کراچی: بس اڈوں پر کارروائی، سرکاری کرایوں کی خلاف ورزی پر جرمانے عائد
اشاعت کی تاریخ: 28th, March 2025 GMT
— فائل فوٹو
کمشنر کراچی سید حسن نقوی کی ہدایت پر شہر کے مختلف بس ٹرمنلز اور اڈوں پر کارروائی کر کے سرکاری کرایوں کی خلاف ورزی پر جرمانے عائد کرنے کے علاوہ مسافروں کو پیسے واپس کروائے گئے ہیں۔
ترجمان کمشنر کراچی کے مطابق خلاف ورزی کی مرتکب بس سروسز کے خلاف کارروائی کی رپورٹ کمشنر کراچی سید حسن نقوی کو پیش کر دی گئی ہے۔
ترجمان نے بتایا ہے کہ 213 بسوں کے کرایوں کی جانچ کی گئی، مسافروں سے زائد وصول کیے گئے 6 لاکھ 13 ہزار روپے واپس کروائے گئے۔
پولیس کے مطابق سہراب گوٹھ پنجاب بس اڈے پر کسٹم انٹیلی جنس کے عملے نے اسمگل شدہ سامان کی موجودگی کی اطلاع پر چھاپہ مار کارروائی کی۔
زائد کرایہ وصول کرنے والی 87 بسوں کا چالان کیا گیا اور 93 ہزار روپے کے جرمانے عائد کیے گئے۔
ترجمان کمشنر کراچی سید حسن نقوی نے بتایا ہے کراچی کے بس ٹرمنلز پر 2 لاکھ 75 ہزار روپے مسافروں کو واپس کیے گئے۔
ترجمان کمشنر کراچی نے شہریوں سے اپیل کی ہے زائد کرایہ لینے والوں کی شکایت درج کرائیں۔
.ذریعہ: Jang News
کلیدی لفظ: کمشنر کراچی
پڑھیں:
کراچی میں آج 2296 ای چالان، سب سے زیادہ کس خلاف ورزی پر؟
کراچی میں پیر کے روز سیٹ بیلٹ نہ پہننے پر 1499 چالان سمیت مجموعی طور پر 2296 ای چالان جاری کیے گئے ہیں۔
ٹریفک پولیس کی جانب سے ای چالان کا یومیہ ڈیٹا جاری کردیا گیا، سب سے زیادہ 1 ہزار 499 سیٹ بیلٹ نہ باندھنے، 402 بغیر ہیلمٹ موٹر سائیکل چلانے اور 152 سگنل توڑنے پر چالان کیے گئے ہیں۔
ٹریفک پولیس کے مطابق موبائل فون کےاستعمال پر 63 ڈرائیورز کےخلاف کارروائی ہوئی جبکہ تیز رفتاری پر 38، رانگ وے پر 21، کالے شیشوں پر 39 اور اوور لوڈنگ پر6 چالان کیے گئے۔
اعداد و شمار کے مطابق بس کی چھت پر مسافر بٹھانے پر 20، غلط پارکنگ کے 16 اور غیر محفوظ طریقے سے سامان رکھنے پر بھی 1 چالان کیا گیا۔
پولیس کے مطابق ٹریفک قوانین کی مختلف خلاف ورزیوں پر ہیوی ٹریفک گاڑیوں کے 516 ای چالان ہوئے ہیں۔
اعداد و شمار کے مطابق 8 روز میں 26 بسوں، 9 کرینوں، 25 ڈمپروں، 22 آئل ٹینکرز، 205 ٹرکوں اور واٹر ٹینکرز کے229 ای چالان کیے گئے۔
ڈی آئی جی ٹریفک کے مطابق ہیوی گاڑیوں میں سیٹ بیلٹ کے استعمال نہ کرنے پر 156، اسٹاپ لین کی خلاف ورزی اور چھت پر مسافر بٹھانے پر ایک، ایک چالان ہوا۔
ڈی آئی جی ٹریفک کے مطابق تیز رفتاری پر 352، موبائل فون کے استعمال پر 3 اور سگنل توڑنے پر 2 ای چالان ہوئے۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف