بغیر اجازت دوسری شادی پر پہلی بیوی کو فسخ نکاح کا حق دینا غیر اسلامی قرار
اشاعت کی تاریخ: 26th, March 2025 GMT
اسلام آباد: اسلامی نظریاتی کونسل نے قرار دیا ہے کہ پہلی بیوی کی اجازت کے بغیر دوسری شادی کرنے پر اسے نکاح فسخ کرنے کا حق دینا غیر اسلامی ہے۔
تفصیلات کے مطابق اسلامی نظریاتی کونسل کا اجلاس چیئرمین راغب حسین نعیمی کی زیر صدارت منعقد ہوا، جس میں مختلف اہم معاملات پر غور کیا گیا۔
اجلاس کے دوران کونسل نے اس مؤقف کا اظہار کیا کہ کوئی بھی عدالتی فیصلہ جو پہلی بیوی کو شوہر سے نکاح ختم کرنے کا اختیار دیتا ہے، شریعت کے مطابق درست نہیں۔
یاد رہے کہ اس سے قبل سپریم کورٹ نے اپنے ایک فیصلے میں پہلی بیوی کی اجازت کے بغیر دوسری شادی کرنے پر نکاح فسخ کرنے کا اختیار دینے سے متعلق فیصلہ دیا تھا، جس پر اسلامی نظریاتی کونسل نے اپنی رائے واضح کر دی۔
علاوہ ازیں اجلاس میں نکاح سے قبل تھیلیسیمیا یا دیگر متعدی امراض کی جانچ کو اختیاری طور پر نکاح نامے کا حصہ بنانے کی تجویز بھی دی گئی۔
مزید برآں، اسلامی نظریاتی کونسل نے انسانی اعضا کی پیوندکاری سے متعلق بھی رائے دی کہ اگر اس سے کسی کی زندگی خطرے میں نہ پڑے تو انسانی اعضا کی پیوندکاری جائز ہے۔
.ذریعہ: Al Qamar Online
کلیدی لفظ: اسلامی نظریاتی کونسل پہلی بیوی کونسل نے
پڑھیں:
مشترکہ مفادات کونسل کا اجلاس آئندہ ہفتے طلب
اسلام آباد:مشترکہ مفادات کونسل کا اجلاس دو مئی کو طلب کر لیا گیا جس کی صدارت وزیر اعظم شہباز شریف کریں گے۔
تفصیلات کے مطابق یہ مشترکہ مفادات کونسل کا 52 واں اجلاس ہوگا۔ مشترکہ مفادات کونسل سیکریٹریٹ نے اجلاس کی طلبی کا نوٹیفیکیشن جاری کر دیا۔
اجلاس میں چاروں وزرائے اعلیٰ وفاقی وزرا سمیت 24 شرکاء کو خصوصی دعوت پر بلایا گیا ہے۔
واضح رہے کہ وزیراعظم شہباز شریف نے متنازع نہروں کا منصوبہ مشترکہ مفادات کونسل لے جانے کا اعلان کرتے ہوئے دو مئی کو اجلاس بلانے کا فیصلہ کیا تھا۔
پاکستان پیپلزپارٹی کے وفد سے ملاقات کے بعد بلاول بھٹو کے ہمراہ مشترکہ میڈیا سے گفتگو کرتے ہوئے وزیراعظم کا کہنا تھا کہ مشترکہ مفادات کونسل کے اجلاس میں باہمی رضامندی تک نہریں نہیں بنیں گی۔
بلاول بھٹو نے پیپلزپارٹی اور سندھ کے عوام کے تحفظات سننے اور اقدامات کرنے پر وزیراعظم شہباز شریف کا شکریہ ادا کیا تھا۔
انکا کہنا تھا کہ شہباز شریف نے احتجاج کو کافی حد تک ایڈریس کیا ہے، مشترکہ مفادات کونسل کا اجلاس جب بلایا جائے گا تو فیصلوں کی توثیق کی جائے گی۔
بابراعظم نے کراچی کنگز کو کیوں چھوڑا تھا؟ سابق کپتان نے راز سے پردہ اُٹھادیا