ثنا جاوید کی سرفراز احمد سے بدتمیزی کی ویڈیو وائرل
اشاعت کی تاریخ: 19th, March 2025 GMT
ثنا جاوید ایک اداکارہ اور ماڈل ہیں۔ وہ پیارے افضل، خانی اور آئے مشت خاک جیسے ڈراموں میں نظر آچکی ہیں۔
وہ گزشتہ ایک سال سے سابق کرکٹر شعیب ملک کے ساتھ شادی کے بعد خبروں میں تھیں، ثنا جاوید آج کل نجی ٹی وی کے پروگرام ’جیتو پاکستان ‘ میں نظر آرہی ہیں۔
ثنا جاوید جو شعیب ملک سے شادی کے بعد ویسے ہی متعدد لوگوں کو پسند نہیں رہی ہیں اب گیم شو ’جیتو پاکستان‘ میں بھی آئے دن کسی نہ کسی بات پر تنقید کا نشانہ بن رہی ہیں۔
یہ بھی پڑھیں: ثنا جاوید نے بولڈ تصاویر اپ لوڈ کردیں، سوشل میڈیا صارفین پھٹ پڑے
گزشتہ چند سالوں سے ثنا جاوید رمضان اسپیشل شو ‘جیتو پاکستان’ کا حصہ بنتی آرہی ہیں اور اس سال بھی وہ اس شو میں نظر آرہی ہیں۔
17 مارچ کو نشر ہونے والے شو میں سرفراز احمد اور ثنا جاوید نے بطور مہمان شرکت کی اور شو میں رونق بخشی۔
سوشل میڈیا پر ایک ویڈیو زیرِ گردش ہے جس نے سرفراز احمد کے فینز تکلیف پہنچائی ہے اور اس کی وجہ سرفرازاحمد کے ساتھ ثنا جاوید کا تضحیک آمیز رویہ ہے۔
وائرل ویڈیو میں ثنا جاوید اور سرفراز احمد ’جیتو پاکستان‘ کے سب سے مشہور گیم ’ڈبہ کھولو‘ میں حصہ لیتے نظر آئے۔
سرفراز احمد نے ایک ڈبہ کھولنے سے فہد مصطفیٰ کو روکا جس پر ثناء جاوید نے کہا کہ ’یہ کیا بات ہوئی کھول دیا کریں بھئی فوراً‘۔
یہ بھی پڑھیں: ثنا جاوید کے سابق شوہر عمیر جسوال نئی دلہنیا بیاہ لائے
اس پر سرفراز احمد بولے کہ ’بات سنیں 45 منٹس کی گیم ہے، کچھ نہ کچھ تو کرنا ہے ناں، ٹی وی پر آنا ہے، دنیا دیکھ رہی ہے ہمیں، ایسا تھوڑی کہ بس ڈبے کھولتے رہیں، اس سے پہلے والی قسط میں جب میں نے آخری ڈبہ کھلوایا تو دنیا بھر سے میسجز آئے‘۔
سرفراز کی بات سن پر ثنا جاوید بولیں کہ ’یہ تو لگ رہا ہے کہ چابی گھوما دی کسی نے بڑ بڑ بڑ بولے جارہے ہیں‘۔
سرفراز احمد بولے کہ ’ہمارے ساتھ ایسے کر رہیں جہاں گیم کھیلنی چاہئے تھی وہاں تو کھیلی نہیں انہوں نے‘۔
یہاں سرفراز احمد کا اشارہ چند روز قبل ثناء جاوید کا ’جیتو پاکستان‘ میں اپنے شوہر و پاکستانی کرکٹ ٹیم کے سابق کپتان شعیب ملک سے ہارنا تھا‘۔
ثنا جاوید اس پر بولیں کہ ’آپ کو کیا تکلیف ہے میں اپنے میاں کے ساتھ جیسے بھی کھیلوں، آپ اپنا کھیلیں ناں‘۔
یہ بھی پڑھیں: ثانیہ مرزا یا ثنا جاوید، دونوں میں سے زیادہ امیر کون ہے؟
اس ویڈیو کلپ کی سوشل میڈیا پر وائرل ہونے کی دیر تھی کہ سرفراز احمد کے فینز نے ثنا جاوید کو شدید تنقید کا نشانہ بنایا۔
ایک صارف نے لکھا کہ ’تمیز نہیں ہے اس عورت کو بات کرنے کی، کس طرح بدتمیزی کیے جارہی ہے سرفراز احمد سے‘ ، جبکہ ایک اور صارف نے لکھا کہ ’ثنا جاوید کو شو میں نہ بُلایا جائے اس کی بدتمیزی روز کی بنیاد پر بڑھ رہی ہے‘۔
متعدد سوشل میڈیا صارفین سرفراز احمد کو مینشن کرکے یہ مشورہ دے رہے ہیں کہ وہ ہمارے قومی ہیرو ہیں انہیں اس شو میں اس طرح کی بدتمیزی برداشت کرنے کی ضرورت نہیں ہے‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بدتمیزی ثنا جاوید سابق کپتان سرفراز احمد شعیب ملک ویڈیو وائرل.ذریعہ: WE News
کلیدی لفظ: ثنا جاوید سابق کپتان شعیب ملک ویڈیو وائرل جیتو پاکستان ثنا جاوید ا سوشل میڈیا شعیب ملک رہی ہیں
پڑھیں:
یہ لوگ بانی پی ٹی آئی کو ایک اور مقدمے میں سزا سنانے جا رہے ہیں: علیمہ خان
پاکستان تحریک انصاف (پی ٹی آئی) کے بانی کی بہن علیمہ خان کا کہنا ہے کہ یہ لوگ عمران خان کو ایک اور مقدمے میں سزا سنانے جارہے ہیں۔
اڈیالہ جیل کے باہر میڈیا سے گفتگو کرتے ہوئے انہوں نے کہا کہ بانی پی ٹی آئی کو بھی معلوم ہے سزا سنائی جانی ہے۔
علیمہ خان کا کہنا ہے کہ میں آج بھی مین اسٹریم میڈیا سے بات نہیں کروں گی، کیمروں کے سامنے تین چار پلانٹڈ لوگوں کو بدتمیزی کے لیے بھیجا جا رہا ہے۔
انہوں نے کہا کہ میں نہیں چاہتی کہ پھر ان کو بدتمیزی کا موقع ملے، ہمارے کارکن پھر اشتعال میں آئیں گے، گرفتاریاں ہوں گی، 2 سال سے میڈیا یہاں کوریج کر رہا ہے کسی نے بدتمیزی نہیں کی۔
علیمہ خان نے مزید کہا کہ اب پلانٹڈ لوگوں کو ماحول خراب کرنے کے لیے بھیجا جارہا ہے، میرے خلاف اور کارکنان کے خلاف ایک اور مقدمہ درج کیا گیا ہے۔
ان کا یہ بھی کہنا تھا کہ جیل میں توشہ خانہ ٹو کیس کی سماعت جلدی میں کی جا رہی ہے۔
Post Views: 1
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام