شانگلہ میں گاڑی کھائی میں گرنے اور مالاکنڈ میں نہر میں گرنے سے 10 افراد جاں بحق
اشاعت کی تاریخ: 27th, March 2025 GMT
خیبرپختونخوا کے علاقے شانگلہ اور ملاکنڈ میں گاڑیاں کھائی اور نہر میں گرنے کے حادثات میں 10 افراد جاں بحق اور 3 زخمی ہو گئے۔
تفصیلات کے مطابق مالاکنڈ کی تحصیل درگئی میں موٹر کار نہر میں جا گری، حادثہ میں پانچ افراد جاں بحق ہو گئے، افسوس ناک واقعہ افغان مہاجر کیمپ کے مقام پر پیش آیا، کار میں ڈرائیورو کے علاوہ 3 خواتین اور کمسن بچی سوار تھے۔
ریسکیو ٹیم اور مقامی رضاکاروں نے واٹر سرچ آپریشن کر کے جاں بحق تمام افراد کی لاشیں نکال لیں، جنہیں درگئی ہسپتال منتقل کر دیا گیا، جاں بحق افراد کا تعلق ایک ہی خاندان سے بتایا جا رہا ہے۔
شانگلہ میں الپوری کے نواحی علاقے ملک خیل کوٹکے میں جیپ گہری کھائی میں جا گری، حادثہ میں 5 افراد جاں بحق اور 3 زخمی ہو گئے۔
حادثہ افطار سے کچھ دیرے پہلے تیز رفتاری کے باعث پیش آیا، ریسکیو1122 کے مطابق حادثہ کے نتیجے میں 5 افراد موقع پر دم توڑ چکے تھے، 3 شدید زخمیوں کو فوری طبی امداد کے بعد ڈسٹرکٹ ہیڈ کوارٹر ہسپتال الپوری منتقل کر دیا گیا۔
ریسکیو حکام نے لاشوں اور زخمیوں کو سیدو شریف ہسپتال سوات روانہ کر دیا۔ جاں بحق ہونے والوں میں سلمان خان، رحمت اللہ، امیرسہیل، فضل بٹ، فیصل خان شامل ہیں، زخمیوں میں سرفراز، ظفر خان اور نصیب بشارت شامل ہیں، جاں بحق اور زخمی افراد کا تعلق تحصیل پورن سے ہے۔
.ذریعہ: Express News
کلیدی لفظ: افراد جاں بحق
پڑھیں:
برازیل : یونیورسٹی میں لوہے کا ڈھانچہ گرنے سے ایک شخص ہلاک‘ 60 زخمی
data-id="863a0a8" data-element_type="widget" data-widget_type="theme-post-content.default">
251104-06-7
برازیلیا (انٹرنیشنل ڈیسک) برازیل کے صوبے ساؤ پالو میں تیز ہواؤں اور موسلا دھار بارش کے باعث یونیورسٹی پارٹی کے دوران میٹل سٹرکچر گرنے سے ایک شخص ہلاک اور 60 زخمی ہوگئے۔ ذرائع ابلاغ کے مطابق شہری دفاع کے حکام نے بتایا کہ ریجینٹے فیجو کے علاقے میں میڈیکل طلبہ کی تقریب میں اس وقت حادثہ پیش آیا جب 95 کلومیٹر فی گھنٹہ کی رفتار سے چلنے والی تیز ہواؤں نے میٹل سٹرکچر کو گرادیا۔ حادثے کے بعد فائر بریگیڈ، پولیس اور شہری دفاع کی ٹیمیں ریجینٹے فیجو اور قریبی شہر پریزیڈینٹے پروڈینچی سے موقع پر پہنچ گئیں۔ رپورٹ کے مطابق ہلاک ہونے والے شخص کی شناخت 47 سالہ بزنس مین مارسلو گیگلیو ڈی سوزا کے طور پر کی گئی ہے، جو قریبی شہر پیراپوزینھو کے رہائشی تھے۔
پشاور میں ہسپانوی ثقافت کی جھلک، فلیمنکو رقص نے سماں باندھ دیا