عمران خان ہر وقت تسبیح پر کیا پڑھتے رہتے ہیں؟
اشاعت کی تاریخ: 2nd, May 2025 GMT
سابق وزیراعظم عمران خان کے ہاتھ میں پہنی ہوئی انگوٹھی اور تسبیح ہمیشہ ہی موضوع بحث رہے ہیں کہ انہوں نے انگوٹھی چھوٹی انگلی میں ہی کیوں پہن رکھی ہے اور آخر وہ تسبیح پر ہر وقت کیا پڑھتے رہتے ہیں۔
اس حوالے سے بات کرتے ہوئے سینیئر صحافی ندیم ملک نے ایک پوڈ کاسٹ میں کہا ہے کہ عمران خان کو ان کی اہلیہ بشریٰ بی بی نے کچھ پڑھنے کو کہا تھا۔ جب صحافی نے سابق وزیراعظم عمران خان سے سوال کیا کہ آخر انہوں نے ایسا کیا پڑھنے کو کہا ہے تو عمران خان نے بتایا کہ بشریٰ بی بی نے درودِ ابراہیمی پڑھنے کو کہا ہے۔
صحافی نے مزید بتایا کہ بشریٰ بی بی نے عمران خان کو کہا تھا کہ اتنی بار درورِ ابراہیمی پڑھنا ہے جتنا آپ ہر سانس کے ساتھ پڑھ سکتے ہیں۔ تو جو تسبیح عمران خان نے ہاتھ میں اٹھا رکھی ہے اس پر وہ درودِ ابراہیمی ہی پڑھتے ہیں۔
عمران خان صاحب ہر وقت تسبح پر کیا پڑھتے رہتے ہیں؟ ندیم ملک pic.
— Salman Durrani (@DurraniViews) May 1, 2025
ندیم ملک نے بتایا کہ تسبیح پڑھنے سے عمران خان کا ذہنی تناؤ اور بے چینی ختم ہو گئی تھی۔ صحافی نے مزید کہا کہ بشریٰ بی بی نے بانی پی ٹی آئی کو عین اسلامی مشورہ ہی دیا تھا۔
ویڈیو وائرل ہوئی تو صارفین اس پر مختلف تبصرے کرتے نظر آئے کسی نے انہیں تنقید کا نشانہ بنایا اور منافق قرار دیا جبکہ کوئی عمران خان کے اس عمل کی تعریف کرتا نظر آیا۔
ایک صارف نے عمران خان کی حمایت کرتے ہوئے لکھا کہ درود شریف ایسی عبادت ہے جو رَد نہیں ہوتی۔
درود شریف ایسی عبادت ہے جو رَد بالکل بھی نہیں ہوتی ????
— Rashid Malik (@rashidmalic) May 2, 2025
معروف گلوکار جواد احمد نے لکھا کہ عمران خان منافق اور مذہب فروش ہےاوراس کی مکمل سیاسی بیوی بشری وہی ہےجوارسلان بیٹےکوہدایت دیتی تھی کہ وہ عمران خان کے مخالفوں کو غداری سے جوڑ دے۔ انہوں نے مزید کہا کہ دونوں میاں بیوی نےتوشہ خانےسےکروڑوں کمائے اور ملک ریاض سےزمینیں، تحفےلیتےرہے۔ دنیاجعلی تسبیحیں،مذہبی منافقت کرنےوالوں سےبھری پڑی ہے۔
عمران بہت بڑالعنتی،منافق مذہب فروش ہےاوراسکی مکمل سیاسی بیوی بشری وہی ہےجوارسلان بیٹےکوہدایت دیتی تھی کہ وہ عمران،PTIکےمخالفوں کوغداری کےساتھ جوڑدے۔دونوں میاں بیوی نےتوشہ خانےسےکروڑوں کماۓاورکرپٹ ملک ریاض سےزمینیں،تحفےلیتےرہے۔دنیاجعلی تسبیحیں،مذہبی منافقت کرنےوالوں سےبھری پڑی ہے۔ https://t.co/brV3y3cTL0
— Jawad Ahmad (@jawadahmadone) May 2, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بشریٰ بی بی درود ابراہیمی عمران خان عمران خان انگوٹھی عمران خان تسبیح
