستان ہے تو ہم ہیں، پہلے پاکستان کی خیر مانگنی چاہیے، جب تک یہ سیاستدانوں کے ساتھ نہیں بیٹھیں گے اسی طرح سے ٹکریں مارتے رہیں گے۔
انہوں نے کہا کہ پی ٹی آئی کی تمام تر توانائی بھی ریاست کے خلاف خرچ ہو رہی ہے، پی ٹی آئی کی سوشل میڈیا اور گالم بریگیڈ کیا کر رہے ہیں؟ پی ٹی آئی اپنی توانائی ملک کے حق میں کرے تو رسپانس اچھا ملے گا۔
رانا ثنا اللّٰہ نے کہا کہ قانون نافذ کرنے والے اداروں میں اتنی طاقت ہے کہ دہشتگردی کو ختم کر دیا جائے گا، حل یہی ہے کہ عسکری اور سیاسی قیادت ایک دوسرے کی بات سنیں۔
انہوں نے کہا کہ افغانستان کی حکومت نے دہشتگردوں کو سہولت فراہم کی ہے وہ وہاں ٹریننگ کرتے ہیں، چند ہفتوں اور ماہ میں دہشتگردوں کے محفوظ پناہ گاہوں کو ختم کر دیا جائے گا۔
وزیر اعظم کے مشیر نے کہا کہ اجلاس میں مشاورت کی جائے گی کہ کیسے افغانستان کو کسی کی پراکسی نہ بننے کا کہا جائے، افغانستان نہیں مانتا تو اس صورت میں کیا حکمت عملی ہوگی اس پر بھی مشاورت ہوگی۔
.ذریعہ: Jang News
کلیدی لفظ: انہوں نے کہا کہ رانا ثنا الل اجلاس میں پی ٹی ا ئی کریں گے
پڑھیں:
وزیراعلیٰ سندھ کی زیرصدارت یونیورسٹیوں کے وائس چانسلرز کا اجلاس، جشنِ آزادی بھرپور انداز میں منانے کا فیصلہ
وزیراعلیٰ سندھ نے کہا کہ افواجِ پاکستان نے بھارت کے خلاف معرکۂ حق میں پوری قوم کا سر فخر سے بلند کیا ہے، اور ہم اس قومی جذبے کو یومِ آزادی کی تقریبات کے ذریعے مزید مضبوط بنانا چاہتے ہیں، تمام یونیورسٹیز اپنے اداروں اور کلاس رومز کو قومی وقار کے مطابق سجائیں، ثقافتی پروگرام، کھیلوں کے مقابلے، مباحثے اور ادبی تقریبات منعقد کریں۔ متعلقہ فائیلیںاسلام ٹائمز۔ وزیراعلیٰ سندھ سید مراد علی شاہ کی زیر صدارت صوبے بھر کی سرکاری و نجی جامعات کے وائس چانسلرز کا ایک اہم اجلاس منعقد ہوا، جس میں جشنِ آزادی 2025ء کو قومی وقار کے مطابق شایانِ شان انداز سے منانے کے لیے مختلف تجاویز اور فیصلے کیے گئے۔ اجلاس میں صوبائی وزراء شرجیل انعام میمن، سید ناصر حسین شاہ، سعید غنی، محمد بخش مہر، ذوالفقار شاہ، سیکریٹری وزیراعلیٰ ایم رحیم شیخ، چیئرمین ایچ ای سی سندھ پروفیسر طارق رفیع اور دیگر متعلقہ حکام شریک ہوئے، جبکہ 30 سرکاری اور 34 نجی جامعات کے وائس چانسلرز یا پرو وائس چانسلرز نے ذاتی طور پر یا ویڈیو لنک کے ذریعے شرکت کی۔
وزیراعلیٰ سندھ نے کہا کہ افواجِ پاکستان نے بھارت کے خلاف معرکۂ حق میں پوری قوم کا سر فخر سے بلند کیا ہے، اور ہم اس قومی جذبے کو یومِ آزادی کی تقریبات کے ذریعے مزید مضبوط بنانا چاہتے ہیں۔ ان کا کہنا تھا کہ جشنِ آزادی کے پروگرام یکم اگست سے شروع ہوں گے۔ انہوں نے تمام یونیورسٹیوں کو ہدایت کی کہ وہ اپنے اداروں اور کلاس رومز کو قومی وقار کے مطابق سجائیں، ثقافتی پروگرام، کھیلوں کے مقابلے، مباحثے اور ادبی تقریبات منعقد کریں۔ وزیراعلیٰ نے اعلان کیا کہ جو ادارہ، یونیورسٹی یا دکاندار بہترین سجاوٹ اور تقریبات کا انعقاد کرے گا، سندھ حکومت اس کی حوصلہ افزائی کے لیے انعام دے گی۔
سینئر وزیر شرجیل انعام میمن نے اجلاس کو مختلف صوبائی اور نجی اداروں کی طرف سے ترتیب دیے گئے پروگرامز سے آگاہ کیا۔ وزیراعلیٰ نے چیئرمین ایچ ای سی سندھ کو ہدایت کی کہ یونیورسٹیوں کے انفرادی اور بین الجامعاتی پروگراموں کا شیڈول ترتیب دیا جائے، تاکہ تقریبات میں جامعہ جاتی ہم آہنگی اور قومی یکجہتی کا مظاہرہ کیا جا سکے۔ اجلاس میں تمام جامعات کی جانب سے اپنی تجاویز بھی پیش کی گئیں اور اس بات پر اتفاق کیا گیا کہ جشنِ آزادی کو پوری شان و شوکت، قومی جذبے اور جوش و خروش کے ساتھ منایا جائے گا۔
سوشل میڈیا کمپنیوں کو اے آئی کے ذریعے دہشت زدہ مواد فوراً ہٹانا ہوگا، طلال چوہدری