وزیراعظم نے پہلی ملاقات کے بعد ہی کہہ دیا تھا کینالز نہیں بنیں گے، وزیراعلیٰ سندھ
اشاعت کی تاریخ: 28th, April 2025 GMT
وزیراعلیٰ سندھ مراد علی شاہ نے کہا ہے کہ وزیراعظم نے ہماری پہلی ملاقات کے بعد ہی کہہ دیا تھا کہ کینالز نہیں بنیں گے، وزیراعظم نے 2 مئی کے بجائے آج اجلاس بلا لیا جس پر ان کے شکرگزار ہیں۔
وزیراعلیٰ سندھ مراد علی شاہ نے سی سی آئی اجلاس کے بعد میڈیا سے بات چیت کرتے ہوئے کہا کہ وفاقی حکومت سی سی آئی میں اتفاق رائے کے بغیر کوئی کینال نہیں بنائےگی، کینالز سے متعلق مزید کام کو بھی روک دیا گیا ہے۔
انہوں نے کہا کہ وفاقی حکومت پانی کے استعمال کا تمام صوبوں سے مل کر پلان بنائے گی، 1991 کے معاہدے پر مکمل عملدرآمد کیا جائے گا، پانی کے تنازعات کو فوری حل کیا جائے گا۔
مشترکہ مفادات کونسل نے نئی نہریں بنانے کا فیصلہ.
وزیراعلیٰ سندھ نے کہا کہ سی سی آئی نے 7 کینالز کی عبوری منظوری اور چولستان کینال کی اجازت واپس لے لی، پلاننگ ڈویژن اور ارسا کو ہدایت کی ہے کہ اتفاق رائے کے بغیر یہ منصوبے دوبارہ کسی فورم پر نہیں لائے جائیں گے۔
مراد علی شاہ نے کہا کہ کینالز کے کیس کو حکومت سندھ نے آئینی طریقے سے لڑا، میں نے ہمیشہ کہا کہ کینالز نہیں بن رہے، کوئی کہیں جا کر بتا رہا تھا کہ یہ کینالز بن رہے ہیں، کے بی فیڈر کی لائننگ کی ویڈیو بنا کر بھی دکھایا گیا کہ یہ چولستان کینال بن رہا ہے، ہم نے اپنے انجنیئر بھیج کر کام نہ ہونے کی تصدیق کرائی، ہمیں تو یقین تھا کہ جب پیسے ہی نہیں رکھے گئے تو کینال کیسے بنےگا۔
وزیراعلیٰ سندھ نے کہا کہ صدر زرداری کو بھی معاملے میں گھسیٹا گیا، اس میٹنگ میں پانی و بجلی سے متعلق کوئی وزیر نہیں تھا، صدر نے پارلیمنٹ کے مشترکہ اجلاس میں صاف کہا کہ وہ کسی یکطرفہ فیصلے کو نہیں مانتے، صدر زرداری کو وضاحت کے بعد بھی تنقید کا نشانہ بنانے کی کوشش کی گئی۔
پاکستان پیپلزپارٹی ( پی پی پی) کے چیئرمین بلاول بھٹو زرداری نے مشترکہ مفادات کونسل ( سی سی آئی) اجلاس کی تصویر پر تبصرہ کردیا۔
مراد علی نے کہا کہ وزیراعظم سے کینالز کے معاملے پر پہلی میٹنگ رمضان میں ہوئی تھی، وزیراعظم نے اس وقت کہا کہ جلد ہم اس پر اجلاس بلائیں گے، حکومت کے خلاف سندھ میں پروپیگنڈا کیا گیا، لوگوں کو ورغلایا گیا، میں نے اسمبلی فلور پر کہا کہ کینال نہیں بن رہے۔
وزیراعلیٰ سندھ نے کہا کہ وہ کہتے تھے کہ وفاق آپ کی بات نہیں مان رہا تو حکومت چھوڑ کیوں نہیں دیتے، ہم نے کہا کہ کیا آپ چاہتے ہیں کہ ہم جائیں اور نگران آ کر کوئی اور فیصلہ کردیں؟
مراد علی شاہ کا مزید کہنا تھا کہ تاریخ میں آج تک نہیں ہوا کہ سی سی آئی نے کوئی منصوبہ رد کیا ہو، پرزور اپیل ہے کہ دھرنے فی الفور ختم کیے جائیں، دھرنے سے لوگوں کو تکلیف ہوئی، دوائیاں رکیں، مویشی مر رہے ہیں، ہم نے کہا کہ لوگوں کو تکلیف نہ پہنچائیں، اس فیصلے کے بعد اتفاق رائے کے بغیر کوئی نہر نہیں بنے گی، نفرتیں پھیلانے والے آج ناکام ہوگئے ہیں۔
ذریعہ: Jang News
کلیدی لفظ: مراد علی شاہ نے کہا کہ کہ کینال نہیں بن کے بغیر تھا کہ کے بعد
پڑھیں:
سندھ کی اپیل پر مشترکہ مفادات کونسل کا اجلاس آج ہی طلب
اسلام آباد(ڈیلی پاکستان آن لائن)وزیراعظم شہباز شریف نے سی سی آئی کا اجلاس آج ہی طلب کرلیا۔
نجی ٹی وی چینل دنیا نیوز کے مطابق مشترکہ مفادات کونسل کا اجلاس آج وزیراعظم ہاؤس میں ہوگا،مشترکہ مفادات کونسل نے اجلاس کی طلبی کا نوٹیفکیشن جاری کیا، چاروں وزرائے اعلیٰ، وفاقی وزرا سمیت 25شرکا کو خصوصی دعوت دی گئی ہے۔
دوسری جانب سندھ کے سینئر وزیر شرجیل میمن پُرامید ہیں کہ مشترکہ مفادات کونسل میں آج ہی کینالوں کے معاملے کا فیصلہ ہوجائے گا۔
سینئر وزیر سندھ شرجیل انعام میمن کیجانب سے جاری بیان میں کہا گیا ہے کہ کینالز پر مشترکہ مفادات کونسل کا اجلاس 2 مئی کو ہونا تھا تاہم سندھ حکومت کی گزارش پر وزیراعظم شہباز شریف کی زیر صدارت سی سی آئی کا اجلاس آج شام اسلام آباد میں ہوگا۔
پہلگام حملے کے پیچھے چھپا بھارت کا دہشتگرد چہرہ بے نقاب،مظلوم کشمیریوں کی زمینیں ہتھیانا شروع کر دیں ، تہلکہ خیز انکشافات
سندھ کی طرف سے وزیراعلیٰ سندھ سید مراد علی شاہ مشترکہ مفادات کونسل اجلاس میں شرکت کریں گے، سی سی آئی اجلاس میں بلاول بھٹو زرداری اور وزیراعظم کی بات چیت کے تحت کینالوں کا فیصلہ اور مسئلہ حل ہوجائے گا۔
مزید :
چترال میں بارش اور برفباری کی نئی لہر، فصلیں متاثر، ندی نالے بپھر گئے