برطانوی تعمیراتی ادارے کا لاہور میں طالبات کی رہائش کیلئے لونا پروجیکٹ پیش
اشاعت کی تاریخ: 3rd, April 2025 GMT
فوٹو: فائل
پاکستان میں متعدد لگژری منصوبے مکمل کرنے والے برطانوی تعمیراتی ادارے ون ہومز نے لاہور میں طالبات کی رہائش کےلیے تمام بنیادی سہولتوں سے آراستہ لونا پروجیکٹ پیش کیا ہے۔
اس حوالے سے لندن میں پریس کانفرنس کرتے ہوئے ون ہومز کے چیف کمرشل آفیسر عاقب حسن کا کہنا تھا کہ ہمارا مستقبل تعلیم سے وابستہ ہے اور یہ منصوبہ خواتین کو محفوظ اور آرام دہ رہائش مہیا کرے گا اور یونیورسٹیز ڈسٹرکٹ پر رائے ونڈ روڈ پر جہاں لونا پروجیکٹ تعمیر کیا جارہا ہے وہاں اطراف میں 12 بڑی یونیورسٹیز ہیں جہاں ایک لاکھ طلبہ زیر تعلیم ہیں اور ان میں نصف طالبات ہیں۔
عاقب حسن نے کہا کہ اس منصوبے کے ذریعے اوورسیز پاکستانیوں کو اپنے وطن میں محفوظ سرمایہ کاری کرنے کا موقع بھی ملے گا، اس منصوبے کو اختتام ہفتہ پر لندن میں فروخت کےلیے پیش کیا جارہا ہے جس کے بعد برطانیہ کے مختلف شہروں کے علاوہ دنیا کے متعدد ممالک میں بھی اس حوالے سے ایونٹس منعقد ہوں گے۔
ایک سوال کے جواب میں انہوں نے کہا کہ یہ منصوبہ 2029 میں مکمل ہوگا اور اس وقت طلبہ رہائش کیلئے جو کرایہ دے رہے ہیں اس کا کرایہ اس سے بھی سستا ہوگا۔
انہوں نے کہا کہ اوورسیز پاکستانیوں کی طرف سے سرمایہ کاری کی غرض سے خریدے جانے والے یونٹس کو کرائے پر دیا جائے گا اور اس ضمن میں مکمل مینجمنٹ بھی فراہم کی جائے گی۔
انکا کہنا تھا کہ بکنگ 7 ہزار پاؤنڈ سے شروع ہوگی اور دو بیڈ رومز کے فلیٹ کی قیمت 30 ہزار پاؤنڈ ہوگی جسے تین برس کی اقساط میں ادا کیا جاسکے گا۔
انہوں نے کہا کہ لونا میں وہ تمام سہولتیں دستیاب ہوں گی جو آکسفورڈ اور کیمبرج یونیورسٹیز کے طلبہ کو دستیاب ہیں، عمارت کے ہر تیسرے فلور پر لائبریری ہوگی اور طالبات کچن اور سماجی سرگرمیوں کیلئے جگہ کو شیئر کرسکیں گی۔ عمارت میں سی سی ٹی وی کے علاوہ اپنی سیکیورٹی ہوگی اور بائیومیٹرک انٹری اور ایگزٹ ہوگا۔
بلڈنگ میں تمام عملہ بھی خواتین پر مشتمل ہوگا، لونا پروجیکٹ کا ڈیزائن تیار کرنے والی کمپنی والٹرز اینڈ کوہن آرکیٹیکٹس کے نمائندوں سنڈے والٹرز اور جیوانی بونفٹی نے کہا کہ یہ ہمارا پاکستان میں پہلا منصوبہ ہے جسے ہم پاکستان میں اپنی مقامی ٹیم کے ہمراہ مکمل کریں گے۔
انکا کہنا ہے کہ یہ منصوبہ خواتین کو محفوظ رہائش کے لیے بہترین سہولتیں مہیا کرے گا اور خاص طور پر دیہی اور دور دراز سے تعلیم کیلئے لاہور آنے والی طالبات کو بہترین اور محفوظ رہائش کی سہولت ملے گی اور اس کی بلڈنگ لاہور کے خوبصورت تاریخی ورثہ میں اضافے کا سبب بنے گی۔
.ذریعہ: Jang News
کلیدی لفظ: لونا پروجیکٹ نے کہا کہ گی اور گا اور
پڑھیں:
