ایرانی وزیر خارجہ، اسلام آباد پہنچ گئے
اشاعت کی تاریخ: 4th, May 2025 GMT
اس موقع پر پاکستانی وزارت خارجہ میں ریجنل افئیرز کے معاون "اسد گیلانی" اور اسلامی آباد میں تعینات ایرانی سفیر "رضا امیری مقدم" نے سید عباس عراقچی کا استقبال کیا۔ اسلام ٹائمز۔ اسلامی جمہوریہ ایران کے وزیر خارجہ "سید عباس عراقچی" پاکستان کے دارالحکومت "اسلام آباد" کے "نور خان ائیر بیس" پر پہنچ گئے۔ اُن کا یہ دورہ پاکستانی حکام کے ساتھ مشاورت، دونوں ممالک کے درمیان تعلقات میں استحکام اور علاقائی و بین الاقوامی صورت حال پر تبادلہ خیال کے لئے عمل میں آیا۔ اس موقع پر پاکستانی وزارت خارجہ میں ریجنل افئیرز کے معاون "اسد گیلانی" اور اسلامی آباد میں تعینات ایرانی سفیر "رضا امیری مقدم" نے سید عباس عراقچی کا استقبال کیا۔ قبل ازیں ایک جاری بیان میں پاکستان کی وزارت خارجہ نے سید عباس عراقچی کے دورے کو تہران اور اسلام آباد کے درمیان مضبوط تعلقات کا عکاس قرار دیا۔ اس بارے میں دفتر خارجہ نے کہا تھا کہ علاقائی و بین الاقوامی صورت حال کے تناظر میں ایرانی وزیر خارجہ، پاکستان کے اعلیٰ حکام سے سوموار کو ملاقات کریں گے۔ واضح رہے کہ جنوبی ایشیاء کی موجودہ صورتحال اور اسلامی جمہوریہ ایران کی جانب سے کشیدگی کو کم کرنے میں مدد کے لیے آمادگی کے اعلان کے پیش نظر، سید عباس عراقچی کا حالیہ دورہ بہت اہمیت کا حامل ہے۔ قابل غور بات یہ ہے کہ آئندہ صبح ایرانی وزیر خارجہ، آرمی چیف جنرل "سید عاصم منیر" سے ملاقات کریں گے۔ اس کے بعد وزارت خارجہ کی عمارت میں سینیٹر و وزیر خارجہ "محمد اسحٰق ڈار" سے ملاقات کریں گے۔ یاد رہے کہ سید عباس عراقچی کا یہ دورہ پاکستان ایک روز کے لئے ہے۔
.
ذریعہ
ذریعہ: Islam Times
کلیدی لفظ: سید عباس عراقچی کا اور اسلام
پڑھیں:
جماعت اسلامی کے سیکریٹری جنرل امیرالعظیم انتقال کرگئے
لاہور(ڈیلی پاکستان آن لائن)جماعت اسلامی پاکستان کے سیکریٹری جنرل امیرالعظیم لاہور میں انتقال کرگئے۔جماعت اسلامی پاکستان کی جانب سے سماجی رابطے کی ویب سائٹ پر جاری بیان میں بتایا گیا کہ امیرالعظیم صاحب اللہ کے حضور پیش ہوگئے۔
سیکریٹری جنرل جماعت اسلامی امیر العظیم طویل عرصے سے علیل اور کینسر کے مرض سے نبرد آزما تھے۔امیرالعظیم کی نماز جنازہ کا اعلان بعد میں کیا جائے گا۔امیرالعظیم جماعت اسلامی کے سیکریٹری جنرل کے علاوہ زمانۂ طالب علمی میں اسلامی جمعیت طلبہ پاکستان کے ناظم اعلیٰ بھی رہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
لاہور میں 1958 میں پیدا ہونے والے امیرالعظیم نے پنجاب یونیورسٹی سے ایم بی اے کی ڈگری حاصل کی اور اسلامی جمعیت طلبہ کے ناظم اعلی رہے۔جماعت اسلامی پاکستان کے سابق امیر سراج الحق نے انہیں 2019 اور 2024 میں موجودہ امیر جماعت اسلامی حافظ نعیم الرحمان نے مرکزی مجلس شوریٰ کے مشورے سے انہیں مرکزی سیکریٹری جنرل مقرر کیا۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار