پاکستانی فنکاروں کو بھارت میں کام کرنے کی اجازت نہیں ہونی چاہیے؛ جاوید اختر
اشاعت کی تاریخ: 30th, April 2025 GMT
بالی ووڈ کے معروف کہانی کار اور نغمہ نگار جاوید اختر نے بھارت میں پاکستانی فنکاروں پر پابندی کی حمایت کردی۔
سیاحتی علاقے پہلگام میں حملے کے بعد ایک بار پھر بھارت میں پاکستانی اداکاروں اور ان کی فلموں پر پابندیاں عائد کی جا رہی ہیں۔
تاہم کچھ اداکاروں اور اداکاراؤں نے ان پابندیوں کو بلاجواز قرار دیتے ہوئے پاکستانی فنکاروں کے حق میں بیانات دیئے ہیں۔
بالی ووڈ کے صف اوّل کے اسکرین رائٹر جاوید اختر نے کہا کہ میں سمجھتا ہوں، فی الوقت پاکستانی فنکاروں کو بھارت میں کام کرنے کی اجازت نہیں ہونی چاہیے۔
نغمہ نگار جاوید اختر نے مزید کہا کہ اگر میں اس پابندی کے حق میں ہوں تو اس کے دو پہلو ہیں اور دونوں کو سمجھنا ضروری ہے۔
انھوں نے کہا کہ پہلا پہلو تو یہ ہے کہ نصرت فتح علی خان، غلام علی اور نور جہاں سمیت متعدد بڑے بڑے پاکستانی فنکار بھارت آئے اور خوب پذیرائی بھی حاصل کی۔
جاوید اختر نے مزید کہا کہ پاکستان سے شاعر فیض احمد فیض جب اٹل بہاری واجپائی کے دور میں بھارت آئے تو انہیں 'سرکاری مہمان' کا درجہ دیا گیا تھا۔
تاہم جاوید اختر نے شکوہ کیا کہ بدقسمتی سے پاکستان میں بھارتی فنکاروں کو خوش آمدید کہنے کا ایسا جذبہ دیکھنے میں نہیں آیا۔
کہانی کار جاوید اختر نے مزید کہا کہ پاکستانی شعرا نے لتا منگیشکر کے لیے گانے لکھے اور وہ پاکستان میں بھی یکساں مقبول تھیں لیکن انھیں ایک بھی پرفارمنس کے لیے پاکستان نہیں بلوایا گیا۔
جاوید اختر نے کہا کہ مجھے پاکستانی عوام سے کوئی شکایت نہیں ہے، پاکستانی عوام تو ہم فنکاروں سے محبت کرتے ہیں لیکن کہیں نہ کہیں سسٹم میں کوئی رکاوٹ موجود ضرور ہے۔
پاکستانی فنکاروں پر پابندی کی حمایت کے اپنے دوسرے پہلو کو اجاگر کرتے ہوئے جاوید اختر نے کہا کہ دوسرا زاویہ یہ ہے کہ اگر بھارت میں پاکستانی فنکاروں پر پابندی لگائی جاتی ہے اس عمل سے تو کس کو خوشی ہوگی؟
.
ذریعہ: Express News
کلیدی لفظ: پاکستانی فنکاروں جاوید اختر نے بھارت میں پر پابندی نے کہا کہ
پڑھیں:
ویمنز ورلڈکپ کی ٹیم آف دی ٹورنامنٹ کا اعلان، پاکستانی کھلاڑی بھی شامل
آئی سی سی کی جانب سے ویمنز ورلڈکپ 2025 کی ٹیم آف دی ٹورنامنٹ کا اعلان کردیا گیا۔
تفصیلات کے مطابق ویمنز ورلڈکپ کے فائنل میں حصہ لینے والی چھ کھلاڑیوں کو ٹیم آف دی ٹورنامنٹ میں شامل کیا گیا ہے۔
ان چھ کھلاڑیوں میں سے تین کا تعلق بھارت اور تین کا جنوبی افریقا سے ہے۔ جبکہ آسٹریلیا کی بھی تین کھلاڑی جگہ بنانے میں کامیاب رہیں۔
پاکستان کی وکٹ کیپر سدرہ نواز کو وکٹوں کے پیچھے شاندار کارکردگی کی بنیاد پر ٹیم میں شامل کیا گیا۔
انگلینڈ کی صوفی ایکلسٹون بھی ٹیم آف دی ٹورنامنٹ کا حصہ ہیں جبکہ ان کی ہم وطن نیٹ اسکیور کو بارہویں کھلاڑی کے طور پر شامل کیا گیا ہے۔
ٹیم آف دی ٹورنامنٹ:
سمرتی مندھانا (بھارت)
لورا وولوارٹ، کپتان (جنوبی افریقا)
جمائما روڈریگیز (بھارت)
مریزان کیپ (جنوبی افریقا)
ایشلے گارڈنر (آسٹریلیا)
دیپتی شرما (بھارت)
اینابیل سدرلینڈ (آسٹریلیا)
ناڈین ڈی کلرک (جنوبی افریقا)
سدرہ نواز، وکٹ کیپر (پاکستان)
الانا کنگ (آسٹریلیا)
صوفی ایکلسٹون (انگلینڈ)
نیٹ اسکیور برنٹ، بارہویں کھلاڑی (انگلینڈ)
The #CWC25 Team of the Tournament is IN! ????
More as three trophy-winning heroes of India named ????https://t.co/CjrNjmudPt
ٹرمپ نے فوج کو فوری طور پر نیوکلیئر ٹیسٹنگ کا حکم دیدیا