اسٹاک ایکسچینج؛ شدید مندی کے بعد مثبت آغاز، انڈیکس کی ایک لاکھ 16 ہزار کی حد بحال
اشاعت کی تاریخ: 8th, April 2025 GMT
کراچی:
پاکستان اسٹاک ایکسچینج میں گزشتہ روز پیش آنے والی شدید مندی کے بعد آج مثبت آغاز ہوا اور انڈیکس کی ایک لاکھ 16 ہزار پوائنٹس کی حد بحال ہو گئی۔
بازارِ حصص میں کاروباری ہفتے کے دوسرے روز مارکیٹ کا آغاز مثبت انداز میں ہوا اور کاروباری سرگرمیوں میں تیزی کا رجحان دیکھا گیا۔ اس دوران کے ایس ای 100 انڈیکس 1446 پوائنٹس کے اضافے سے 116355 پوائنٹس کی سطح پر آ گیا۔
واضح رہے کہ امریکی صدر ڈونلڈ ٹرمپ کی جانب سے ٹیرف عائد کیے جانے کے بعد دنیا کے دیگر ممالک کی طرح پاکستان کی بھی اسٹاک مارکیٹ کریش کر گئی تھی اور کاروبار میں شدید مندی ریکارڈ ہوئی تھی۔
پیر کے روز بازارِ حصص میں کاروبار کے اختتام پر 3882 پوائنٹس کی کمی ریکارڈ ہونے سے انڈیکس ایک لاکھ 14 ہزار 909 پوائنٹس پر بند ہوا تھا۔
.ذریعہ: Express News
پڑھیں:
جاپان کی سٹاک ایکسچینج میں زبردست تیزی، نکی 225 انڈیکس 42983.34 کی بلند ترین سطح پر پہنچ گیا
ٹوکیو (اُردو پوائنٹ اخبارتازہ ترین - اے پی پی۔ 12 اگست2025ء) جاپان کی سٹاک مارکیٹ میں منگل کو زبردست تیزی دیکھی گئی اور ٹوکیوسٹاک ایکسچینج کا اہم ترین نکی 225 انڈیکس 42983.34 کی بلند ترین سطح پر پہنچ گیا۔اے ایف پی کے مطابق کاروباری سرگرمیوں کے دوران نکی 225 انڈیکس میں 2.8 فیصد یا 1162.86 پوائنٹس اضافہ ریکارڈ کیا گیا اوریہ بڑھ کر 42,983.34 پوائنٹس کی بلند ترین سطح تک پہنچ گیا تاہم بعد از دوپہر کاروباری سرگرمیوں کے دوران نکی 225 انڈیکس میں معمولی کمی آئی۔آئی وائی کاسمو سیکیورٹیز نے اپنی مارکیٹ رپورٹ میں کہا کہ امریکاچین تجارتی مذاکرات میں کشیدگی میں کمی اور امریکی شرح سود میں ممکنہ کمی سے متعلق قیاس آرائی نے جاپانی کمپنیوں کی بحالی کے حوالے سے سرمایہ کاروں کی امیدوں کو تقویت دی ہے، اس رجحان کے باعث خریداری کا سلسلہ جاری رہا۔(جاری ہے)
دوپہر کے وقفے کے بعد بھی وسیع پیمانے پر حصص میں تیزی دیکھی گئی۔
امریکی ٹیکنالوجی شیئرز میں اضافے کے بعد جاپانی ٹیک انویسٹر سافٹ بینک گروپ 7.07 فیصد اضافے کے ساتھ 14,845 ین پر پہنچ گیا جبکہ سیمی کنڈکٹر ٹیسٹنگ بنانے والی کمپنی ایڈوانٹیسٹ 7.34 فیصد بڑھ کر 11,255 ین پر پہنچ گئی۔آٹو میکر ٹویوٹا کے حصص میں 3.14 فیصد اضافہ ہوا اور اس کی قیمت 2,860 ین تک پہنچ گئی جبکہ یونیکلو کے آپریٹر فاسٹ ریٹیلنگ کے حصص 4.67 فیصد بڑھ کر 48,440 ین ہو گئے۔
پاک بحریہ کے سربراہ کو ترکیہ کا اعلیٰ عسکری اعزاز، دو طرفہ بحری تعاون مزید مضبوط