اور پھر بیاں اپنا (دوسرا اور آخری حصہ)
اشاعت کی تاریخ: 25th, April 2025 GMT
(1)۔ مولوی عبدالسلام صاحب سے خواجہ حسن نظامی نے اصرار کرکے تصوف پر ایک ضخیم کتاب لکھوائی، اجرت جس کی دس ہزار روپے طے پائی اور مولوی صاحب نے سات برس کی محنت اور دماغ کا تیل نکال کر روغن بادام کشید کرنے کی جگہ، جو ان کا اصل کام تھا، اس کتاب کا مسودہ تیار کیا اور خواجہ حسن نظامی نے حسب وعدہ روپوں کی ڈھیری (اس وقت چاندی کے روپے چلتے تھے) مولوی عبدالسلام صاحب کے سامنے چن دی۔ تو صرف اتنی سی بات پرکہ کہیں خواجہ حسن نظامی نے ایک جگہ انگلی رکھ کر پوچھا ’’کہ کیا یہ عام مسلمان برداشت کر لیں گے؟‘‘ مولوی عبدالسلام کا ناریل چٹخ گیا، وہیں مسودہ چاک کردیا اور تیوری پہ بل ڈالے بغیر گویا ہوئے۔ خدا خوش رکھے، چائے پلوائیے، ایسا نہ ہو کہ ہماری آپ کی دوستی میں فرق آجائے۔ ہمیں کتاب لکھتے وقت خیال ہی نہ رہا، اسے آپ جیسے صوفی بھی پڑھیں گے۔ ‘‘
(2)۔ ’’ایک جیب کترے تھے جن کا انگوٹھا قینچی کے پھل کی طرح دھاری دار تھا، کلمے کی انگلی پتھر پرگھس کر شیشے کی مانند سخت کر لی تھی۔ بس جہاں ان کی چٹکی لگ جاتی، قینچی کو پیچھے بٹھاتی تھی۔ ایک صاحب کوئی باہر کے خواجہ حسن نظامی کے ہاں آئے اور ان سے شکایت کی کہ دلی کے جیب کتروں کی بڑی دھوم تھی۔ آج ہمیں چار دن دلّی کے بھرے بازاروں میں پھرتے ہوئے ہو گئے، جوک اور یاوڑی بھی ہو آئے، لیکن کسی کی مجال نہ ہوئی کہ ہماری جیب کی طرف نظر اٹھا کر بھی دیکھتا۔
خواجہ صاحب نے ان چٹکی باز کو بلوایا اور ان صاحب سے اس چٹکی باز کا آمنا سامنا کرا دیا۔ اس ہنرمند نے مسکرا کر کہا ’’میرے شاگردوں نے ان کا حلیہ بتایا تھا، چار دن سے یہ اپنے انگرکھے میں اندر کی جیب میں پیتل کی آٹھ اشرفیاں ڈالے گھوم رہے ہیں۔ اب بتائیے جعلی سکوں پر کون اپنی نیت خراب کرے۔‘‘ چٹکی باز کا بیان سن کر وہ بزرگ ششدر رہ گئے۔
(3)۔ پھر علم و فضل کا یہ حال تھا کہ لارڈ کرزن جب ہندوستان میں وائسرائے بن کر آئے تو آزمانے کے لیے ایک عربی زبان کا نول چیلوں کے کوچے کی دھوم سن کر اس محلے میں بھجوا دیا (چیلوں کا کوچہ دراصل ’’کوچۂ چہل امیراں‘‘ کا بگڑا ہوا نام ہے۔ جہاں دلّی شہر کے چالیس امیروں کے نہایت خوبصورت مکانات تھے اور یہ علاقہ گویا ’’بستے تھے منتخب ہی جہاں روزگار کے‘‘ کے مصداق تھا، بڑی شہرت تھی اس علاقے کی) کہ کوئی اس ناول پہ اعراب لگا دے، یعنی معرب کر دے، تو پتا چلے کہ کوئی عربی داں بھی اس میں ہے یا نہیں۔ مولانا محمد علی جوہر اور مولانا شوکت علی کا جہاں چھاپہ خانہ تھا اسی کے برابر کیکر والی مسجد کے مولوی صاحب جو بچوں کو عربی، فارسی، علم الحدیث پڑھاتے تھے۔
شدہ شدہ یہ ناول ان کے پاس پہنچا، تو وقت عشا کی نماز کے بعد کا تھا، مولوی صاحب نے صبح کی نماز سے پہلے اس ناول پر اعراب لگا دیے۔ اتنی دیر میں اس عرصے میں یہ ناول پڑھا بھی نہیں جا سکتا تھا۔ لارڈ کرزن نے اپنا سیکریٹری ان مولوی صاحب کے پاس بھیجا اور پچھوایا کہ کیا مولوی صاحب اس کے صلے میں شمس العلما کا خطاب قبول فرمائیں گے؟‘‘
