سائنس دانوں نے سورج کی تپش کم کرنے کیلیے کمر کس لی!
اشاعت کی تاریخ: 1st, May 2025 GMT
برطانوی سائنس دانوں نے سورج کی بڑھتی تپش کو روکنے کے لیے تکنیک پر تجربات شروع کرنے کی تیاری کرلی۔ یہ تجربات برطانوی حکومت کی گلوبل وارمنگ سے نمٹنے کے لیے پانچ کروڑ پاؤنڈز کی اسکیم کا حصہ ہیں۔
جیو-انجینئرنگ کے اس منصوبے کو آئندہ چند ہفتوں میں حکومت کی جانب سے منظوری دے دی جائے گی جس میں سائنس دان ایسی تکنیک (جن میں ایٹماسفیئر میں روشنی منعکس کرنے والے ذرات کے بادل لانچ کرنے یا بادلوں کو مزید چمکدار کرنے کے لیے سمندری پانی کے اسپرے کا استعمال شامل ہے) تلاش کرنے کی کوشش کریں گے۔
ایک اور طریقہ کار میں قدرتی سائرس بادلوں (بلندی پر موجود بادل) کو پتلا کرنا شامل ہے جو کہ گرمائش کو اپنے اندر رکھنے والی چادروں کا کام کرتے ہیں۔
سائنس دانوں کو اگر ان تجربات میں کامیابی ملتی ہے تو سورج کی روشنی کم شدت کے ساتھ زمین پر پہنچے گی اور نتیجتاً زمین کی سطح وقتی طور پر ٹھنڈی ہوجائے گی۔
زمین کو ٹھنڈا کرنے کا یہ طریقہ نسبتاً کم مہنگا ہے لیکن ناقدین نے خبردار کیا ہے کہ یہ موسموں کی ترتیب میں خطرناک خلل ڈال سکتا ہے، یہاں تک کہ وہ علاقے جو غذائی پیداوار کے لیے اہم ہیں وہاں سے بارشوں کو بھی منتقل کر سکتا ہے۔
دیگر سائنس دانوں کا کہنا ہے کہ جیو-انجینیئرنگ روایتی ایندھن یعنی فاسل فیول کے استعمال کرنے کی کوشش کو روک سکتی ہے جو کہ موسمیاتی تغیر کی بنیادی وجہ ہے۔
.ذریعہ: Express News
پڑھیں:
ایشین سائنس کیمپ: پاکستانی طلبا نے دو گولڈ، ایک سِلور میڈل جیت کر ملک کا نام روشن کر دیا
پاکستانی طلبا نے ایشین سائنس کیمپ 2025 میں دو گولڈ اور ایک سلور میڈل جیت لیے کر پاکستان کا نام روشن کر دیا۔
تھائی لینڈ میں ہونے والے ایشین سائنس کیمپ میں پاکستان کی 8 رکنی ٹیم نے شرکت کی۔
خیبر میڈیکل کالج پشاور کے علی افضال محمد نے ’انوویشن اینڈ ٹیکنالوجی‘ میں گولڈ میڈل جیتا،علی افضال محمدنے ’سلیپ پوڈ‘ بنانے پر گولڈ میڈل جیتا۔ سلیپ بورڈ دو گھنٹے میں دس گھنٹے جتنی آرام دہ نیند دینے کی صلاحیت رکھتا ہے۔
بولان میڈیکل کالج کے ملک شہاب الدین سید نے ’سسٹین ایبلیٹی‘ میں گولڈ میڈل جیتا۔ ملک شہاب الدین نے سمندری حیات کو بچانے کے لیے تین مؤثر حل پیش کیے۔
نسٹ یونیورسٹی کے حاشر اسحاق نے مائیکرو چپ کا تصور پیش کرکے سلور میڈل جیتا۔مائیکرو چپ جسم میں داخل ہوتے ہی مدافعتی نظام کو متحرک کرکے وائرس ختم کردیتی ہے۔
شالیمار میڈیکل کالج لاہور کے احمد فصیح کو ’انوویشن اینڈ ٹیکنالوجی‘ کے مقابلے میں اعزازی میڈل ملا۔
ایشین سائنس کیمپ کی ٹیم کا انتخاب ملک بھر سے ٹیسٹ اور انٹرویو کے بعد کیا گیا تھا۔ ٹیم کی قیادت پاکستان سائنس فاونڈیشن کی آفیسر ریحانہ بتول نے کی۔
ایشین سائنس کیمپ کے مقابلوں میں مختلف ممالک کی 50 ٹیموں کے پراجیکٹس شامل تھے۔ ابتدائی مرحلے میں 50 پراجیکٹس میں سے ٹاپ 10 پراجیکٹس کا انتخاب ہوا۔
اگلے مرحلے میں دس بہترتین ٹیموں کے درمیان سلور اور گولڈ میڈلز کے لیے مقابلہ ہوا۔کسی بھی بین الاقوامی سائنسی مقابلے میں یہ پاکستان کی سب سے بڑی کامیابی ہے۔
چھ روزہ کیمپ میں دنیا کے ممتاز سائنس دانوں اور نوبل انعام یافتہ ماہرین نے لیکچرز دیے۔
بھارت روس سے تیل خرید کر یوکرین جنگ میں مالی معاونت فراہم کررہا ہے، امریکہ کا الزام