پہلگام واقعہ؛ لیفٹیننٹ کرنل دھونی کو ٹوئٹ نہ کرنا مہنگا پڑگیا
اشاعت کی تاریخ: 29th, April 2025 GMT
بھارت کو ورلڈکپ جتوانے والے کپتان مہندرا سنگھ دھونی پہلگام واقعہ پر پاکستان مخالف ردعمل نہ دیکر مشکل میں پھنس گئے۔
پہلگام واقعہ پر سابق بھارتی کرکٹرز، موجودہ کرکٹرز ویرات کوہلی، شبمن گل سمیت پاکستان مخالف جذبات رکھنے والے قومی ٹیم کے سابق کرکٹر دانش کنیریا نے افسوس کا اظہار کیا تاہم مہندرا سنگھ دھونی کی جانب سے کوئی بیان نہیں دیا گیا جس پر انہیں بھارتیوں کی جانب سے کڑی تنقید کا نشانہ بنایا جارہا ہے۔
ناقدین نے دھونی پر لفظی تنقید کے نشتر چلاتے ہوئے کہا کہ یہ کیسا آرمی مین ہے جو ایک ٹویٹ نہیں کر سکتا پہلگام حملہ پر؟۔
مزید پڑھیں: پہلگام واقعہ؛ کنیریا کے بعد دھون بھی آفریدی کیخلاف میدان میں اُتر گئے
خیال رہے کہ مہندرا سنگھ دھونی کی قیادت میں 2007 ٹی20 ورلڈکپ جیتنے کے بعد انہیں اعزازی طور پر اسوقت کے آرمی چیف جنرل وی کے سنگھ نے نومبر 2011 میں لیفٹیننٹ کرنل کا اعزازی رینک دیا تھا۔
مزید پڑھیں: دھونی کی فرنچائز کی مسلسل شکستوں نے بالی ووڈ اداکارہ کو رُلا دیا
واضح رہے مہندرا سنگھ دھونی واحد کپتان ہیں جن کی قیادت میں بھارت نے 2007 میں ٹی20 ورلڈکپ، 2011 میں ورلڈکپ، 2013 میں چیمپئینز ٹرافی جیتنے کا اعزاز حاصل کیا۔
A post shared by Instant Bollywood (@instantbollywood)
.
ذریعہ: Express News
کلیدی لفظ: مہندرا سنگھ دھونی پہلگام واقعہ
پڑھیں:
’اگر پہلگام کا مسئلہ ہے تو جنگ لڑیں‘، راشد لطیف بھارتی کھلاڑیوں کے رویے پر برس پڑے
بھارت اور پاکستان کے درمیان ’مصافحہ کے تنازع‘ نے شدت اختیار کر لی ہے، سابق پاکستانی کپتان راشد لطیف نے پاکستان کرکٹ بورڈ سے باضابطہ طور پر شکایت درج کرانے کا مطالبہ کیا ہے۔
دی ٹائمز آف انڈیا کو انٹرویو دیتے ہوئے راشد لطیف کا کہنا تھا کہ ایشیا کپ کے دبئی میں کھیلے گئے میچ کے دوران بھارتی ٹیم کے رویے نے ’غلط تاثر‘ چھوڑتے ہوئے کھیل کے میدان میں سیاست کا مظاہرہ کیا۔
’جنگیں پہلے بھی ہوئی ہیں، مگر ہم ہمیشہ مصافحہ کرتے رہے ہیں، یہ چیزیں ہمیشہ کے لیے ایک داغ کی مانند رہیں گی۔‘
یہ بھی پڑھیں: اسپورٹس مین شپ نظر انداز: بھارتی کھلاڑیوں کا پاکستانی کھلاڑیوں سے ہاتھ ملانے سے گریز
اتوار کو بھارت نے پاکستان کو ایشیا کپ میں 7 وکٹوں سے شکست دی جبکہ 25 گیندیں باقی تھیں، فاتحانہ شاٹ کھیلنے کے بعد بھارتی کپتان سوریا کمار یادیو اپنے ساتھی کھلاڑی کے ہمراہ سیدھا اپنی ٹیم کے ’ڈگ آؤٹ‘ کی جانب بڑھ گئے۔
Yes you are India cricket , yes you are the best team in the world .. but not to shake hands at the end of the game .. shows your real colours !!! Pakistan players were waiting but Indian players went inside dressing room !! Where is ICC#AsiaCup2025 #INDvsPAK pic.twitter.com/zRv16mrjMc
