کیپٹل مارکیٹ کی حمایت میں چینی اداروں و کمپنیوں کا ردعمل
اشاعت کی تاریخ: 8th, April 2025 GMT
کیپٹل مارکیٹ کی حمایت میں چینی اداروں و کمپنیوں کا ردعمل WhatsAppFacebookTwitter 0 8 April, 2025 سب نیوز
بیجنگ : سنٹرل ہوئی جن انویسٹمنٹ کمپنی لمیٹڈ نے اعلان کیا کہ وہ چینی کیپٹل مارکیٹ کے مستقبل پر پختہ یقین رکھتی ہے اور موجودہ A-شیئرز کی قیمت کو مکمل طور پر مناسب سمجھتی ہے۔ کمپنی نے کہا ہے کہ اس نے ایک بار پھر ایکسچینج ٹریڈڈ فنڈز کے اپنے حصص میں اضافہ کیا ہے اور مستقبل میں کیپٹل مارکیٹ کے مستحکم آپریشن کی “مضبوط حفاظت” کے لئے ایسا کرنا جاری رکھے گا۔
سنٹرل ہوئی جن مکمل سرکاری ملکیت والی ایک کمپنی ہے۔ کمپنی کے اعلان کے مطابق، مارکیٹ پر ان کا اعتماد چین کی معیشت کے روشن مستقبل پر ان کے یقین کی عکاسی کرتا ہے۔ موجودہ دور میں، چین اعلیٰ معیاری ترقی کو مضبوطی سے آگے بڑھا رہا ہے، جدید پیداواری قوتیں تیزی سے فروغ پا رہی ہیں، اور معیشت میں بہتری کے آثار مزید مستحکم ہو رہے ہیں، جس کی وجہ سے کیپٹل مارکیٹ کو مضبوط بنیادی حمایت حاصل ہے۔ سنٹرل ہوئی جن طویل مدتی اور قدر پر مبنی سرمایہ کاری کے اصولوں پر کاربند رہتے ہوئے، کیپٹل مارکیٹ کی صحت مند ترقی کو فعال طور پر سپورٹ کرتی رہے گی۔
پیپلز بینک آف چائنا کے ترجمان نے کہا کہ پیپلز بینک آف چائنا سینٹرل ہوئی جن کی بھرپور حمایت کرتا ہے اور ضرورت پڑنے پر کافی ری فنانسنگ سپورٹ فراہم کرے گا ۔اس کے علاوہ ،مالیاتی نگرانی کی ریاستی انتظامیہ نے اسٹاک مارکیٹ میں سرمایہ کاری کرنے والے انشورنس فنڈز کے تناسب میں اضافہ کیا ہے۔ چائنا مرچنٹس گروپ کی ماتحت 7 لسٹڈ کمپنیوں نے 8 اپریل کو ٹریڈنگ سے قبل اجتماعی طور پر اعلان کیا کہ وہ شیئر بائی بیکس کے منصوبوں کو تیز تر کریں گی۔ چائنا چھینگ ٹونگ گروپ کی ذیلی کمپنیوں نے ایکسچینج ٹریڈڈ فنڈز اور سرکاری اداروں کے اسٹاکس میں ہولڈنگز کو بڑھایا ہے اور آئندہ بھی سرکاری کمپنیوں اور ٹیکنالوجی و جدت پر مبنی اسٹاکس میں بڑی سرمایہ کاری جاری رکھیں گی۔ چائنا رفارم ہولڈنگز کوآپریشن لمیٹڈ کی ذیلی کمپنی نے بھی سرکاری اداروں کے اسٹاکس، ٹیکنالوجی و جدت پر مبنی اسٹاکس اور ای ٹی ایفس میں اضافی سرمایہ کاری کی ہے۔ چائنا الیکٹرانکس ٹیکنالوجی گروپ نے اپنی ذیلی کمپنیوں کے اسٹاکس میں 2 ارب یوآن سے زیادہ کی خریداری مکمل کر لی ہے۔
.ذریعہ: Daily Sub News
پڑھیں:
عمرہ زائرین جعل سازوں سے ہوشیار؛ رجسٹرڈ کمپنیوں کی فہرست جاری
سٹی 42: وفاقی حکومت کاعمرہ زائرین کو جعل سازی سے بچانے کیلئے اہم اقدام ،وزارت مذہبی امور نے رجسٹرڈ کمپنیوں کی فہرست جاری کر دی۔
عمرہ زائرین کورجسٹرڈ کمپنی کی تصدیق کر کے بکنگ کروانے کی ہدایت کی گئی ،وزارت مذہبی امور نے 113 مصدقہ عمرہ کمپنیوں کی فہرست جاری کر دی
عمرہ زائرین بکنگ سے قبل وزارت کی ویب سائٹ سے کمپنی کی تصدیق کریں۔
وزارت مذہبی امور کا کہناہے کہ رقم کی ادائیگی بینک کے ذریعے کمپنی اکاؤنٹ میں کی جائے،زائرین کمپنی سے ادائیگی رسید اور معاہدے کی کاپی لازمی لیں۔
کمپنیوں سے ویزہ، ٹکٹ، ٹرانسپورٹ اور رہائش کا مکمل پیکیج بک کرایا جائے۔
پاکستان سے ایران جانیوالے زائرین کو اغوا کروانے والے نیٹ ورک کا کارندہ گرفتار
پاکستان اسٹاک ایکسچینج کی بلند پرواز جاری؛ انڈیکس آج بھی نئی تاریخ ساز سطح پر