شہبازشریف حکومت کی جانب سے بجلی کی قیمتوں میں کمی کی بجائے اضافے کا انتباہ
اشاعت کی تاریخ: 30th, April 2025 GMT
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔30 اپریل ۔2025 )حکومت کی جانب سے بجلی کی قیمتوں میں کمی کی بجائے اضافے کا انتباہ جاری کردیا گیا ہے وزیراعظم شہبازشریف نے بجلی کی اوسط قیمتوں میں ایک روپیہ 52 پیسے فی یونٹ کمی کا وعدہ کیا تھا تاہم اب حکام کا کہنا ہے کہ پن بجلی کی پیداوار میں کمی اور مہنگے ایندھن پر انحصار بڑھنے کا امکان ہے نیشنل پاور کنٹرول سینٹر اور سینٹرل پاور پرچیزنگ ایجنسی کے حکام کا کہنا ہے کہ ڈسکوز نے مجموعی طور پر 51.
(جاری ہے)
124 ارب روپے کیپیسٹی کی لاگت میں کمی سے جڑے ہیں جن میں 16 ارب روپے کنٹریکٹس کے خاتمے اور 17 ارب روپے آئی پی پیز کے ساتھ نئے معاہدوں کی بدولت بچائے گئے اور اب تک منسوخ اور نئے معاہدوں سے مجموعی طور پر 91 ارب روپے کی بچت ہو چکی ہے.
بزنس ریکارڈرکے مطابقمارچ کے ایف سی اے کے لیے فی یونٹ 3 پیسے کی منفی ایڈجسٹمنٹ کی درخواست دی گئی ہے جس کا مالی اثر 25 کروڑ روپے بتایا گیا ہے تاہم اسے اپریل تا جون 2025 کے لیے پہلے سے منظور شدہ 90 پیسے فی یونٹ کے ساتھ ملایا جائے تو صارفین کو حقیقی رعایت صرف 50 پیسے فی یونٹ ملے گی. مارچ کے لیے اصل حوالہ جاتی فیول کاسٹ 9.2251 روپے فی یونٹ رہی جبکہ حوالہ ایف سی اے 9.2560 روپے فی یونٹ مقرر تھا سی پی پی اے اورجی کے سی ای او ریحان اختر نے بتایا کہ اگر 3.291 ارب روپے کا پچھلے سال کا ایڈجسٹمنٹ شامل نہ کیا جاتا تو صارفین کو بلوں میں زیادہ ریلیف مل سکتا تھا این پی سی سی کے جنرل منیجر نے یقین دہانی کرائی کہ ایندھن کی دستیابی کے باعث بجلی کی پیداوار تسلی بخش رہے گی لیکن مہنگے ایندھن کے استعمال کے سبب ایف سی اے لاگت میں اضافہ ہوگا انہوں نے بتایا کہ مارچ 2025 میں بجلی کی طلب میں 6 فیصد کمی ہوئی تاہم فروری کے مقابلے میں مارچ میں 6 فیصد اضافہ ریکارڈ کیا گیا. این پی سی سی کے مطابق مارچ میں گزشتہ سال کے اسی مہینے کے مقابلے میں 8.70 فیصد کم بجلی فراہم کی گئی اس دوران معمول کی بندشوں اور مجبوری کے تحت ہونے والی بندشوں کے باعث مہنگے پلانٹس کو چلایا گیا کراچی چیمبر آف کامرس اینڈ انڈسٹری (کے سی سی آئی) کے تنویر بیری نے چوری کی روک تھام اور بلوں کی وصولی میں ڈسکوز کی ناقص کارکردگی پر تنقید کی انہوں نے بتایا کہ مالی سال 2024 میں پاکستان کا سرکلر ڈیٹ 2.4 کھرب روپے یعنی جی ڈی پی کا 2.3 فیصد تک پہنچ چکا ہے جبکہ ڈسکوز اور کے-الیکٹرک کی ترسیلی اور تقسیم کی نقصانات کی شرح بالترتیب 20.1 فیصد اور 16 فیصد رہی. انہوں نے حکومت کی جانب سے سرکلر ڈیٹ کم کرنے کے لیے نئے کمرشل قرضوں کے حصول پر بھی تنقید کی اور خبردار کیا کہ اس کا بوجھ آخرکار قانون پر عمل کرنے والے صارفین پر پڑے گا انہوں نے کہا کہ پاکستان میں بجلی اب بھی خطے کے دیگر ممالک کے مقابلے میں مہنگی ہے ہمیں اگلے مالی سال کے لیے بنیادی ٹیرف کم کرنے پر کام شروع کرنا ہوگا یہ تین ماہ کی ریلیف کافی نہیں.ذریعہ: UrduPoint
کلیدی لفظ: تلاش کیجئے ارب روپے انہوں نے فی یونٹ بجلی کی کے لیے
پڑھیں:
وزیراعظم شہبازشریف نے چیئرمین سینیٹ اور اسپیکر قومی اسمبلی کی تنخواہوں میں اضافے کا نوٹس لے لیا
اسلام آباد(اوصاف نیوز) وزیراعظم نے چیئرمین سینیٹ اور اسپیکر قومی اسمبلی کی تنخواہوں میں اضافے کا نوٹس لے لیا۔
ذرائع کے مطابق وزیراعظم شہباز شریف نے چیئرمین سینیٹ، ڈپٹی چیئرمین سینیٹ، اسپیکر اورڈپٹی اسپیکر قومی اسمبلی کی تنخواہوں میں اضافے کا نوٹس لیا ہے۔
ذرائع کا کہنا ہےکہ وزیراعظم شہباز شریف نے اس حوالے سے اسپیکر اور چیئرمین سینیٹ سے رپورٹ طلب کرلی ہے۔
ذرائع کے مطابق وزیراعظم رپورٹ کی روشنی میں اسپیکر قومی اسمبلی، ڈپٹی اسپیکر چیئرمین و ڈپٹی چیئرمین سینیٹ کی تنخواہوں میں اضافے پر فیصلہ کریں گے۔ْ
واضح رہے کہ آئندہ مالی سال کے بجٹ میں سرکاری ملازمین کی تنخواہوں میں 10 فیصد اور پنشن میں 7 فیصد اضافہ کیا گیا ہے جس کے بعد اسپیکر اور چیئرمین سینیٹ کی بھاری بھرکم تنخواہوں میں اضافے پر شدید تنقید کی جارہی ہے۔
گزشتہ روز پوسٹ بجٹ پریس کانفرنس میں نمائندہ جیونیوز کے اس حوالے سے سوال کرنے پر وزیر خزانہ نے وزرا، ارکان پارلیمنٹ، چیئرمین اور اسپیکر کی تنخواہوں میں اضافے کا دفاع کرتے ہوئے کہا تھا کہ ان کی تنخواہوں میں 2016 سے اضافہ نہیں ہوا۔
اسرائیل کے بعد مودی کا جنگی جنون بھی بڑھنے لگا: جدید ہائپرسونک میزائل تجربے کی تیاری، خفیہ جگہ پہنچادیئے
ملک میں ڈیمز کی تعمیر کیلئے اجلاس، منصوبہ بندی کیلئے سفارشات پیش