صبور اور علی انصاری کے ہاں پہلے بچے کی پیدائش
اشاعت کی تاریخ: 19th, March 2025 GMT
کراچی(شوبز ڈیسک)اداکارہ صبور علی اور ان کے شوہر اداکار علی انصاری نے اپنے ہاں پہلے بچے کی پیدائش کی تصدیق کرتے ہوئے تصاویر شیئر کردیں۔
دونوں نے 19 مارچ کو نوزائیدہ بچے کے ہمراہ تصاویر شیئر کرتے ہوئے اپنے والدین بننے کی تصدیق کی۔
دونوں نے اپنی پوسٹ میں بتایا کہ ان کے ہاں 18 مارچ کو بیٹی کی پیدائش ہوئی اور ساتھ ہی انہوں نے بیٹی کا نام بھی بتا دیا۔
صبور علی اور علی انصاری نے بتایا کہ انہوں نے بیٹی کا نام سرینا علی رکھا ہے۔
دونوں کی جانب سے شیئر کی گئی تصاویر میں انہیں بچے سے محبت کرتے دیکھا جا سکتا ہے۔
دونوں کی جانب سے اپنے ہاں بچے کی پیدائش کی پوسٹ پر شوبز شخصیات سمیت مداحوں نے انہیں مبارک باد پیش کی اور ان کے لیے نیک خواہشات کا اظہار بھی کیا۔
اگرچہ دونوں نے بتایا کہ ان کے ہاں 18 مارچ کو بیٹی کی پیدائش ہوئی، تاہم انہوں نے یہ نہیں بتایا کہ بچی کی پیدائش کہاں ہوئی اور اب زچہ و بچہ کی صحت کیسی ہے۔
صبور علی اور علی انصاری نے واضح طور پر اپنے ہاں پہلے بچے کی متوقع پیدائش کا اعلان بھی نہیں کیا تھا، تاہم فروری 2025 میں صبور علی کی گود بھرائی کی ایک ویڈیو وائرل ہوئی تھی۔
گود بھرائی کی ویڈیو وائرل ہونے پر بھی دونوں نے اپنے ہاں بچے کی متوقع پیدائش سے متعلق کوئی بیان جاری نہیں کیا تھا۔
صبور علی کو بھی مختلف تقریبات میں دیکھا جاتا رہا جب کہ وہ سوشل میڈیا پر بھی تصاویر اور ویڈیوز شیئر کرتی رہیں، جن میں واضح طور پر ان کے ’بے بی بمپ‘ کو نہیں دیکھا گیا۔
دونوں نے کچھ عرصہ تعلقات میں رہنے کے بعد جنوری 2022 میں شادی کی تھی اور اب تین سال بعد ان کے ہاں پہلے بچے کی پیدائش ہوگئی۔
View this post on InstagramA post shared by Saboor Ali Ansari (@sabooraly)
مزیدپڑھیں:خواہش ہے پاکستان عالمی ہاکی میں اپنا کھویا ہوا مقام حاصل کرے، آسٹریلوی ہائی کمشنر
ذریعہ: Daily Ausaf
کلیدی لفظ: بچے کی پیدائش علی انصاری صبور علی اپنے ہاں بتایا کہ کے ہاں
پڑھیں:
غزہ امن معاہدے پر مکمل عمل درآمد ناگزیر ہے، اسحٰق ڈار،حقان فیدان
استنبول (ویب ڈیسک)نائب وزیرِ اعظم و وزیرِ خارجہ سینیٹر محمد اسحٰق ڈار نے استنبول میں غزہ کی صورتحال پر منعقدہ عرب و اسلامی وزرائے خارجہ کے اجلاس میں شرکت کے موقع پر ترکیہ کے وزیرِ خارجہ حقان فیدان سے ملاقات کی۔
اسحٰق ڈار نے ترکیہ کی جانب سے غزہ پر وزارتی اجلاس کے بروقت انعقاد کو سراہا۔ انہوں نے کہا کہ اس اجلاس نے فلسطینی عوام کی حمایت میں مشترکہ عزم اور متفقہ آواز کو ایک بار پھر مضبوط انداز میں اجاگر کیا ہے اور تنازع کے حل کے لیے اقوامِ متحدہ کی سلامتی کونسل کی قراردادوں کے مطابق اتفاقِ رائے کی تجدید کی ہے۔
دونوں رہنماؤں نے اس امر پر زور دیا کہ غزہ امن معاہدے پر مکمل عمل درآمد ناگزیر ہے، خصوصاً جنگ بندی کے احترام، مقبوضہ فلسطینی علاقوں سے اسرائیلی افواج کے فوری انخلا، فلسطینی عوام تک انسانی امداد کی بلا رکاوٹ فراہمی، اور غزہ کی تعمیرِ نو کے لیے ٹھوس اقدامات کی ضرورت ہے۔
نائب وزیرِ اعظم و وزیرِ خارجہ نے پاکستان اور ترکیہ کے برادرانہ تعلقات کی مثبت پیش رفت پر اطمینان کا اظہار کیا، جو اب ایک کثیرالجہتی شراکت داری میں تبدیل ہو چکے ہیں۔
دونوں وزرائے خارجہ نے باہمی دلچسپی کے مختلف شعبوں کے ساتھ ساتھ علاقائی اور عالمی اہمیت کے امور پر بھی تبادلۂ خیال کیا۔
دونوں رہنماؤں نے اس عزم کا اعادہ کیا کہ پاکستان اور ترکیہ کے درمیان قدیم برادرانہ تعاون کو مزید گہرا اور متنوع بنایا جائے گا تاکہ دونوں ممالک کے تعلقات کو نئی بلندیوں تک پہنچایا جا سکے۔
کراچی، نادرن بائی پاس پر پلاسٹک کے گودام میں آگ لگ گئی