اسرائیل ظلم و بربریت کی علامت بن چکا ہے، علامہ مقصود ڈومکی
اشاعت کی تاریخ: 2nd, May 2025 GMT
جیکب آباد میں احتجاجی ریلی سے خطاب کرتے ہوئے علامہ مقصود ڈومکی نے کہا کہ فلسطین و غزہ پر ڈھائے جانے والے مظالم نے پوری انسانیت کو جھنجھوڑ کر رکھ دیا۔ آج وقت کا تقاضہ ہے کہ دنیا بھر کے مظلوم متحد ہو کر ظالموں کیخلاف میدان عمل میں آئیں۔ اسلام ٹائمز۔ مجلس وحدت مسلمین پاکستان کے مرکزی رہنماء علامہ مقصود علی ڈومکی نے کہا کہ فلسطین و غزہ پر ڈھائے جانے والے مظالم نے پوری انسانیت کو جھنجھوڑ کر رکھ دیا ہے۔ آج وقت کا تقاضہ ہے کہ دنیا بھر کے مظلوم متحد ہو کر ظالموں کے خلاف میدان عمل میں آئیں۔ ان خیالات کا اظہار انہوں نے جیکب آباد میں فلسطین کے مظلوم عوام سے اظہار یکجہتی کے لیے برآمد ہونیوالی احتجاجی ریلی سے خطاب کرتے ہوئے کیا۔ انجمن محبان اہل بیت جیکب آباد کے زیر اہتمام فلسطین اور غزہ کے مظلوم مسلمانوں سے اظہارِ یکجہتی کے لیے ایک پرامن احتجاجی ریلی نکالی گئی، جس میں بچوں نوجوانوں نے بھرپور شرکت کی۔ ریلی کے شرکاء نے ہاتھوں میں بینرز اور پلے کارڈز اٹھا رکھے تھے جن پر اسرائیلی مظالم اور عالمی خاموشی کے خلاف نعرے درج تھے۔ ریلی کے دوران بچوں نے غزہ میں شہید ہونے والے بچوں کے علامتی جنازے اٹھا کر اسرائیلی جارحیت پر شدید احتجاج کیا اور اقوامِ عالم کی بے حسی پر سوالات اٹھائے۔ پریس کلب جیکب آباد کے سامنے مظاہرین سے خطاب کرتے ہوئے ایم ڈبلیو ایم کے مرکزی رہنماء علامہ مقصود علی ڈومکی نے کہا کہ فلسطین و غزہ پر ڈھائے جانے والے مظالم نے پوری انسانیت کو جھنجھوڑ کر رکھ دیا ہے۔ آج وقت کا تقاضہ ہے کہ دنیا بھر کے مظلوم متحد ہو کر ظالموں کے خلاف میدان عمل میں آئیں۔
انہوں نے مزید کہا کہ غزہ کی استقامت نے اسرائیل جیسے ظالم قوت کو ہزیمت سے دوچار کیا ہے۔ آج اسرائیل ظلم و بربریت کی علامت بن چکا ہے۔ مگر افسوس کہ ابھی تک افغانستان کے طالبان نے اس ظلم کے خلاف احتجاج میں لب کشائی نہیں کی۔ جبکہ اردن کے شاہ، مصر کے جنرل سیسی، ترکی کے اردوغان اور سعودی حکمران سبھی امریکا و اسرائیل کے سہولت کار بنے ہوئے ہیں۔ اس موقع پر انجمن محبان اہل بیت کے صدر سید مظہر علی شاہ نقوی نے کہا کہ ہم غزہ میں جاری ظلم و بربریت کے خلاف مسلسل احتجاج کر رہے ہیں۔ اسرائیل کے خلاف رہبر معظم سید علی خامنہ ای کی قیادت میں اھل حق مصروف پیکار ہیں۔ ہم رہبر معظم کے ساتھ تجدید عہد کرتے ہیں۔ اس موقع پر جماعت اسلامی کے ضلعی امیر محمد ابوبکر سومرو، اور مجلس وحدت مسلمین یوتھ ونگ کے ڈویژنل صدر سید کامران علی شاہ بخاری نے بھی خطاب کرتے ہوئے فلسطینی عوام کے ساتھ بھرپور اظہارِ یکجہتی کیا۔
ذریعہ: Islam Times
کلیدی لفظ: خطاب کرتے ہوئے علامہ مقصود جیکب آباد نے کہا کہ کے مظلوم کے خلاف
پڑھیں:
ایران کا اسرائیل پر جوابی حملہ اسلام کے اصولِ دفاع کے عین مطابق ہے، مفتی ساجد لغاری
نور حرم فاؤنڈیشن کے چیئرمین نے کہا کہ مظلوم کے ساتھ کھڑا ہونا دین کا تقاضا ہے اور موجودہ صورتحال میں ایران مظلوم اور اسرائیل واضح طور پر ظالم ہے، ایران کے دفاعی موقف کی مکمل حمایت کرتے ہیں اور ہر اس قوت کے ساتھ کھڑے ہیں جو امتِ مسلمہ کی عزت و وقار کے تحفظ کے لیے عملی میدان میں ہو۔ اسلام ٹائمز۔ نور حرم فاؤنڈیشن کے چیئرمین اور مہتمم جامعہ باب القرآن گلشنِ اقبال کراچی، مفتی ساجد حسین لغاری نے ایران و اسرائیل کے درمیان حالیہ جنگی صورتحال پر شدید ردعمل دیتے ہوئے کہا ہے کہ اسرائیل کی جانب سے ایران کے دفاعی اور جوہری مراکز پر حملے بین الاقوامی قوانین کی کھلی خلاف ورزی ہیں۔ انہوں نے کہا کہ اسرائیل کی طرف سے مسلسل اشتعال انگیزی، ایرانی قیادت کے افراد کو نشانہ بنانا اور فلسطین میں جاری ظلم، سب امتِ مسلمہ کے لیے کھلی جنگ کے مترادف ہیں، ایران کا جوابی حملہ نہ صرف اس کی خودمختاری کا مظہر ہے بلکہ اسلام کے اصولِ دفاع کے عین مطابق ہے، مظلوم کے ساتھ کھڑا ہونا دین کا تقاضا ہے اور موجودہ صورتحال میں ایران مظلوم اور اسرائیل واضح طور پر ظالم ہے۔ مفتی لغاری نے کہا کہ قرآن پاک میں فرمایا گیا ہے ’’وَإِنِ اسْتَنصَرُوکُمْ فِی الدِّینِ فَعَلَیْکُمُ النَّصْرُ“ یعنی اگر وہ تم سے دین کے معاملے میں مدد طلب کریں تو تم پر ان کی مدد فرض ہے۔ انہوں نے اسلامی ممالک، خاص طور پر پاکستان سے اپیل کی کہ وہ دوٹوک انداز میں ایران کی اخلاقی و سفارتی حمایت کریں اور صرف مذمتی بیانات پر اکتفا نہ کریں۔
مفتی ساجد لغاری نے مزید کہا کہ ایران کے میزائل دفاع کا مقصد صرف اسرائیلی جارحیت کو روکنا ہے اور اس کی حمایت دراصل ظلم کو روکنے کی حمایت ہے۔ مفتی صاحب نے نوجوان نسل کو مخاطب کرتے ہوئے کہا کہ وہ سوشل میڈیا پر مغربی پروپیگنڈے کے خلاف علمی اور پرامن انداز میں ایران کی حقانیت کو اجاگر کریں۔ انہوں نے عالمی برادری کو بھی متنبہ کیا کہ اسرائیل کی جارحانہ پالیسیوں کی حمایت پورے خطے کو جنگ میں جھونک سکتی ہے جس کے سنگین نتائج عالمی امن کے لیے تباہ کن ہوں گے۔ مفتی لغاری نے آخر میں کہا کہ نور حرم فاؤنڈیشن ایران کے دفاعی موقف کی مکمل حمایت کرتی ہے اور ہر اس قوت کے ساتھ کھڑی ہے جو امتِ مسلمہ کی عزت و وقار کے تحفظ کے لیے عملی میدان میں ہو۔ انہوں نے امت سے خصوصی دعاؤں، اتحاد اور شعور بیداری کی اپیل کرتے ہوئے دعا کی کہ اللہ تعالیٰ مظلوم مسلمانوں کی حفاظت فرمائے، ظالموں کو ذلیل و رسوا کرے، اور امتِ مسلمہ کو باہمی اتحاد نصیب فرمائے۔
پوسٹ بجٹ پریس کانفرنس،حکومتی روئیے کیخلاف صحافیوں کا احتجاج و واک آﺅٹ