مولوی صاحب نے جواب دیا ’’سخن فہمی عالم بالا معلوم باشد، سبحان اللہ شبلی کو بھی وہی خطاب اور ہمیں بھی وہی خطاب۔‘‘
چنانچہ ساری زندگی مسجد کے ٹکڑوں پر گزار دی اور گمنامی کی زندگی کو خطاب یافتہ ہونے پر ترجیح دی۔ ایسے تھے دلی والے۔ نہ ستائش کی تمنا نہ صلے کی پرواہ۔ کیسے مستغنی لوگ تھے۔
حکیم عبدالسلام دہلوی جنھوں نے بعد میں اپنے نام کے ساتھ نیازی لگانا شروع کر دیا تھا جن کے نام کا جزو ’’ نیازی‘‘ تھا کے بارے میں بے شمار واقعات ایسے ہیں جنھیں سن کر عقل دنگ رہ جاتی ہے، وہ کسی سے نہ ڈرتے تھے، بہت بڑے عالم، عربی، فارسی، حدیث اور فلسفے کے (ایک واقعہ عزیز میاں قوال کا میں اپنے کسی کالم میں لکھ چکی ہوں کہ کس طرح عزیز میاں دلی گئے، مولانا سے ملے اور پھر ان پر کیا حیرت انگیز واقعات رونما ہوئے) بے مثال استاد تھے۔ غصہ انھیں بہت آتا تھا لیکن غلط بات پر۔ ان کے ایک سے زیادہ روپ تھے۔ زیادہ تر لوگ جو انھیں قریب سے جانتے تھے ان کا خیال ہے کہ مولانا نے انسان کا روپ بدلا ہے۔ ورنہ وہ ہیں کچھ اور۔ وہ بے بدل عالم اور بے سقم استاد تھے۔
(4)۔ ایک دفعہ مولوی صاحب کے گھر سانپ نکل آیا اور آتے ہی اس نے مولوی صاحب کو ڈس لیا، کالا ناگ تھا جیسے خزانے کا سانپ۔ اوپر سے بھی سیاہ اور نیچے سے بھی سیاہ، جس کے دیکھنے سے روح فنا ہو۔ کسی کو یقین نہ تھا کہ مولوی صاحب اب کسی سے پانی بھی نہ مانگ سکیں گے۔ لیکن مولوی صاحب نے یہ کہا کہ جتنے ان کے شاگرد اس وقت وہاں موجود تھے ان سب کو حکم دیا کہ سب فوراً نیچے اتر جاؤ اور کسی کو اوپر نہ آنے دو، جب تک وہ خود اندر سے دروازہ نہ کھولیں اور کہا کہ چوبیس گھنٹے تک اس حادثے کی کسی کو اطلاع نہ دی جائے۔ چوبیس گھنٹے بعد آ کر دیکھیے گا کہ زہر انسان میں زیادہ ہوتا ہے یا سانپ میں اورکس کا زہر کس پر غالب آتا ہے۔
خدا خوش رکھے، چوبیس گھنٹے بعد جب دروازہ کھلا تو دیکھا کہ سانپ مولوی صاحب کے سامنے مرا پڑا ہے اور مولوی صاحب حسب معمول چاق و چوبند، ہشاش بشاش بیٹھے ہیں۔ فرمایا دیکھ لیجیے انسان کا زہر غالب آیا اور یاد کیجیے کہ مارگزیدہ بچ سکتا ہے، البتہ مردم گزیدہ کا بچنا مشکل ہے۔ دونوں مثالیں اس وقت یکجا ہیں۔ کیا بات کی مولوی صاحب نے کہ مردم گزیدہ یعنی انسان کا کاٹا نہیں بچ سکتا۔ ایسے میں غالب کا یہ شعر یاد آتا ہے:
پانی سے سگ گزیدہ ڈرے جس طرح اسدؔ
ڈرتا ہوں آئینے سے کہ مردم گزیدہ ہوں
(5)۔1947 کے فسادات میں جب بازار سیتارام کے مسلمانوں کا صفایا ہو گیا تو اس کا اثر ترکمان دروازے تک پہنچا تو سب سمجھ گئے کہ مولوی صاحب بھی گئے۔ لیکن جب تھوڑی سی امید جمی ہوئی اور لوگ گھروں سے نکلے تو دیکھا مولوی صاحب برف سے سفید کپڑے پہنے بقعہ نور بنے چار ابرو کا صفایا کیے موسم کا عطر لگائے کندھے پر رومال ڈالے تانگے پر معمول کے مطابق آگے کی طرف بیٹھے تنہا خواجہ نظام الدین اولیا کے مزار کی طرف چلے جاتے ہیں۔
جب معتقدین نے پوچھا کہ حضرت آپ کہاں تھے؟ تو فرمایا ’’وہیں اپنے مقام پر۔‘‘ کچھ عرصہ کے بعد سنا کہ جو سکھ مولوی صاحب کو ختم کرنے کے لیے ان کے کوٹھے پر چڑھے تھے ان سے مولوی صاحب نے اپنی گرجدار آواز میں کیا کہا کہ سب نے اپنی کرپانیں ان کے قدموں میں ڈھیر کرکے ان کے مرید ہوگئے، اور جب تک فسادات زوروں پر رہے ان کے جان و مال کی حفاظت کرتے رہے۔ یہ بھی سننے میں آیا کہ دلّی کے ہفتہ وار اخبار ریاست کے مدیر دیوان سنگھ مفتون ہنگامے شروع ہوتے ہی مولوی صاحب کے گھر پہنچے کہ کہیں اس قتل و غارت گری میں کوئی ناعاقبت اندیش مولوی صاحب پر ہاتھ نہ صاف کر دے۔
(6)۔ ایک مرتبہ دہلی میں شاہد احمد دہلوی کے گھر موسیقی کی محفل تھی، اس محفل میں استاد بندوخاں سارنگی نواز سارنگی بجا رہے تھے، کسی نے کہا استاد کیا یہ بات درست ہے کہ دیپک راگ گانے سے آگ لگ جاتی ہے، انھوں نے کہا سنا تو ہے، پھر سارنگی پر گز مار کر بولے ، لیجیے سنیے! اور یہ کہہ کر سارنگی پر دیپک راگ چھیڑ دیا۔ تھوڑی دیر بعد جب استاد گرم ہوئے تو چھت کی کڑیوں میں سے گرم گرم مٹی گرنی شروع ہوگئی اور جس پر گری اسے یوں محسوس ہوا جیسے جلتے ہوئے کوئلوں کی راکھ۔ بھائی شاہد نے استاد بندو خاں کی سارنگی پہ ہاتھ رکھا اور کہا۔ بس استاد! اب کیا چھت کی کڑیاں جلا دیں گے؟
(7)۔ ایک بار ساون کا مہینہ تھا اور بارش نہیں ہو رہی تھی، ملکۂ موسیقی روشن آرا بیگم نے ریڈیو پر گانا تھا، انھوں نے راگ چھیڑا ’’میگھ ملہار‘‘ جسے بارش سے منسوب کیا جاتا ہے، چنانچہ جب روشن آرا بیگم راگ ملہار گاتی رہیں، اسی وقت بارش ہونے لگی اور جل تھل ہوگئے۔
(’’پھر باتیں ایسی نہ سنیے گا‘‘ سے اقتباس)
.ذریعہ: Express News
کلیدی لفظ: خواجہ حسن نظامی مولوی صاحب نے مولوی صاحب کے
پڑھیں:
پوپ فرانسس کی آخری رسومات ہفتے کے روز سینٹ پیٹرز اسکوائر میں ادا کی جائیں گی
ویٹیکن نے پوپ فرانسس کے انتقال کی تصدیق کرتے ہوئے اعلان کیا ہے کہ ان کی آخری رسومات ہفتے کے روز سینٹ پیٹرز اسکوائر میں صبح 10 بجے (مقامی وقت) ادا کی جائیں گی۔ 88 سالہ پوپ فرانسس دماغی فالج اور دل کے ناکامی کے باعث انتقال کرگئے تھے۔
ویٹیکن کی جانب سے جاری تصاویر میں پوپ فرانسس کی میت کو کھلے تابوت میں دکھایا گیا ہے، جہاں وہ سرخ لباس، پاپائی تاج اور ہاتھ میں تسبیح تھامے نظر آتے ہیں۔ ان کے انتقال پر کیتھولک برادری میں گہرے رنج و غم کا اظہار کیا جا رہا ہے۔
پوپ فرانسس کے انتقال کے بعد ویٹیکن حکام نے ان کی رہائش گاہ کے دروازے سیل کر دیے ہیں، جبکہ نئے پوپ کے انتخاب کے لیے کارڈینلز کا اجلاس 2 ہفتوں میں طلب کیا جائے گا۔
پوپ فرانسس کی آخری رسومات میں کن عالمی رہنماؤں کی شرکت متوقعپوپ فرانسس کی آخری رسومات ہفتے کے روز سینٹ پیٹرز اسکوائر میں صبح 10 بجے (مقامی وقت) ادا کی جائیں گی۔ امریکی صدر ڈونلڈ ٹرمپ، جو امیگریشن کے معاملے پر پوپ فرانسس سے کئی بار اختلافات کا شکار رہے، نے اعلان کیا ہے کہ وہ اپنی اہلیہ کے ہمراہ روم روانہ ہوں گے تاکہ اس تقریب میں شرکت کرسکیں۔
اس کے علاوہ ارجنٹائن کے صدر خاویئر میلئی، برازیل کے صدر لوئیز اناسیو لولا ڈا سلوا اور یوکرین کے صدر ولادیمیر زیلنسکی بھی پوپ کی تدفین میں شرکت کے لیے ویٹی کن پہنچیں گے۔
پوپ کا انتخاب کیسے ہوتا ہے؟پوپ فرانسس کے انتقال کے بعد، ویٹیکن میں نئے پوپ کے انتخاب کا عمل جلد شروع ہوگا۔ کیتھولک چرچ کے سینیئر مذہبی رہنماؤں پر مشتمل کالج آف کارڈینلز نیا پوپ منتخب کرتا ہے۔
دنیا بھر میں کارڈینلز کی تعداد 240 سے زائد ہے، مگر صرف وہ کارڈینلز جو 80 سال سے کم عمر ہوں، ووٹ ڈالنے کے اہل ہوتے ہیں۔ اس انتخابی عمل کو پاپل کونکلیو کہا جاتا ہے۔ انتخاب کے دوران کارڈینلز ویٹیکن کے سسٹین چیپل میں خود کو بند کر لیتے ہیں تاکہ بیرونی مداخلت سے بچا جا سکے۔
رائے شماری خفیہ بیلٹ کے ذریعے کی جاتی ہے، اور نئے پوپ کے انتخاب کے لیے دو تہائی اکثریت درکار ہوتی ہے۔ ہر ووٹنگ راؤنڈ کے بعد ووٹ جلائے جاتے ہیں، اگر سیاہ دھواں نکلے تو مطلب یہ ہوتا ہے کہ کوئی فیصلہ نہیں ہوا، جبکہ سفید دھواں نئے پوپ کے انتخاب کی علامت ہوتا ہے۔ نئے پوپ کے انتخاب کے بعد سینٹ پیٹرز باسیلیکا سے ایک سینیئر کارڈینل دنیا کو نئے پوپ کے نام کا اعلان کرتا ہے۔
پوپ فرانسس کی 12 سالہ مدت، طاقت کی کشمکش اور مذہبی نظریاتی اختلافات کا دورماہر عالمی امور مارکو وِچینزیو کا کہنا ہے کہ پوپ فرانسس کے انتقال کے بعد کیتھولک چرچ کو کئی نظریاتی اور قیادت سے جڑے چیلنجز کا سامنا ہے۔ ان کے مطابق، فرانسس کی 12 سالہ پاپائی مدت ’طاقت کی کشمکش اور مذہبی نظریاتی تنازعات‘ سے بھری رہی۔
وِچینزیو نے کہا کہ چرچ کے روایتی قدامت پسند حلقوں کے لیے فرانسس کی اصلاحات حد سے زیادہ تھیں، جبکہ جدید نظریات رکھنے والے لبرل اصلاح پسندوں کے نزدیک وہ کافی نہیں تھیں۔ فرانسس اکثر دونوں دھڑوں میں توازن قائم رکھنے کی کوشش کرتے رہے لیکن شاید کبھی مکمل کامیابی حاصل نہ کر سکے۔
ماہرین کے مطابق، نئے پوپ کو بھی انہی نظریاتی تنازعات کا سامنا ہوگا اور امکان ہے کہ وقت گزرنے کے ساتھ یہ اختلافات مزید شدت اختیار کر جائیں گے۔ پوپ فرانسس نے اپنے دور میں قریباً دو تہائی کارڈینلز خود منتخب کیے، اس لیے بظاہر لگتا ہے کہ ان کا جانشین انہی کی سوچ کا عکاس ہوگا، لیکن تاریخ بتاتی ہے کہ یہ ہمیشہ ضروری نہیں ہوتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آخری رسومات امریکی صدر ڈونلڈ ٹرمپ، پوپ فرانسس سینٹ پیٹرز اسکوائر ویٹیکن
پی ایس ایل 2025: آج کراچی کنگز اور کوئٹہ گلیڈی ایٹرز مدِمقابل