فالس فلیگ آپریشن کی ناکامی: بھارتی فوج کے ناردرن کمانڈ کے سربراہ کی چھٹی
اشاعت کی تاریخ: 29th, April 2025 GMT
نئی دہلی : بھارت کے زیر انتظام کشمیر میں پہلگام کے مقام پر مبینہ فالس فلیگ آپریشن کی ناکامی کا ملبہ بھارتی فوج کی ناردرن کمانڈ کے سربراہ لیفٹیننٹ جنرل ایم وی ایس کمار پر ڈال دیا گیا۔ مودی سرکار نے فوری کارروائی کرتے ہوئے جنرل کمار کو ان کے عہدے سے فارغ کر دیا ہے۔
بھارتی وزارت دفاع کے مطابق لیفٹیننٹ جنرل کمار کی جگہ لیفٹیننٹ جنرل پراتک شرما یکم مئی 2025 کو بھارتی فوج کی ناردرن کمانڈ کی کمان سنبھالیں گے۔ ذرائع کا کہنا ہے کہ جنرل کمار نے پہلگام آپریشن کی ناکامی کے بعد پاکستان کے خلاف کسی بھی قسم کی مزید مہم جوئی سے انکار کر دیا تھا، جو مودی حکومت کی پالیسیوں سے کھلا اختلاف تھا۔ذرائع کے مطابق مودی سرکار نے اس انکار کو اپنی پالیسیوں کے خلاف بغاوت تصور کرتے ہوئے فوری طور پر کمان میں تبدیلی کا فیصلہ کیا۔ بھارتی میڈیا اور سیکیورٹی حلقوں میں یہ خبر ایک بڑے جھٹکے کے طور پر لی جا رہی ہے۔واضح رہے کہ بھارت کی 7 لاکھ سے زائد فورسز، نیم فوجی دستے، پولیس اور انٹیلیجنس ادارے اس واقعے کے دوران کوئی واضح کامیابی حاصل کرنے میں ناکام رہے۔ انٹیلیجنس فیلیر اور سیکیورٹی پلاننگ کی خامیوں کو چھپانے کے لیے حکومت نے تمام تر ذمہ داری فوجی قیادت پر ڈال دی۔
سیاسی و عسکری تجزیہ کاروں کے مطابق پہلگام واقعے کے بعد مودی سرکار شدید دباؤ کا شکار ہے اور اب اس ناکامی کو چھپانے کے لیے اعلیٰ سطحی عہدوں پر تبدیلیاں کی جا رہی ہیں۔
ذریعہ: Daily Mumtaz
پڑھیں:
بھارتی وزیر داخلہ کا مضحکہ خیز دعویٰ؛ پہلگام میں حملہ آوروں سے پاکستانی چاکلیٹ ملی تھی
پاک فضائیہ کی جانب سے دھول چٹانے پر بھارتی وزیر داخلہ امیت شاہ نے خفگی مٹانے کے لیے لوک سبھا میں ایسا مضحکہ خیز دعویٰ کردیا جس سے انھیں پوری دنیا میں ہزیمت کا سامنا کرنا پڑ رہا ہے۔
بھارت کے سابق وزیر داخلہ چدم برم نے کہا تھا کہ مودی حکومت کے پاس ایسے کوئی شواہد موجود نہیں جن سے یہ ثابت ہو کہ پہلگام میں حملہ آور پاکستان سے آئے تھے۔
تاہم موجودہ وزیر داخلہ امیت شاہ کو یہ کڑوا سچ ہضم نہیں ہوا اور لوک سبھا میں ہونے والی کڑی تنقید پر اپنی خفت مٹانے کے لیے ایک بار پھر بغیر کسی ثبوت کے پاکستان پر الزامات کی بوچھاڑ کردی۔
امیت شاہ نے کہا کہ پہلگام واقعے میں ملوث حملہ آورں کے پاس سے "پاکستانی چاکلیٹ" ملی جس سے ثابت ہوا کہ وہ پاکستان سے آئے تھے۔
امیت شاہ نے اپنے سابق سابق وزیر داخلہ چدم برم پر تنقید کرتے ہوئے کہا کہ وہ پاکستان کو کلین چٹ کیوں دے رہے ہیں؟
بھارتی وزیر داخلہ امیت شاہ نے الزام لگایا کہ چدم برا کا یہ مؤقف اپنانے کا مقصد صرف پاکستان کو بچانا ہے۔
امیت شاہ نے اپنی تقریر میں یہ بے سر و پا دعویٰ بھی کیا کہ پہلگام حملے میں ملوث تینوں حملہ آوروں کو ہلاک کر دیا گیا تھا۔
یاد رہے کہ مقبوضہ کشمیر کے سیاحتی مقام پہلگام میں فائرنگ کے ایک واقعے میں 26 افراد ہلاک ہوگئے تھے۔
اس حملے کے فوری بعد بھارت نے بغیر کسی تحقیق کے الزام پاکستان پر عائد کر دیا تھا لیکن ثبوت فراہم نہ کرپانے کی وجہ سے اپوزیشن اور دنیا بھر سے کڑی تنقید کا سامنا ہے۔
یہ بات طے ہے پی ٹی آئی کو سیاسی لوگوں سے ہی بات کرنا ہوگی، عظمیٰ بخاری