ڈومینیکن ریپبلک، نائٹ کلب کی چھت گرنے سے سابق بیس بال کھلاڑی سمیت 79 افراد ہلاک
اشاعت کی تاریخ: 9th, April 2025 GMT
SANTO DOMINGO, DOMINICAN REPUBLIC:
ڈومینیکن ریپبلک کے دارالحکومت سانتو ڈومنگو میں ایک نائٹ کلب کی چھت گرنے سے 79 افراد ہلاک اور 150 سے زائد زخمی ہوگئے ہیں۔
برطانوی نشریاتی ادارے کے مطابق یہ واقعہ گزشتہ رات اس وقت پیش آیا جب مشہور مرینگی گلوکار روبی پیریز کا کنسرٹ جٹ سیٹ نائٹ کلب میں جاری تھا۔
ہلاک ہونے والوں میں صوبائی گورنر نیلسی کروز اور سابقہ میجر لیگ بیس بال کھلاڑی اوکٹاؤیو ڈوٹیل بھی شامل ہیں۔ 51 سالہ ڈوٹیل ہسپتال جاتے ہوئے زخموں کی تاب نہ لاتے ہوئے دم توڑ گئے۔
جٹ سیٹ نائٹ کلب میں اس وقت تقریباً 400 افراد موجود تھے، اور ریسکیو آپریشن میں 400 سے زائد اہلکار مصروف ہیں۔ حکام کا کہنا ہے کہ ملبے میں دبے افراد میں سے کئی زندہ ہو سکتے ہیں، اور خدشہ ظاہر کیا جا رہا ہے کہ ہلاکتوں کی تعداد مزید بڑھ سکتی ہے۔
ایمرجنسی آپریشن سینٹر کے ڈائریکٹر، جواں مینوئل میندیز نے امید ظاہر کی کہ ملبے کے نیچے دبے افراد میں سے بہت سے زندہ ہوں گے۔
جٹ سیٹ نائٹ کلب سانتو ڈومنگو کا مشہور مقام ہے جہاں اکثر ڈانس میوزک کنسرٹس منعقد کیے جاتے ہیں۔ اس حادثے میں سیاستدانوں، کھلاڑیوں اور دیگر مشہور شخصیات کی بھی موجودگی کی اطلاعات ہیں۔
نیلسی کروز، جو مونٹے کرسٹی صوبے کی گورنر تھیں اور سابق بیس بال کھلاڑی نیلسن کروز کی بہن تھیں، حادثے میں جاں بحق ہو گئیں۔
.ذریعہ: Express News
کلیدی لفظ: نائٹ کلب
پڑھیں:
پختونخوا میں کار کھائی میں جاگری؛ 2 بھائیوں سمیت 4 افراد جاں بحق
ڈی آئی خان:پختونخوا میں کار کھائی میں گرنے کے حادثے میں دو بھائیوں سمیت چار افراد جاں بحق اور دو زخمی ہو گئے۔
پولیس کے مطابق ڈیرہ اسماعیل خان کی تحصیل درازندہ کے سیاحتی مقام المرکلاں میں افسوسناک ٹریفک حادثے کے نتیجے میں 4 افراد جاں بحق اور 2 شدید زخمی ہو گئے۔
حادثہ اس وقت پیش آیا جب ایک کار ڈرائیور کے قابو سے باہر ہو کر گہری کھائی میں جا گری۔
المناک حادثے میں جاں بحق ہونے والے تمام افراد کا تعلق گاؤں بیاران، خدرزائی سے ہے۔ جاں بحق افراد میں عبدالرحیم اور انس خان شامل ہیں جو سگے بھائی تھے۔ عبدالرحیم حال ہی میں عیدالفطر کے موقع پر دبئی سے وطن واپس آئے تھے۔
حادثے میں 2 افراد شدید زخمی ہوئے جنہیں طبی امداد کے لیے قریبی اسپتال منتقل کر دیا گیا ہے، جہاں ان کی حالت نازک بتائی جا رہی ہے۔
جاں بحق افراد کی نماز جنازہ آج شام 5 بجے گاؤں بیاران رغہ سر قبرستان، خدرزائی میں ادا کی جائے گی۔
علاقے میں حادثے کے بعد فضا سوگوار ہے اور گاؤں میں غم کی لہر دوڑ گئی ہے۔ پولیس نے واقعے کی تحقیقات شروع کر دی ہیں۔
اسلامی ممالک کا نیا بلاک بننے جا رہا ہے، علامہ راغب نعیمی