ملک کے مختلف شہروں میں موسلا دھار بارش اور آندھی، گرمی کا زور ٹوٹ گیا
اشاعت کی تاریخ: 2nd, May 2025 GMT
لاہور(نیوز ڈیسک)صوبائی دارالحکومت لاہور سمیت ملک کے مختلف شہروں میں موسلا دھار بارش اور شدید آندھی سے گرمی کا زور ٹوٹ گیا۔
لاہور میں شدید آندھی کے بعد موسلا دھار بارش کی وجہ سے لیسکو کے 560 سے زائد فیڈرز ٹرپ کر گئے جس سے شہر کے کئی علاقے اندھیرے میں ڈوب گئے۔
آندھی کے باعث فلائٹ آپریشن بھی معطل
آندھی کے باعث لاہور ایئرپورٹ پر ایک گھنٹے کیلئے فضائی آپریشن بھی معطل رہا اور جدہ، مدینہ، دبئی، شارجہ، مسقط کی پروازیں تاخیر کا شکار ہو گئیں۔
مختلف شہروں میں حادث
ادھر اسلام آباد میں تیز ہواؤں کے ساتھ موسلا دھار بارش نے رنگ جما دیا، طوفان کے باعث سیکٹر جی 12 میں زیر تعمیر گھر کی چھت گر گئی جس کی زد میں آکر 2 مزدور جان کی بازی ہار گئے اور 2 زخمی ہوئے ہیں۔
علاوہ ازیں پولیس ہیڈ کوارٹرز میں درخت گرنے سے اہلکار زخمی ہو گیا، خانپور ہزارہ میں آندھی کے باعث دیوار گر گئی اور تین بچے ملبے تلے دب گئے جبکہ مین جی ٹی روڈ پر درخت گرنے سے ٹریفک کی روانی متاثر رہی، مریدکے میں شادی والے گھر کی چھت گر گئی جہاں دلہن سمیت 5 افراد زخمی ہو گئے۔
گلیات میں گرج چمک کے ساتھ بارش نے موسم دلفریب بنا دیا، ملکہ کوہسار مری میں بھی بادل جم کر برسے، تلہ گنگ، کلر کہار، ہری پور، اٹک شہر اور گردونواح میں بھی موسلا دھاربارش نے موسم خوشگوار بنا دیا۔
گوجرانوالہ، جہلم، چکوال اور گردونواح میں بھی آندھی کے بعد موسلادھار بارش سے گرمی کا زور ٹوٹ گیا اور شہریوں نے سکھ کا سانس لیا تاہم محکمہ موسمیات نے ملک کے کئی شہروں میں مزید بارش کی پیش گوئی کر دی ہے۔
Post Views: 1.ذریعہ: Daily Mumtaz
کلیدی لفظ: موسلا دھار بارش ا ندھی کے کے باعث
پڑھیں:
کمرے کی چھت گر گئی،3 افرادجاں بحق
ویب ڈیسک:لکی مروت کی تحصیل سرائے نورنگ میں بارش کے باعث کمرے کی چھت گرنے کے نتیجے میں 3 افراد جاں بحق ہو گئے۔
قلعہ گراؤنڈ سرائے نورنگ کے قریب رات سے جاری بارش کی وجہ سے خستہ حال کمرے کی چھت گر گئی جس کے ملبے تلے تین افراد دب گئے۔
ریسکیو ٹیموں اور مقامی افراد نے تینوں افراد کو ملبے سے نکال کر ہسپتال منتقل کر دیا جہاں ڈاکٹروں نے ان کے جاں بحق ہونے کی تصدیق کر دی۔
تبادلوں کے منتظر اساتذہ کے لئےاچھی خبر
مرنے والوں میں 15 سال کا شوکت اللہ ان کی والدہ اور دادی شامل ہیں۔
سندھ حکومت کا یومِ آزادی تقریبات بھرپور اور تاریخی انداز میں منانے کا فیصلہ