— Rashid Latif | ???????? (@iRashidLatif68) September 14, 2025
راشد لطیف نے ایکس پر اپنی پوسٹ میں کہا کہ بھارتی کرکٹ ٹیم دنیا کی بہترین ٹیم ہے لیکن میچ کے بعد ہاتھ نہ ملانا آپ کا اصل رنگ دکھاتا ہے۔
’پاکستانی کھلاڑی انتظار کر رہے تھے مگر بھارتی کھلاڑی سیدھے ڈریسنگ روم میں چلے گئے، آئی سی سی کہاں ہے۔‘
مزید پڑھیں: پاک بھارت ٹاکرا: ٹاس کے بعد دونوں کپتانوں نے ہاتھ نہیں ملایا
میچ کے آغاز ہی میں کشیدگی نمایاں تھی جب کپتان سوریا کمار یادیو اور سلمان علی آغا نے ٹاس کے موقع پر روایتی مصافحہ سے گریز کیا اور اپنی ٹیم شیٹس میچ ریفری اینڈی پائیکرافٹ کو آنکھ سے آنکھ ملائے بغیر تھما دیں۔
بھارت کی جیت کے بعد بھی سوریا کمار یادیو سیدھا ڈگ آؤٹ کی جانب بڑھے اور پاکستانی کھلاڑیوں کے ساتھ ہاتھ ملانے سے گریز کیا۔
راشد لطیف نے اس معاملے کو پہلگام حملے سے بھی جوڑتے ہوئے کہا کہ جنگ یا پہلگام حملے پر آپ کے تحفظات اپنی جگہ درست ہیں، لیکن جب آپ میدان میں آتے ہیں تو کھیل کو کھیل کی طرح کھیلیں۔
مزید پڑھیں: بھارتی ٹیم کے رویے پر محسن نقوی برہم، کھیل کی روح مجروح کرنے کا الزام
’اگر پاکستان اس میں ملوث ہے تو ذمہ داروں کو پکڑیں، جنگ ہی لڑ لیتے، لیکن وہ بھی پوری طرح نہیں لڑی، بھارت کو جنگ کرنی چاہیے تھی، مگر پیچھے ہٹ گیا۔‘
سابق وکٹ کیپر بیٹر نے الزام لگایا کہ بھارت اپنی غلطیوں پر پردہ ڈالنے کے لیے سیاست کر رہا ہے۔ ’میدان میں جو کچھ ہوا، وہ غلط تھا، مجھے ذاتی طور پر پسند نہیں آیا۔ بھارتی ٹیم نے غلط تاثر دیا۔‘
ادھر سابق پاکستانی فاسٹ بولر شعیب اختر نے بھی اسی مؤقف کی تائید کی اور بھارتی ٹیم سے ’وقار‘ دکھانے کا مطالبہ کیا۔
مزید پڑھیں: پاک بھارت ٹاکرا: صائم ایوب نے ناپسندیدہ ریکارڈ اپنے نام کرلیا
پی ٹی وی اسپورٹس پر گفتگو کرتے ہوئے شعیب اختر نے میچ کو سیاسی نہ بنانے کی نصیحت کی۔ انہوں نے بھارت کو سلام کرتے ہوئے کہا وہ بہت اچھا کھیلے۔
’ہم آپ کی تعریف کر رہے ہیں لیکن ہم یہ بھی کہہ سکتے ہیں کہ وقار دکھائیں، ہاتھ ملائیں، ہر گھر میں جھگڑے ہوتے ہیں، لیکن اس کا یہ مطلب نہیں کہ آپ اسے حد سے بڑھا دیں۔‘
بھارت کی 7 وکٹوں سے جیت کو ’مصافحہ کے تنازع‘ نے گہنا دیا ہے، اور خدشہ ہے کہ اگر دونوں ٹیمیں سپر 4 مرحلے میں دوبارہ آمنے سامنے آئیں تو معاملہ مزید بگڑسکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
راشد لطیف سابق پاکستانی کپتان شعیب اختر مصافحہ مصافحہ کے تنازع میچ ریفری وکٹ کیپر بیٹر
اسٹاک ایکسچینج میں بلندی کا نیا ریکارڈ؛ معیشت کی سمت درست اور ترقی کا سفر جاری ہے، وزیراعظم