قطر پر اسرائیلی حملے کیخلاف مسلم دنیا متحد، جوابی اقدامات کیلئے مکمل تعاون کی یقین دہانی
دوحہ میں ہنگامی عرب اسلامی سربراہی اجلاس کے مشترکہ اعلامیے میں کہا گیا ہے کہ قطر کے خلاف اسرائیل کی وحشیانہ جارحیت خطے میں امن کے امکانات کو نقصان پہنچاتی ہے، غیرجانبدار ثالث پر حملہ امن کی کوششوں کے لیے خطرہ ہے، قطر پر مزید حملوں کی اسرائیلی دھمکیوں کو مسترد کیا جاتا ہے۔ اسلام ٹائمز۔ دوحہ میں ہنگامی عرب اسلامی سربراہی اجلاس کا مشترکہ اعلامیہ جاری کردیا گیا جس میں کہا گیا کہ مسلم ممالک نے اسرائیل کے خلاف قطر کو جوابی اقدامات کیلئے مکمل تعاون کی یقین دہانی کروا دی ہے۔ مشترکہ اعلامیے میں کہا گیا ہے کہ قطر پر اسرائیل کے بزدلانہ اور غیرقانونی حملے کی شدید الفاظ میں مذمت اور قطر کے ساتھ مکمل یکجہتی اور ردعمل کیلئے اس کے اقدامات کی حمایت کرتے ہیں۔ مشترکہ اعلامیے میں کہا گیا کہ قطر کے خلاف اسرائیل کی وحشیانہ جارحیت خطے میں امن کے امکانات کو نقصان پہنچاتی ہے، غیرجانبدار ثالث پر حملہ امن کی کوششوں کے لیے خطرہ ہے، قطر پر مزید حملوں کی اسرائیلی دھمکیوں کو مسترد کیا جاتا ہے۔ اعلامیے میں حملے سے نمٹنے میں قطر کے مہذب اور دانشمندانہ مؤقف کی تعریف اور غزہ میں جارحیت روکنے کیلئے ثالث قطر، مصر اور امریکا کی کوششوں کی حمایت کی گئی۔
قبل ازیں دوحہ میں ہنگامی عرب اسلامی سربراہی اجلاس میں مسلم ممالک کے سربراہان نے کہا کہ اسرائیل نے تمام ریڈلائنز کراس کرلی ہیں، اقوام متحدہ کے چارٹر اور عالمی قوانین کی خلاف ورزی پر اسرائیل کو جوابدہ ٹھہرانا ہوگا، اور مشرق وسطیٰ میں امن کیلئے مسئلہ فلسطین حل کرنا ہوگا، صہیونی جارحیت روکنے کیلئے عملی اقدامات کی ضرورت ہے۔ امیر قطر شیخ تمیم بن حمد الثانی نے کہا ہے کہ اسرائیل نے انسانیت کے خلاف جرائم میں تمام حدیں پار کردیں، مشرق وسطیٰ میں امن کیلئے مسئلہ فلسطین حل کرنا ہوگا، امیر قطر شیخ تمیم بن حمدالثانی نے کہا کہ اسلامی ملکوں کے راہنماؤں کی دوحہ آمد پر خوش آمدید کہتا ہوں۔ دوحہ میں حماس کے مذاکرات کاروں پر اسرائیلی حملے کے تناظر میں انہوں نے کہا کہ اسرائیل نے قطر کی خودمختاری اور علاقائی سالمیت کی خلاف ورزی کی، قطر نے ثالث کے طور پر خطے میں امن کیلئے مخلصانہ کوششیں کیں۔
شیخ تمیم بن حمد الثانی نے کہا کہ اسرائیل نے مذاکراتی عمل کو سبوتاژ کرتے ہوئے حماس کی قیادت کو نشانہ بنایا، اسرائیل کی جانب سے خطے کے ملکوں کی خودمختاری کی خلاف ورزی قابل مذمت ہے۔ انہوں نے کہا کہ اسرائیل کے ہاتھوں فلسطینیوں کی نسل کشی ہورہی ہے، اسرائیل نے انسانیت کے خلاف جرائم میں تمام حدیں پار کردی ہیں، یرغمالیوں کی پرامن رہائی کے تمام اسرائیلی دعوے جھوٹے ہیں، گریٹر اسرائیل کا ایجنڈا عالمی امن کیلئے شدید خطرہ ہے۔
پاکستان اور قازقستان کا تعلقات مزید مضبوط بنانے کا عزم