پشاور ہائیکورٹ: مہاجر کارڈ کی بنیاد پر شہریت دینے کی درخواستیں وزارت داخلہ کو ارسال
اشاعت کی تاریخ: 9th, April 2025 GMT
پشاور ہائی کورٹ نے مہاجر کارڈ کی بنیاد پر شہریت دینے کی درخواستیں وزارت داخلہ کو ارسال کرتے ہوئے انہیں نمٹانے کا حکم جاری کردیا جبکہ پاکستان اوریجن کارڈ کے اجراء میں تاخیر کے خلاف درخواست پر نادرا کو درخواست گزاروں کی شکایات سننے کی ہدایت کرتے ہوئے تفصیلی رپورٹ بھی طلب کرلی۔
پشاور ہائی کورٹ میں مختلف درخواستوں پر سماعت جسٹس وقار احمد کی سربراہی میں قائم بنچ نے کی۔ درخواست گزاروں کے وکیل سیف اللہ محب کاکا خیل نے عدالت کو بتایا کہ درخواست گزار افغان مہاجر ہیں جن کو پاکستان اوریجن کارڈ (پی اوسی) پاکستانی حکومت نے جاری کیا ہے اور پاکستانی قانون کے مطابق اگر4 سال کوئی پاکستان میں گزارے تو وہ شہریت لینے کا اہل ہو جاتا ہے۔
وکیل نے سیکشن 3 نیچر لائزیشن ایکٹ 1926ء کا حوالہ دیا اور بتایا کہ درخواست گزاروں نے کئی بار وزارت داخلہ سے رابطہ کیا لیکن وہاں ان کی درخواست بھی نہیں لی جارہی جس پر انہوں نے عدالت سے رجوع کیا، پاکستان میں غیرملکیوں کو شہریت دینے سے متعلق قانون موجود ہے لیکن اس پر عملدرآمد نہیں ہورہاہے۔
فاضل بنچ نے مختلف درخواستیں نمٹاتے ہوئے انہیں وزارت داخلہ کوارسال کردیا اور احکامات جاری کیے کہ سیکشن 3کے تحت ان درخواستوں کو نمٹایا جائے۔
اسی طرح پاکستان اوریجن کارڈ کے اجراء میں تاخیر اور عدالتی احکامات پر عملدرآمد نہ ہونے پر نادرا کے خلاف دائر درخواست پر سیف اللہ محب ایڈوکیٹ نے بتایا کہ نادرا عدالت کے واضح احکامات کے باوجود ٹال مٹول سے کام لے رہاہے، بااثر افراد کو پی او سی کارڈجاری کیا گیا ہے تاہم جو افغان مہاجرین برسوں سے پاکستان میں رہ رہے ہیں اور ان کے ہاں بچے پیدا ہوئے اوران کے پاس تمام ثبوت بھی موجود ہیں مگر اثرو رسوخ نہ ہونے کی وجہ سے انہیں واپس کر دیا جاتا ہے۔
بعدازاں عدالت نے نادرا حکام کو حکم دیا کہ وہ 5مئی کو تمام متاثرہ افراد کی شکایات سنے اور ان کی پاکستان اوریجن کارڈ کی درخواستوں پرباقاعدہ عملدرآمد کرے۔ عدالت نے آئندہ سماعت پر نادرا سے تفصیلی رپورٹ بھی طلب کرتے ہوئے سماعت16مئی تک ملتوی کردی۔
ذریعہ: Express News
کلیدی لفظ: پاکستان اوریجن کارڈ وزارت داخلہ کی درخواست
پڑھیں:
خدمات اور وفاداری کا اعتراف، عمان کی جانب سے 45 افراد کو شہریت دینے کا شاہی فرمان جاری
سلطانِ عمان، سلطان ہیثم بن طارق نے شاہی فرمان کے تحت 45 افراد کو عمانی شہریت دینے کی منظوری دے دی۔
شاہی فرمان میں کہا گیا ہے کہ یہ اقدام سلطنتِ عمان کے سماجی اتحاد کو مضبوط بنانے اور اُن افراد کو سراہنے کے لیے ہے جنہوں نے ملک کے لیے گہری وابستگی، خدمات اور وفاداری کا مظاہرہ کیا ہے۔
یہ بھی پڑھیے: امریکا: سیاحتی ویزے پر سیکیورٹی بانڈ رکھنے کا منصوبہ، کون سے ممالک متاثر ہوسکتے ہیں؟
واضح رہے کہ رواں سال فروری میں نئے عمانی نیشنلٹی قانونکا نفاذ عمل میں آیا، جس نے 2014 میں نافذ سابق قانون کی جگہ لی۔ نیا قانون 2 فروری 2025 سے مؤثر ہوا۔
عمانی قانون کے مطابق دوہری شہریت عام طور پر ممنوع ہے، سوائے اُن صورتوں کے جب سلطان خصوصی فرمان کے ذریعے اجازت دیں۔ آرٹیکل 23 کے تحت، اگر کوئی عمانی شہری غیر ملکی شہریت حاصل کرتا ہے تو وہ خودبخود عمانی شہریت سے محروم ہو جائے گا۔
شادی سے متعلق شقوں کے مطابق، اگر کوئی غیر ملکی مرد عمانی خاتون سے شادی کے ذریعے شہریت حاصل کرے اور شادی 5 سال کے اندر ختم ہو جائے، تو اس کی شہریت منسوخ کر دی جائے گی۔ تاہم، بچوں کی شہریت متاثر نہیں ہوگی۔
یہ بھی پڑھیے: سپریم کورٹ: افغان شہریوں کو شہریت دینے سے متعلق پشاور ہائیکورٹ کا فیصلہ معطل
اسی طرح اگر کوئی غیر ملکی خاتون عمانی مرد سے شادی کے ذریعے شہریت حاصل کرے اور بعد میں طلاق کے بعد کسی غیر عمانی سے شادی کرے تو اس کی عمانی شہریت دوسری شادی کی تاریخ سے ختم تصور کی جائے گی۔
آرٹیکل 26 کے مطابق، کوئی بھی شخص اگر سلطان یا سلطنت کی توہین کرے یا ایسی جماعتوں میں شامل ہو جو ملک کے مفادات کے خلاف نظریات رکھتی ہوں، تو اس کی شہریت واپس لی جا سکتی ہے۔
مزید یہ کہ اگر کوئی عمانی شہری کسی غیر ملکی حکومت میں ایسے عہدے پر فائز ہو جو عمان کے مفادات کے خلاف ہو، اور حکومتی انتباہ کے باوجود استعفیٰ نہ دے، تو اس کی شہریت بھی منسوخ کی جا سکتی ہے۔
یہ بھی پڑھیے: سعودی عرب نے اوبر کے شریک بانی اور ریڈ سی گروپ کے سی ای او کو شہریت دے دی
آرٹیکل 27 کے تحت، ریاستی سلامتی کے خلاف جرم میں سزا یافتہ یا پانچ سال کے اندر متعدد سنگین جرائم میں ملوث افراد کی شہریت منسوخ کی جا سکتی ہے۔
قانون میں یہ بھی شامل ہے کہ جو افراد دو سال سے زائد عرصے تک عمان سے باہر رہیں اور ان کے پاس کوئی جائز وجہ نہ ہو، وہ بھی شہریت سے محروم ہو سکتے ہیں۔
یہ تمام اقدامات سلطنتِ عمان کی قومی سالمیت، وفاداری، اور ریاستی نظم کو مضبوط بنانے کے لیے کیے گئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خدمات شہریت عمان قوانین
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف