’’کون سے نمبر کا بوائے فرینڈ ہے؟‘‘ شروتی ہاسن نے کیا جواب دیا؟
اشاعت کی تاریخ: 27th, April 2025 GMT
بالی ووڈ کی نڈر اور بے باک اداکارہ شروتی ہاسن اپنی نجی زندگی کے معاشقوں کے باعث بھی خبروں کی زینت بنتی رہتی ہیں۔ حال ہی میں فلم فیئر کو دیے گئے ایک انٹرویو میں انہوں نے ان سوالوں کا بھی بڑے پر وقار انداز میں جواب دیا جن میں لوگ ان سے یہ پوچھتے ہیں: ’’اب یہ کون سے نمبر کا بوائے فرینڈ ہے؟‘‘
اداکارہ شروتی ہاسن ہمیشہ اپنی ذاتی زندگی کو لے کر کھل کر بات کرتی آئی ہیں۔ چاہے رشتوں کی اونچ نیچ ہو یا دل شکستگی کا قصہ، شروتی نے کبھی اپنے جذبات پر پردہ نہیں ڈالا۔ جب شروتی سے پوچھا گیا کہ کیا انہیں اپنی زندگی میں کسی چیز پر افسوس ہے تو انہوں نے بے ساختہ جواب دیا، ’’میں نے کچھ لوگوں کو انجانے میں دکھ پہنچایا ہے، جس کا مجھے افسوس ہے۔ باقی معاملات پر میرے پاس کوئی پچھتاوا نہیں۔ میں مانتی ہوں کہ میں کبھی کبھار ایک مسخرہ بنی، لیکن یہ بھی میرا سفر تھا۔ البتہ جن لوگوں کی میرے دل میں خاص جگہ تھی، انہیں تکلیف دینا میری سب سے بڑی ادھوری معافی ہے، جسے میں آج بھی دل سے مانتی ہوں۔‘‘
رشتوں، بریک اپس اور دل ٹوٹنے کے موضوع پر بات کرتے ہوئے شروتی نے اعتراف کیا کہ کاش وہ کبھی اپنے رشتوں کے اثر میں اتنی نہ آتیں۔ انہوں نے کہا، ’’ہم سب کی زندگی میں ایک ایسا خطرناک سابق ہوتا ہے جس کی یاد تکلیف دیتی ہے، لیکن مجموعی طور پر میں اپنے تمام پرانے رشتوں کو بغیر کسی پچھتاوے کے بند کر چکی ہوں۔‘‘
جب لوگ طنزیہ انداز میں ان سے پوچھتے ہیں کہ ’’یہ کون سے نمبر کا بوائے فرینڈ ہے؟‘‘ تو شروتی بڑی بردباری سے جواب دیتی ہیں، ’’آپ کےلیے یہ محض ایک گنتی ہوسکتی ہے، لیکن میرے لیے یہ ہر اس بار کی کہانی ہے جب میں اپنی چاہی گئی محبت حاصل کرنے میں ناکام رہی۔ اس لیے میں اس بات پر شرمندہ نہیں ہوتی.
شروتی نے مزید کہا کہ وہ ہمیشہ اپنے رشتوں میں وفادار اور مخلص رہی ہیں۔ اگر کبھی کسی کو چننے سے گریز کیا تو انہیں کسی کو جوابدہ ہونے کی ضرورت بھی محسوس نہیں ہوئی۔ انہوں نے یہ بھی تسلیم کیا کہ رشتوں کے بکھرنے پر وہ اپنے سابق ساتھیوں کو قصوروار نہیں ٹھہراتیں۔
ذریعہ
ذریعہ: Express News
کلیدی لفظ: انہوں نے
پڑھیں:
لاہور میں گینگ ریپ کی شکار 18 سالہ گھریلو ملازمہ اسقاطِ حمل کے دوران جاں بحق
لاہور ( اُردو پوائنٹ اخبارتازہ ترین۔ 02 جون2026ء ) لاہور کے علاقے ماڈل ٹاؤن میں مبینہ زیادتی کا شکار ہونے والی 18 سالہ گھریلو ملازمہ اسقاطِ حمل کے دوران جان کی بازی ہار گئی۔ میڈیا رپورٹس کے مطابق لاہور کے علاقہ ماڈل ٹاؤن کے ایک گھر میں ملازمہ کے طور پر کام کرنے والی 18 سالہ لڑکی مبینہ طور پر گینگ ریپ اور بعد ازاں غیر قانونی طبی طریقہ کار کے باعث زندگی کی بازی ہار گئی ہے، متوفیہ نے ہسپتال میں دم توڑنے سے قبل اپنے بیانات ریکارڈ کرادیئے۔ پولیس حکام کا کہنا ہے کہ لڑکی کا حمل ضائع کرنے کے لیے اسے پہلے رائے ونڈ کے ایک نجی کلینک لے جایا گیا، جہاں حالت بگڑنے پر اسے سروسز ہسپتال منتقل کیا گیا، وہ دو روز تک سروسز ہسپتال میں زیرِ علاج رہنے کے بعد دم توڑ گئی، متاثرہ لڑکی نے اپنے تحریری اور ویڈیو بیانات میں مکان مالک کے بیٹے اور ڈرائیور پر اجتماعی زیادتی کا سنگین الزام عائد کیا تھا، بعد میں مبینہ دباؤ کے تحت لڑکی نے اپنے بیان میں تبدیلی کی اور اپنے آخری بیان میں صرف ڈرائیور کو ہی نامزد کیا۔(جاری ہے)
پولیس نے بتایا کہ لڑکی کے ابتدائی بیانات کی روشنی میں گینگ ریپ کا مقدمہ درج کیا گیا تھا، تاہم اس کی موت کے بعد مقدمے میں باقاعدہ طور پر قتل کی دفعات بھی شامل کر دی گئی ہیں، ایک نامزد ملزم ڈرائیور کو گرفتار کرکے جوڈیشل ریمانڈ پر جیل بھیج دیا گیا ہے، قتل کی دفعات شامل ہونے کے بعد کیس کی تفتیش جینڈر سیل سے تبدیل کرکے انویسٹی گیشن ونگ کے سپرد کر دی گئی ہے، پولیس نے گھر کے مالکان سمیت ان تمام افراد کو دوبارہ شاملِ تفتیش کرنے کے لیے نوٹسز جاری کر دیئے ہیں جنہیں پہلے کلیئر کر دیا گیا تھا۔ پولیس کا کہنا ہے کہ ضابطہ فوجداری کی دفعہ 164 کے تحت ریکارڈ کیے گئے بیانات کا دوبارہ باریک بینی سے جائزہ لیا جائے گا، متوفیہ کا پوسٹ مارٹم مکمل کر لیا گیا ہے اور موت کی اصل وجہ رپورٹ آنے کے بعد واضح ہوگی، اگر رائے ونڈ کے نجی کلینک کی جانب سے غفلت یا غیر قانونی طریقہ کار کے شواہد ملے تو اس کے خلاف بھی سخت قانونی کارروائی کی جائے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