دلجیت کی انسٹاگرام اسٹوری میں پاکستانی انفلوئنسر کا جلوہ
اشاعت کی تاریخ: 5th, April 2025 GMT
امرتسر(نیوز ڈیسک)بھارت کے مشہور پنجابی گلوکار، اداکار ، پرفارمر اور گلوبل سپر اسٹار دلجیت دوسانجھ نے ایک بار پھر پاکستانیوں کو سوشل میڈیا پر خوشگوار حیرت میں ڈال دیا ہے۔
دلجیت دوسانجھ نے پاکستان کی مقبول سوشل میڈیا انفلوئنسر ندا رحمٰن کی انسٹاگرام اسٹوری کو اپنی اسٹوری پر شیئر کرکے سب کو حیران کردیا۔ ندا رحمٰن پاکستان کی معروف انفلوئنسر ہیں، جن کی منفرد اور مزاحیہ ویڈیوز خاص طور پر ان کی والدہ طلعت خٹک عرف ماما رحمٰن کے ساتھ بنائی جاتی ہیں۔
ان ویڈیوز میں پاکستانی گھروں کی عام زندگی کو مزاحیہ انداز میں پیش کیا جاتا ہے، جسے دیکھنے والے بہت پسند کرتے ہیں۔
اس وقت ندا رحمٰن کے انسٹاگرام پر 6 لاکھ سے زائد فالوورز ہیں، اور ان کی ویڈیوز اکثر لاکھوں ویوز حاصل کرتی ہیں۔ یکم اپریل کو ندا نے اپنی والدہ کے ساتھ دلجیت دوسانجھ کے خوبصورت گانے ’نینا‘ پر ایک ویڈیو پوسٹ کی، جس میں دونوں ماں بیٹی خوشی سے گانے پر جھومتی ہوئی نظر آئیں۔
یہ ویڈیو دیکھتے ہی دیکھتے سوشل میڈیا پر چھا گئی اور انسٹاگرام پر لاکھوں ویوز حاصل کر گئی، یہی نہیں دلجیت دوسانجھ نے خود اس ویڈیو کو دیکھ کر پسند کیا۔ ندا نے فوراً اپنی اسٹوری پر دلجیت کی ری پوسٹ شیئر کی، جو دل کو چھوکرانٹرنیٹ پر تیزی سے پھیل گئی۔
ندا رحمٰن نہ صرف انسٹاگرام پر، بلکہ TikTok پر بھی لاکھوں دلوں کی دھڑکن بن چکی ہیں۔ ان کی اسٹوری ٹیلنگ، فیملی وی لاگز اور دیسی مزاحیہ انداز انہیں ایک منفرد شناخت دیتے ہیں۔ ان کی والدہ ’ماما رحمٰن‘ کے ساتھ ان کے مکالمے پاکستانی خواتین کے لیے ایک زبردست تفریح کا ذریعہ بن چکے ہیں۔ ندا رحمٰن اور ان جیسی کانٹینٹ کریئیٹرز آج کی دنیا میں ملک کے کلچر، مزاح اور فیملی ویلیوز کو دنیا بھر میں پھیلانے کا اہم ذریعہ بن رہی ہیں۔
مزیدپڑھیں:سویڈن جانے کے خواہش مند پاکستانیوں کے لیے خوشخبری آگئی
ذریعہ: Daily Ausaf
کلیدی لفظ: دلجیت دوسانجھ
پڑھیں:
’را‘ ایجنٹ کی گرفتاری: بھارت کی پاکستان کے خلاف پروپیگنڈا مہم ناکام
پاکستان کی خفیہ ایجنسیوں نے بھارت کی خفیہ ایجنسی ’را‘ کے لیے کام کرنے والے جاسوس کو گرفتار کرکے بھارت کی بڑی پروپیگنڈا مہم ناکام بنا دی۔
وفاقی وزیر اطلاعات و نشریات عطا اللہ تارڑ نے وزیر مملکت برائے داخلہ طلال چوہدری کے ہمراہ پریس کانفرنس کرتے ہوئے بتایا ہے کہ پاکستان کی ایجنسیوں نے ایک ایسے شخص کو گرفتار کر لیا ہے جسے بھارتی خفیہ ایجنسی ’را‘ نے پاکستان کے اندر جاسوسی اور پروپیگنڈا سرگرمیوں پر مجبور کیا تھا۔
مزید پڑھیں: آپریشن سندور میں رسوائی کے بعد بھارت کی ایک اور سازش ناکام، جاسوسی کرنے والا ملاح گرفتار، اعتراف جرم کرلیا
انہوں نے بتایا کہ گرفتار ملزم اعجاز ملاح کا تعلق ٹھٹھہ ضلع کی تحصیل شاہ بندر سے ہے اور وہ پیشے کے اعتبار سے ماہی گیر ہے۔ اسے ستمبر کے مہینے میں کھلے سمندر میں مچھلیاں پکڑتے ہوئے بھارتی کوسٹ گارڈ نے گرفتار کیا۔
وزرا کے مطابق گرفتاری کے بعد مذکورہ شخص کو نامعلوم مقام پر رکھا گیا جہاں بھارتی حکام نے اسے مخصوص خفیہ مقاصد کے لیے دھمکیاں دے کر اور لالچ دے کر پاکستان واپس بھیجا، تاکہ وہ اُن کی ہدایات کے مطابق اطلاعاتی سرگرمیاں انجام دے۔
پاکستانی اداروں نے بھارتی جاسوسی کی ایک اور کوشش ناکام بنا دی! اعجاز ملاح کا اعترافی بیان منظرِ عام پر!
“ہم مچھلی پکڑنے گئے تھے تو بھارتی ایجنسیوں نے ہمیں گرفتار کر لیا۔ بھارتی ایجنٹ ‘اشوک’ نے مجھے کہا کہ میں پاکستان کی آرمی، نیوی اور رینجرز کی وردیاں، موبائل سمز، پاکستانی سگریٹ،… pic.twitter.com/AscjZPT5AJ
— WE News (@WENewsPk) November 1, 2025
پریس کانفرنس میں بتایا گیا کہ اعجاز ملاح کو ہدایت دی گئی کہ وہ پاکستان کی مسلح افواج اور نیم فوجی اداروں کی وردیاں جن میں پاک بحریہ، پاک فوج اور سندھ رینجرز کی یونیفارمز شامل ہیں کے علاوہ زونگ سم کارڈز، پاکستانی کرنسی، سیگریٹ، لائٹرز اور ماچس سمیت دیگر اشیا اکٹھی کرے۔
ان کا کہنا تھا کہ یہ تمام سامان بھارت کی جانب سے پاکستان کے خلاف جھوٹے پروپیگنڈا اور گمراہ کن مہم میں استعمال ہونا تھا، جس کا مقصد عالمی سطح پر پاکستان کی ساکھ خراب کرنا تھا۔
انہوں نے کہاکہ پاکستانی انٹیلی جنس اداروں نے جیسے ہی اعجاز ملاح کی جانب سے ان اشیا کی خریداری کی کوشش کا سراغ لگایا، اسے خفیہ نگرانی میں لے لیا۔ بعد ازاں وہ سمندر کے راستے بھارت واپس جانے کی کوشش کے دوران حراست میں لیا گیا اور تمام متعلقہ مواد بھی برآمد کر لیا گیا۔
اس واقعے نے ایک بار پھر ثابت کردیا ہے کہ بھارت پاکستان کے خلاف جھوٹی کہانیاں گھڑنے اور جھوٹے ثبوت تیار کرنے کی سازشوں میں مصروف ہے، تاکہ عالمی رائے عامہ کو گمراہ کیا جا سکے اور پاکستان کے بیانیے کو نقصان پہنچایا جا سکے۔
مزید پڑھیں: ناگالینڈ میں علیحدگی کی تحریک زور پکڑ گئی، بھارتی حکومت کی مشکلات میں اضافہ
یہ امر بھی قابل ذکر ہے کہ یہ کوئی پہلا واقعہ نہیں ہے۔ اس سے قبل جون 2025 میں بھی کراچی پولیس نے 4 ایسے ماہی گیروں کو گرفتار کیا تھا جو بھارتی خفیہ ایجنسی ’را‘ کے لیے جاسوسی میں ملوث تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستانی خفیہ ایجنسیاں پروپیگنڈا مہم ناکام را ایجنٹ وی نیوز
کسی سزا یافتہ شخص کی مشاورت پر حکومتی فیصلے کرنا آئینی طور پر درست نہیں; طلال چوہدری