مزدوروں کی فلاح و بہبود مضبوط اور روشن پاکستان کی ضمانت ہے، ڈاکٹرطارق فضل چوہدری
اشاعت کی تاریخ: 1st, May 2025 GMT
اسلام آباد(اُردو پوائنٹ اخبارتازہ ترین - این این آئی۔ 01 مئی2025ء)وفاقی وزیر برائے پارلیمانی امور ڈاکٹر طارق فضل چوہدری نے ملک کے محنت کش مزدوروں کے نام خصوصی پیغام میں پاکستان کی ترقی اور خوشحالی میں مزدوروں کے کلیدی کردار پر انکو خراجِ تحسین پیش کیا۔
(جاری ہے)
یوم مزدور کے موقع پر اپنے بیان میں ڈاکٹر طارق فضل چوہدری نے کہا کہ مزدوروں کی فلاح و بہبود خوشحال اور مضبوط پاکستان کے لیے ناگزیر ہے، ان کی بے مثال محنت اور لگن ہماری معیشت کی ریڑھ کی ہڈی ہے، اور ان کے قیمتی کردار سے ہی قوم کا مستقبل سنورتا ہے۔
وفاقی وزیر نے مزدوروں کی لگن اور عظمت کی تعریف کرتے ہوئے پاکستان کی ترقی میں ان کے اہم کردار پر روشنی ڈالتے ہوئے کہا کہ مزدوروں کی عظمت ہی قوموں کا فخر ہوتی ہے اور ہماری حکومت مزدوروں کے حقوق اور بہبود کو یقینی بنانے کیلئے پٴْرعزم ہے۔ ڈاکٹر طارق فضل چوہدری نے حکومت کی طرف سے اس عزم کا بھی اعادہ کیا کہ مزدوروں کی حمایت اور انکو بااختیار بنانے کے لیے ہر ممکن اقدامات کیے جائیں گے، کیونکہ یہی وہ طبقہ ہے جو ایک مضبوط اور خوشحال پاکستان کی تعمیر میں اہم کردار ادا کر رہا ہے۔.
ذریعہ
ذریعہ: UrduPoint
کلیدی لفظ: تلاش کیجئے مزدوروں کی فضل چوہدری پاکستان کی
پڑھیں:
دوسرا ون ڈے: آسٹریلیا نے پاکستان کو 41 رنز سے شکست دے دی
لاہور(نیوز ڈیسک)تین ایک روزہ میچوں کی سیریز کے دوسرے میچ میں آسٹریلیا نے پاکستان کو 42 رنز سے شکست دے کر سیریز 1-1 سے برابر کردی۔
لاہور کے قذافی اسٹیڈیم میں کھیلے گئے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔
مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔
آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔
پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔
232 رنز کے ہدف کے تعاقب میں پاکستان کی پوری ٹیم 44 اوور میں 190 رنز بنا کر آؤٹ ہوگئی۔
پاکستان کی جانب سے شاداب خان نے ناٹ آؤٹ 71 رنز کی اننگ کھیلی۔ ان کے علاوہ غازی غوری نے 37 اور عرفات منہاس نے 33 رنز بنائے۔
آسٹریلیا کی جانب سے ناتھن ایلس نے 4 اور میتھیو شارٹ نے 3 کھلاڑیوں کو آؤٹ کیا۔
خیال رہےکہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
مزید پڑھیں۔سونے کی قیمت میں پھر ہوشربا اضافہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