ذریعہ
ذریعہ: WE News
کلیدی لفظ: درود ابراہیمی عمران خان انگوٹھی کو کہا
پڑھیں:
پانچ اگست کا جلسہ فیصلہ کن ہوگا، آئندہ لائحہ عمل قوم کے سامنے رکھا جائے گا: سہیل آفریدی
سٹی 42 : وزیراعلیٰ خیبرپختونخوا محمد سہیل آفریدی نے کہا ہے کہ پانچ اگست کے جلسے کی تیاریوں کے لیے تمام پارلیمانی اراکین کو ذمہ داریاں سونپ دی گئی ہیں، پانچ اگست کا جلسہ سیمی فائنل اور فیصلہ کن ہوگا، آئندہ لائحہ عمل قوم کے سامنے رکھا جائے گا۔
وزیراعلیٰ خیبرپختونخوا محمد سہیل آفریدی نے پارلیمانی اجلاس سے خطاب کے دوران کہا کہ عوام کی سہولت کے لیے پانچ اگست کے جلسے کا مقام تبدیل کر کے پشاور موٹروے کے قریب کھلے میدان میں منتقل کر دیا گیا۔ انہوں نے کہا کہ 15 اکتوبر 2025 سے تمام آئینی و قانونی راستے اختیار کیے اور افہام و تفہیم سے مسائل حل کرنے کی ہر ممکن کوشش کی، پی ٹی آئی کی مرکزی قیادت بھی مذاکرات اور افہام و تفہیم کے ذریعے مسائل کے حل کی خواہاں تھی، مخالفین نے مثبت کوششوں کا کوئی جواب نہیں دیا۔
آئی جی پنجاب نے27افسران کے تقرروتبادلے کر دیے
وزیراعلیٰ سہیل آفریدی نے کہا کہ عمران خان سے ملاقات کے لیے اسلام آباد ہائی کورٹ اور سپریم کورٹ سے رجوع کیا، اسلام آباد ہائی کورٹ اور سپریم کورٹ کے چیف جسٹس صاحبان سے ملاقات کی کوشش کی، ایک تقریب میں چیف جسٹس کے سامنے عمران خان سے ملاقات کا مؤقف پیش کیا، بطور وزیراعلیٰ اپنی جماعت کے قائد سے ملاقات میرا آئینی اور قانونی حق ہے۔ انہوں نے کہا کہ صوبے کے فیصلے عمران خان کے وژن کے مطابق کرنا ہماری ذمہ داری ہے۔
آج شام و رات سے 27 جولائی تک مزید بارشوں کی پیشگوئی
ہم میں سے کسی کی ذاتی سیاسی حیثیت نہیں، عوام نے عمران خان کے نام پر ووٹ دیا، عمران خان کو ملنے والا مینڈیٹ مسترد کرنا ساڑھے چار کروڑ عوام کی توہین ہے، وفاق خیبرپختونخوا کی منتخب حکومت کے ساتھ دوسرے درجے کے شہری جیسا سلوک کر رہا ہے۔ انہوں نے کہا کہ عمران خان کی فیملی، بہنوں اور ذاتی ڈاکٹروں کو ملاقات اور بہترین علاج کی سہولت دی جائے، عمران خان قوم کا اثاثہ اور ملک کے مقبول ترین سیاسی رہنما ہیں۔
لیونل میسی کا بین الاقوامی فٹبال سے ریٹائرمنٹ کا فیصلہ
انہوں نے کہا کہ ہم پر فوجی تنصیبات پر حملوں کے الزامات لگائے گئے، نو مئی کی غیرجانبدار تحقیقات سے دودھ کا دودھ اور پانی کا پانی ہو جائے گا۔ عمران خان کا مؤقف ہے “فوج بھی میری، ملک بھی میرا”، تمام بیانیوں میں مخالفین کو شکست دینے کے باوجود مسائل حل نہیں ہوئے۔ اب پرامن احتجاج ہی آخری آئینی راستہ ہے، آئین ہر شہری کو اس کا حق دیتا ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم