جیب خرچی دے کر دوستوں کو بولنگ کروانے کا کہتا تھا، حسن نواز
اشاعت کی تاریخ: 23rd, March 2025 GMT
دو میچز میں صفر پر آؤٹ ہونے کے بعد ذہن میں تھا کہ بس اب کچھ کرنا ہے
میں نے سلمان آغا کو کہا کہ میچ فنش کریں سنچری کا شوق نہیں، میچ کے بعد گفتگو
آکلینڈ(این این آئی)پاکستان ٹی ٹوئنٹی اسکواڈ میں پہلی بار منتخب ہونے والے اوپننگ بیٹر حسن نواز کا تعلق لیہ سے ہے ، انہوںنے کہاہے کہ لیہ میں دور دور تک کوئی ہارڈ بال کرکٹ نہیں کھیلتا تھا، وہ اپنی جیب خرچی دوستوں کو دیتے تھے کہ انہیں بولنگ کروائیں۔حسن نواز نے اپنے پہلے ٹی ٹوئنٹی انٹرنیشنل سے قبل انٹرویو میں بتایا تھا کہ ان کی فیملی میں کسی نے کرکٹ بیٹ تک نہیں اٹھایا، بلکہ کرکٹ بھی نہیں دیکھتے تھے ، ان کی بہن نے انہیں بہت سپورٹ کیا۔حسن نواز نے کہاکہ ان کا کوئی کرکٹ بیک گراؤنڈ نہیں، دو میچز میں صفر پر آؤٹ ہونے کے بعد ذہن میں تھا کہ بس اب کچھ کرنا ہے ، پہلا رن بنایا تو اعتماد آ گیا۔انہوں نے کہا کہ اپنی سنچری والد صاحب کے نام کرتا ہوں، جو میرے لیے بہت دعائیں کرتے ہیں۔ نوجوان بیٹر حسن نواز نے کہا کہ بیٹنگ کے دوارن میں نے سلمان آغا کو کہا کہ میچ فنش کریں مجھے سنچری کا شوق نہیں، میں نے کہا کہ سنچری آگے بھی کر سکتا ہوں، میچ فنش کرنا ہے ۔ سنگل کرتے ہی دباؤ ختم ہوگیا، دباؤ ختم ہونے کے بعد اپنی اننگز کھیلی، جمی نیشم کو چھکا مار کر نصف سنچری مکمل کرنے والا شاٹ بہترین تھا۔حسن نواز نے کہا کہ اسپنرز پر اٹیک کرنا فاسٹ بولرز کی نسبت قدرے آسان ہوتا ہے ، اس طرح کا اعتماد ملنے سے آپ کچھ بھی کر سکتے ہیں، آج کی کامیابی ٹیم ورک کا نتیجہ ہے جو غلطیاں کی ہیں ان سے سیکھ رہے ہیں۔دو مرتبہ جب آؤٹ ہوا تو سلیکٹر حسن چیمہ کا میسیج آیا، حسن چیمہ نے کہا پتا ہے تم ضرور اسکور کرو گے ان کے اعتماد دینے کا شکریہ،عاقب جاوید نے کہا تھا کہ چاہے تم پانچ زیرو بھی کرو گے تو کھیلو گے ۔
ذریعہ: Juraat
کلیدی لفظ: حسن نواز نے نے کہا کہ کے بعد تھا کہ
پڑھیں:
وزیرآباد کیلئے الیکٹرک بس سروس کا افتتاح، سیلاب کے باوجود ترقیاتی کام نہیں روکے: مریم نواز
وزیرآباد+ گکھڑ منڈی+ گوجرانوالہ (نیوز رپورٹر+ نامہ نگاران+ نمائندہ خصوصی) وزیر اعلیٰ مریم نواز نے وزیرآباد کے لئے الیکٹرک بس پراجیکٹ کا آغاز کر دیا ہے۔ وزیر اعلیٰ گکھڑ منڈی بس سٹاپ سے ای بس پر سوار ہوئیں۔ الیکٹرک بس کے روٹ پر عوام کا بہت بڑا ہجوم اُمڈ آیا۔ الیکٹرک بس کے تمام راستے میں عوام پھولوں کی پتیاں نچھاور کرتے رہے۔ عوام وزیراعلیٰ کی تصاویر لے کر راستے میں کھڑے تھے۔ ٰ مریم نواز نے الیکٹرک بس کا باقاعدہ افتتاح کیا۔ وزیراعلیٰ مریم نواز شریف کو وزیرآباد الیکٹرک بس پراجیکٹ پر بریفنگ دی گئی۔ وزیرآباد میں 15ماحول دوست الیکٹرک بسیں شہر کے مختلف مضافاتی روٹس پر چلائی جائیں گی۔ الیکٹرک بس میں مسافروں کے لئے وائی فائی اور ہر سیٹ پر موبائل چارجنگ پوٹ بھی میسر ہے۔ مریم نواز نے وزیر آباد میں الیکٹرک بس پراجیکٹ کی افتتاحی تقریب سے خطاب میں اہم اعلانات کیے ہیں۔ ٰ مریم نواز نے گوجرانوالا میں امراض دل کے علاج کے لئے سنٹربنانے کا اعلان کیا۔ الیکٹرک بس پر خواتین ، طلبہ، بزرگوں اور سپیشل افراد کے لئے مفت سفر اورگوجرانوالا میں میٹرو بس سروس کی جلدتعمیر شروع کرانے اعلان کیاہے۔ سیلاب متاثرہ کاشتکاروں کے لئے فی ایکڑ 20ہزار روپے، سیلاب میں مکمل گھر گرنے پر 10 لاکھ اور جزوی طور پر گھر گرنے پر5 لاکھ روپے دینے کا اعلان کیا ہے۔ وزیراعلیٰ مریم نواز شریف نے گائیں، بھینسوںکا زر تلافی5 لاکھ اور بھیڑ، بکریوں کا زر تلافی 50 ہزار روپے دینے کا اعلان کیا ہے۔ وزیراعلیٰ م نے تقریب سے خطاب کرتے ہوئے کہا کہ سیلاب متاثرہ ہر فرد کی بحالی تک چین اور آرام سے نہیں بیٹھے گے۔ ترقی کا سفر اب ہرگلی محلے کے کونے کونے تک پہنچے گا۔ سیلاب کے باوجود پنجاب میں ترقیاتی کام نہیں روکے۔ اپنی چھت، اپنا گھر کے تحت 80ہزار گھر بن رہے ہیں اور دسمبر تک ایک لاکھ گھروں کا ہدف حاصل کرلیں گے۔ پنجاب والے بڑے صبر کرنے والے لوگ ہیں۔ پنجاب میں دسمبر تک 1100 اور اگلے سال تک1500 الیکٹرک بسیں پہنچ جائیں گی۔ پنجاب ایسا صوبہ ہے جہاں انسانی جان ہی نہیں، جانوروں کی بھی قدر ہے۔ سیلاب زدہ عوام کا زیادہ تر ذریعہ معاش مویشی ہے، ہم نے مویشی بھی محفوظ مقامات پر پہنچائے۔ سیلاب متاثرین کو سیلاب متاثرین نہیں کہوں گی بلکہ وہ میرے مہمان ہیں۔ پنجاب میں تاریخ کے سب سے بڑے سیلاب کا سامنا کررہے ہیں اور 25لاکھ لوگوں کو محفوظ مقامات منتقل کیا ہے۔ اگر لوگوں کو سیلاب آنے سے پہلے محفوظ مقامات پرمنتقل نہ کیا جاتا تو تباہی کا اندازہ کرنا مشکل تھا۔ تین دریائوں میں جتنا پانی آچکا تھا، وقت پر لوگوں کو نہ نکالتے تو بہت بڑا نقصان ہوسکتا تھا۔ بہاولپور کے نواحی علاقے اْوچ شریف میں سیلاب متاثرین کا حال پوچھنے گئی تھی۔ حکومت کی سیلاب متاثرین کے لئے تیاری مکمل تھی، پوری حکومتی مشینری نے ایک ٹیم بن کر کام کیا ہے۔ پاک آرمی، نیوی، ریسکیو، سول ڈیفنس، پولیس اور انتظامیہ نے مثالی اشتراک کار کے ساتھ کام کیا۔ سیلاب متاثرین کے لئے میری پوری کابینہ میدان میں ہے۔ مریم اورنگزیب، خواجہ سلمان رفیق، خواجہ عمران نذیر، کاظم پیرزادہ اور رانا سکندر حیات مستقل فیلڈ میں ہیں۔ سیلاب متاثرین کی بحالی کے لئے اقدامات کا آغاز کر دیا گیا ہے۔سیلاب متاثرہ خاندانوں کو کھانا، راشن، ادویات، مویشیوں کے لئے چارہ اور سر چھپانے کیلئے ٹینٹ بھی دیئے جارہے ہیں۔ گوجرانوالا میں لاہور سے بہتر اور جدید بس چلائیں گے۔ اب وزیر آباد سے گکھڑ منڈی کا سفر 200روپے کی بجائے صرف 20 روپے میں ہوگا۔ الیکٹرک بس میں وائی فائی، موبائل چارجنگ مفت ہوگی۔ الیکٹرک بس خواتین اور بچیوں کے لئے محفوظ ترین سواری ہے۔ وزیرآباد کو کئی دہائیاں گزرنے کے باوجود پبلک ٹرانسپورٹ نہیں مل سکی۔ مریم نواز نے پاکستان کے عالمی ہیرو ارشد ندیم کو ورلڈ ایتھلیٹکس چیمپئن شپ کے فائنل کے لئے کوالیفائی کرنے پر مبارک باد دی ہے اور نیک خواہشات کا اظہار کیا ہے۔ وزیراعلیٰ نے حریت رہنما پروفیسر عبدالغنی بھٹ کے انتقال پر دلی دکھ اور افسوس کا اظہار کیا ہے۔وزیر اعلیٰ مریم نواز نے ’’ایکس‘‘ پیغام میں کہا کہ پاکستان کے لیے فخر کا لمحہ ہے کہ سعودی عرب نے شاندار انداز میں عزت و احترام کا اظہار کیا۔ پاکستان اور سعودی عرب کے درمیان یہ طاقتور منظر گہرے بھائی چارے، باہمی احترام اور بڑھتی ہوئی سٹرٹیجک شراکت داری کی علامت ہے۔
دریائے چناب میں سیلابی صورتحال، ٹرین سروس معطل